السلام عليكم ورحمة الله وبركاته

100% كلنا عايشين فى ظروف صعبه جدا دنيا غير الدنيا نفوس غير النفوس جو مخلينى عايش فى حاله من التوهان مش قادر افهم اللى ادامى هو عاوز ايه ومحدش فاهمنى انا عن نفسى بقالى اسبوع بعيد عن كل الناس اللى متعود عليها عندى حاله من الخمول غير طبيعيه عندى استعداد انام 24 ساعه مش فارقه ياعنى وصلت لدرجة اللامبالاه بقيت اشوف سلبيات كتير من غيرى وماعلقش عليها ياعنى بقيت اكبر دماغى مش قادر اعمل الشىء الكويس اللى كنت باعمله وده ناتج من تصرفات الناس اللى اتغيرت
اغلب الوقت قاعد لوحدى فى الشغل وبره الشغل وزى مايكون فى حاجه منعانى انى اتواصل مع الناس
بالنسبه للشغل مافيش اى تقصير والحمد لله وده يمكن علشان احساسى بالمسئوليه لكن انا فين من ده كله شايف حاجات كتير اوى مش عجبانى ومش قادر اتكلم بقيت اشوف الغلط بعينى واسكت وده مش من طبعى الاول لو شوفت حد ماشى غلط او هايقع فى الغلط انصحه بينى وبينه طبعا علشان يتقبلها
فى حاجات نفسى اعملها ومش قادر
مجرد سؤالى عن الغايب بالتليفون حتى مابقتش باعملها
بقيت مش عاوز اعرف ايه اللى بيحصل فى البلد لانى مش لاقى اى خبر كويس

المهم انا انا عاوز اغير المود ده فقولت ندردش مع بعض شويه بس بعيد عن الجو السياسى اللى بقا فى الهوا اللى بنتنفسه ياعنى على الاقل سطور بعيده عن السياسه وده من حقنا وعلى فكره ده مش هروب من الواقع انما تجديد لحياتننا علشان نقدر نكمل

انا هاجكيلكوا على موقف النهارده من اغرب المواقف اللى حصلت ادامى


توقيت خروجى من الشغل الشارع بيكون صعب اوى اللى هو الساعه 3.30 العصر وطريقى اصعب من وسط البلد لفيصل

فانا كنت راجع مع واحد زميلى فى عربيته ونزلنا من كوبرى الدقى وفى اتجاهنا للجامعه والدنيا طبعا سلطه فاجاءه بنت راكبه ماتركيس خبطتنا من ورا والخبطه خليتنا نخبط اللى ادامنا وهى كانت شاهين صاحبها شاب فوق ال30 سنه شكله محترم ونزل وهو متضايق بس لما عرف ان اللى ورانا هو اللى خبطنا وكانت بنت الراجل ماتكلمش

المهم كملنا طريقنا وقبل ما نوصل لنهايه الشارع سمعنا خبطه جامده جدا بنبص لقينا عربيه r دخلت فى عربيه من ورا بس خبطه جامده جدا

هههههههههههههههههههههه العربيه اللى اتخبطبت هى العربيه الشاهين اللى لسه خابطنها العربيه فعلا باااااااااااظت شنطه وفوانيس واكصدام

قولت فى بالى دى مكتوبالك

فى مواقف كتير هاكملهالكوا وياريت اللى عنده موقف يحكيه ويخرجنا من المود ده