بسم الله الرحمن الرحيم لو سمحتوا يا جماعة أنا عايز أهبط العربية و أركبلها سوبر تشارجر و هل هيفيد تركيب الحاجات دى ولا لأ و إيه التعديلات التانية اللى ممك أعملها وبكام أرجو الإفادة:B4_611::B4_611::_Alshmokh22[1]::_Alshmokh22[1]::_Alshmokh22[1]:
عرض للطباعة
بسم الله الرحمن الرحيم لو سمحتوا يا جماعة أنا عايز أهبط العربية و أركبلها سوبر تشارجر و هل هيفيد تركيب الحاجات دى ولا لأ و إيه التعديلات التانية اللى ممك أعملها وبكام أرجو الإفادة:B4_611::B4_611::_Alshmokh22[1]::_Alshmokh22[1]::_Alshmokh22[1]:
بص يا سيدي !!
تهبط العربية ،، حتفيدك في الثبات ،،
و تركب سوبر تشارجر ،، او تربو ،، اياً كان ،، دي بتفيد في قوة الماتور !!
أما عن التهبيط ،، فده بتروح لأي حد بتاع تعديل،، تقولوا عايز أركب عفشة سبور !!
كوني و أبيكس أحسن اتنين أسمع عنهم ،، و موني أفضلها أكتر ،، لما أسمعه عنها من سمعة جميلة و الحمد لله
أما السوبر تشارجر ده،، فحروح لأي ورشة خاصة بالموضوع ده !!
==============================
نصايح ...
*الحاجات دي مكلفة !!
*مجردد مجتركب عفشة سبور ،، حتندم على اليوم الي حتمشي فيه فوق زلظة !! لأنك و بدوووووون مبالغة !! ،، حتحس بالزللللظ الي حتمشي فوقيه،، مش المطبات و بس
و ده حيعععلمك الأدب و انت ماشي جوا البلد !! أما في الطرق المفتوحة و بتاعت السفر ،، حتبقى كأنك مللك الطريق ،، غرز براحتك ،، أجري براحتك ،، لأن ثباتك زااااااااااد !!
* السوبر تشارجر او التربو ،، بيكون ليهم صوت ،، واضح اوي ،، يا ويييييلك يا سواااااد ليلك ،، لو أتظبط في لجنة بالموضوع ده
يعني التهبيط في العفشة ،، محدش ليه عندك حاجة ،، لكن اللعب في المتور ،، ممكن في حاجة زي كده ،، يتعملك محضر معاينة في المرور،، و تتسحب الرخص ،، وطبعاً حتروح تعمل معاينة بالسبور تشارجر أو التربو،، يبقى العربية ،، بحح !! :)))
* السوبر تشارجر او التربو ،، بيقلولوا من عمر الموتور جداً لو ركبوا غلط ،، هي عامةً بتفرق في "ايه هي المدة الي حياخدها موتورك قبل مينفس من كل حته فيه ،، ويجيب آخره" ؟؟ !! :))
لكن لو أتركب صح ، ده حيحافظ عليه يديك اداء لأطول مده ممكن يديهالك بالتعديل ده !! علشان كده خليك حريص في تركيب الحاجات دي و أحتار الورشة بعناية !!
الموضوع مش زي لعبة نيد فور سبيد !! :))) جيب الكيت دي و حطها وأجري بالعربية !! :))
و احب أفكرك تاني ،،
مكلفيييييييييييين !! :)))
ربنا يوفقك :)
العفشة السبور مش ناشفة للدرجة اللى انت بتقول عليها دى... اللى بيحس بالكلام دة الناس اللى بتقص السوست
و ايه دخل اللجنة بالكلام دة؟؟؟؟؟؟؟؟؟؟؟؟؟؟اقتباس:
* السوبر تشارجر او التربو ،، بيكون ليهم صوت ،، واضح اوي ،، يا ويييييلك يا سواااااد ليلك ،، لو أتظبط في لجنة بالموضوع ده
MMamdouh
بسم الله الرحمن الرحيم شكرا جدا على النصيحة بس أنا أهبط العربية و أظبطها شكلا وبس على كدة
المرور مالوش اى علقة لا بتربو ولا بسوبر تشارجر ولا اى حد يئدر يفتح بئو معاك فلحورات دى
لو اتوئفت فى لجنة فحص كل اللى هيبص علية هوا رقم الماتور متابق ولا لء دا لو فى لجنة فحص اسااسن.
