فرامل الانسر

**عمرو عبيد** · 04-06-2007 07:07 PM

انا عندى لانسر 1600 خليجى اوتوماتيك و حاسس ان الفرامل بتاعتها مش جامدة اوى يا ترى حد لاحظ الموضوع دة

**اسلام المصرى** · 04-06-2007 09:24 PM

أنا معى لانسر 1600 مصرية أتوماتيك و الحمد لله لا توجد عندى أى مشاكل بالفرامل , الأفضل ان تكشف عليها و أفحص مستوى زيت الفرامل يمكن يكون ناقص .

وربنا معاك و يبعد عنك شر الطريق

**عمرو عبيد** · 04-06-2007 09:52 PM

شكرا يا باشا

**جندى مجند** · 04-06-2007 10:52 PM

ممكن تكون الفرامل عادية جداً و مفيهاش حاجة بس حضرتك لسة متعودتش على ضغطتها ... و دى بتحصل عادى خالص لأنى أول لما جبت عربيتى ماكنتش معجب بالفرامل بتاعتها و كنت حاسس ان فيها حاجة غلط لكن و الحمدلله انا عامل بيها دلوقت حوالى 23000 كيلو و الحمدلله لم تخذلنى أبداً فى أى موقف حرج

**M_ElSabaa** · 05-06-2007 09:39 AM

الموضوع ده غريب جدا ده احلى حاجة فى الانسر الفرامل بتاعتها لازم تروح تكشف ممكن يكون فى حاجة لقدر الله

**Ahmed Hassan** · 08-06-2007 01:25 AM

اعتقد ان المشكله يا استاذ عمرو انك مش متعود على الفرامل الـ ABS. الفرامل دي بتخليك تحس ان الفرامل ضعيفه لأنها مش بتسمح للعجل انه يمسك و يعلم في الأرض. عموما ممكن تجرب عربيه تانيه و تشوف مسافه التوقف بتاعتها من سرعه 50 كم في الساعه مثلا اد ايه.. و تعمل نفس التجربه بعربيتك و تقارن.. و ان شاء الله يكون مفيش مشاكل

**عمرو عبيد** · 08-06-2007 12:13 PM

لا ياشا انا الفرامل بتاعتى مش abs دى عادة بس فعلا انا بدات اتعود على الفرامل وجربتها فى موقف صعب و الحمد لله العربية فرملت بسرعة هى بس المشكلة ان انا كان عندى بيجو 405 و كانت فراملها زى الحديد علشان كدة انا كنت خايف ان فرامل الانسر تكون اقل فى المستوى