بالنسة للسمارت كى ...لو أنا شيلته خارج العربية ومشيت بيها ...تمشى كام متر قبل ما تدينى رساله وتقول إن المفتاح مش فيها , ولا تبقى مصيبة لو مشيت على طول ومبصتش وراها ...أنا طبعا باتكلم فى حالة العربية دايرة وشغاله.
عرض للطباعة
بالنسة للسمارت كى ...لو أنا شيلته خارج العربية ومشيت بيها ...تمشى كام متر قبل ما تدينى رساله وتقول إن المفتاح مش فيها , ولا تبقى مصيبة لو مشيت على طول ومبصتش وراها ...أنا طبعا باتكلم فى حالة العربية دايرة وشغاله.
أول المفتاح ما يخرج من العربية و هى دايرة هتسمع صوت صفارة عالية و لكن العربية تمشى عادى لأى مسافة لحد ما تبطل ماتدورش تانى و نصيحة خلى المفتاح فى جيبك على طول وافتح العربية و اقفلها من زرار المقبض انا عامل كده و مريح نفسى من موضوع نسيان المفتاح
انا رامى المفتاح ف المحفظه شاريلوه محفظه كبيره مخصوص ولا كانى شايل مفتاح عربيه اصلا المحفظه ساحت يبقي العربيه ساحت ههههههههههههههههههه
معلش يا جماعة انا لسة دافع عربون سيراتو سمار كى بس الصراحة مش قادر افهم السمارت كى دة بيشتغل ازاى و اية نظام البصمة دى فلو حد يفهمنى بالراحة كدة يبقى الف شكراقتباس:
المشاركة الأصلية كتبت بواسطة arabino
اقتباس:
المشاركة الأصلية كتبت بواسطة ahmed_halim197
باشا أولا ألف مليون مبروك للعربية و ربنا يارب يملهالك خير و بركة و تستلمها على خير و سعادة و تكون عند حسن ظنك طبعا .
ثانيا ألف مليون مبروك علينا إحنا إننا إنضملنا نمر جديد من نمور السيراتو بشكل خاص و نمور كيا بشكل عام .
السمارت كى ده حضرتك يسمى برده Key-less entry
يعنى مش لازم تطلع المفتاح من جيب سعادتك لا و إنت عايز تفتح باب العربية ولا و إنت عايز تدور العربية و تمشى بيها يكفى إنه يبقى موجود فى مجال العربية تقريبا متر لإنه بيشتغل بالبلوتوث و عادة السمارت كى بيكون مكون من أربع زراير : الفتح - القفل - فتح الشنطة و أخيرا البحث عن العربية (زرار بتدوس عليه لو إنت راكنت العربية و مش فاكر هيه فين هتلاقى العربية عمالة تزمر بصوت عالى بتقولك أنا أهو ) لاكن برده لازم يكون مابينك و بين العربية مسافة معينة تقريبا 50 متر .
طبعا زى ما قولت لسعادتك إنك مش لازم تحط المفالح إللى هو هو السمارت كى فى الكونتكت علشان تشغل العربية و لكن هناك مكان فى التابلوه علشان تحط فيه السمارت كى و أنا بفضل إنى طول ما أنا فى العربية أكون حاطط السمارت فى الكونتكت بتاعه ليه :
أولا لأن طول ما السمارت كى فى كونتكت بطارية السمارت بتتشحن و ثانيا علشان لو نزلت فجأة من العربية هتلاقيها عملت صوت جامد و ظهر لحضرتك على المونيتور إللى فى العدادات إن الكى مش فى العربية .
أخيرا موضوع البصمة ده كدة و كدة مش زى إللى موجود فى المرسيدس و ال بى إم أو حتى التويوتا كورولا الجديدة لازم بصمتك إنت علشان تفتح الباب و كده دا عندنا عبارة عن حتة زرار أسود صعنن لما بيكون السمارت كى فى مجال العربية بتدوس عليه العربية بتتفتح عادى يعنى لو أى حد معاه السمارت كى يقدر يدخل العربية .
أسف طبعا للإطالة بس الكلام لما بيتفتح عن السيراتو ما بقدرش أمسك نفسى و خلاصة الكلام حضرتك ممكن تبحث فى اليوتيوب عن السمارت كى للسيراتو هتلاقى زميل عزيز إسمه دكتور أحمد سامى شارح الموضوع أحسن منى 10000000000000000000 مرة و سيبك من العك بتاعى و الرغى الكتير
تقبل مرورى و يارب أكون أفادتك
الف شكر يا باشا على الايضاحاقتباس:
المشاركة الأصلية كتبت بواسطة alsharief
معنى كدة ان السيراتو اللى فيها سمارت كى صعب جدا سرقتها لعدم وجود كونتاكت للسيارةاقتباس:
المشاركة الأصلية كتبت بواسطة alsharief
تماما يا شباب ، أنا سمعت أن فيه بعض السيارات لو شيلت منها السمارت كى طبعا هاتسفر زى السيراتو بس هاتمشى لمسافة 100 متر فقط وبعدين تقف وتقلك صباح الفل أمسك حرااااااااااااامى
مشفتهاش قبل كدا بصراحةاقتباس:
المشاركة الأصلية كتبت بواسطة salodas
دا الـ s class يتمشى عادى لحد لما تبطلها برده
معلوماتى غير موثقة وعموما ألف شكر على المعلومة .... سيراتويه بجد