ال اعرفه ان النايتروس محرم دوليا وهوا اللي لو اتمسكت بيه ببتظبط
لكن التربو قطعا لأ لأن في عربيات بتنزل تربو طبعا
اما السوبر تشارجر الله اعلم :grin54:
كان في واحد هنا أسمه محمود بسيوني ،، كان عامل موضوع من زماااان عن مساعدين سبور لعربية فيرنا،، و من القاهرة ،، و كان جه ألأسكدنرية عندنا و قالبته في يوم ز كده ،، و قالي قد أيه العفشة نشفت اوي ،، و قالي الكلمة دي بالنص "لدرجة أني بقيت أحس بالظلط ،، بعد مكنتش مش بحس بالحاجات دي ،، غير المطبات العادية ،، و الجامدة"
اقتباس:
و ايه دخل اللجنة بالكلام دة؟؟؟؟؟؟؟؟؟؟؟؟؟؟
الي أعرفه أنه تعديل الماتور الأصلي و أدخال تعديلات عليه زي التربو أو النايتروس ،، تعتبر العربية مخالفة ،، و بتبقى موال
لكن أذا كان الماتور نازل أصلاً تربو ،، ده ميضرش ...
بظبط،، ده لو كان فيها فحص أساساً على رأيك :)))
،، بس صدقاً زي مبقلك كده ،، ليا واحد صديقي اوي من أيام ثانوي ،، و والده في المرور ،، و هو الي كان قالي على الحاجات دي أيام مكنا بنقعد ندردرش مع بعض ،، هو دلوقتي في كلية شرطة "أبن الوز عوام" :))
فعلشان كده مش بشوفه دلوقتي كتير خصوصاً ان امتحاناتي انا كترت ،، و لكني أتذكر أنه قالي ،، لو الموتور بتاع عربيتك أتكشف عليه في الفحص و وجد أنه متعدل عليه بنايتروس أو تربو و "حتى هيدرز" بتبقى العربية مخاالفة !! و بتبقى بوليكا
حتى أنا ساعتها أستعجبت ،، و قالته حتى الهيدرز ؟؟ قالي أيون !!
أنا هريح دمافى وأعمل تعديلات جمالية بس من غير تعديلات فى الماتور الواحد مش ناقص يجيله ظابط فلاح يرخم عليه
انا قريب هعمل تعديل فشكل العربيه من قدام لما اخلصو هبقى اعملك تقرير مصور خطوه بخطوه واوريهولك اتمنى بس يطلع كويس ادعيلى
شكرا على الرد و ربنا يوفقك ويباركلك فى عربيتك
أذا كان على التعديلات الجمالية يا أخي في الله ،، فبرده ،، ممكن تلاقي ظابط رخم يطلع ياخدك مخالفة "تغير في جوهر العربية" للأسف ،، على العموم حضرتك من اليكس ... و أنا كمان من أليكس ،، و اتشرف أوي بمعرفتك ،، و لو عزت اي مساعدة في اي حاجة في العربية يا ريت تقولي ،نو انا لو أقدر أساعدك مش حتاخر عليك ان شاء الله،، و فرصة سعيدة :)
ربنا معاك ان شاء الله ،ن و ييسر الحال
ربنا يخليك
انا معرفش هو مركب ايه بس انا ركبت BMW E36 و E34 و كذا جوليت فيها عفشات رياضية (مساعدين كونى و سوست ابكس) و كانت العربية مش بتدبدب ولا فيها اى مشاكل خالص
اقتباس:
الي أعرفه أنه تعديل الماتور الأصلي و أدخال تعديلات عليه زي التربو أو النايتروس ،، تعتبر العربية مخالفة ،، و بتبقى موال
المعلومة دى غلط جدا... مفيش اى مادة فى قانون المرور بتمنع اى نوع من انواع التعديلات... الممنوع بس هو انك تركب موتور من صناعة شركة غير الشركة اللى مصنعة العربية... اذا كان ممكن تشيل مكنة 1300 و تركب مكانها 2000 يبقى مش حتركب تربو؟؟
اقتباس:
،، بس صدقاً زي مبقلك كده ،، ليا واحد صديقي اوي من أيام ثانوي ،، و والده في المرور ،، و هو الي كان قالي على الحاجات دي أيام مكنا بنقعد ندردرش مع بعض ،، هو دلوقتي في كلية شرطة "أبن الوز عوام" :))
فعلشان كده مش بشوفه دلوقتي كتير خصوصاً ان امتحاناتي انا كترت ،، و لكني أتذكر أنه قالي ،، لو الموتور بتاع عربيتك أتكشف عليه في الفحص و وجد أنه متعدل عليه بنايتروس أو تربو و "حتى هيدرز" بتبقى العربية مخاالفة !! و بتبقى بوليكا
اسالة كدة على نص المادة اللى فى القانون اللى بتمنع التعديل... لو جابهالك من قانون المرور يبقى الراجل صح و عداه العيب و احنا نقعد ساكتين خالص... و لو معرفش يلاقيها ياريت تقولة يبطل فتى
MMamdouh
والله يا أستاذ ممدوح ،، فتحت نفسي للتعديل ،، بعد مكنت أُحبط ،، من اني اعمل ي حاجة في العربية !! على أساس أن ظابط أبن حلال ،، ممكن يجي يقولي تغير في الجوهر ،، أو العربية مخالفة !! :))
و انا حسأله ان شاء الله ،، بس أععععععرف أتحايل عليه بسسس !!
العفو ربنا يخليك
اهم حاجة اعمل حسابك ان دى ريتمو يعنى ايه ؟؟ :
1 - العربية دى من اضعف الشاسيهات اللى نزلت فى الفيات كلها لو ماكانتش اضعفها ومشكلة فيات انها نزلتها ضعيفة قوى وبمواتير قوية لذلك اول جنيه تصرفه يكون على تقوية الشاسيه ولحام اى اماكن تكون فاتحة من الاول (ممكن حاجات موجودة وانت متعرفش) وصب رصاص وبارات والليله دى كلها
2- العربية دى من احلى وان لم تكن احلى اشكال الفيات القديم مدمجة والوانها الاصلية ميتاليك وتصميمها لذيذ جدا عندك الاف الافكار اللى ممكن تتنفذ منها المكلف ومنها اللى بملاليم وبرضه فيه حاجات بملاليم تخليها قنبلة يعنى طقم جنوط لو مينفعش طقم طاسات - تعمل نور العتب - تركب فوانيس امامية كريستال - لمبات اضائة تلجى او ابيض مزرق - لمبات اشارة ليدات - فوانيس خلفية معدلة ليدات - تابلوه 2 لو ن - طقم صوت الخ
3 - العربية دى فيات يعنى عندك لستة مواتير كتييييييييييييييييييرة قوى قوى قوى ممكن تسقط عليها ومنها
ريجاتا 2 كامة - اونو تربو - تمبرا انجيكشن - الخ الخ دا حتى موتور ال 132 يركب عندك
يعنى موضوع تزويد كفائة الموتور مش هاتغلب فيه خالص والمواتير مرمية فى السيوف وصلاح الدين والفراهدة
بس لو هتجي موتور جامد يبقى لازم شاسيه جامد اللهم بلغت
اما السست انا مفهمش فيها قوى بس فيه اقتراح ممكن تشوف سست بتاعت موديل تانى او عربية تانية تكون اقصر بس تناسب العربية عندك وكدا تهرب من تكاليف الكونى وعيوب القص بس برضه اسال لان ده راى شخصى
وعلى فكرة انا كمااان من اليكس لو احتجت اى استفسار قوللى و هديك اماكن الخنادق ان شاء الله
شكرا يا كيكو على الردبس عايز أعرف حاجة أنا مركب البار الى شادد المساعدين اللى قدام فى الكبوت أركب اللى تحت واللى على الرفارف ولا مش لازم......و معلش يعنى إيه فوانيس كريستال
[COLOR="DarkOrange"][/COLOR]أه عرفتها والزينون اللى هى نورها بيبقى أبيض؟
الفوانيس الكريستالة بتبقى فوانيس عواكسها من جوا بتلمع أوي ،، و باغتها شفافة !! مش أزاز فيه التقسيمات بتاعت الضوء ده
لالا ،، بتبقى بلاستيك و شفافة !!
،،الزينون عبارة عن لمبة أضائة !!
ممكن تركب على اي فانوس ... ببساطة ،، بتبقى لمبة من نوع معين !! ،، بتتجال و يتحطلها جهاز معين بالكتاوت بتاعتها ،، علشان الجهاز يشتغل صح !!
و معروف بأضائته الناصعة ،، في منه درجات ،، لأبيض ثلجي ناصع البياض ،، أبيض مزرق ،، و هكذا !! كل لون بيطلع ناتج من اللمبة نفسها و الجهاز الي مشغلها ،، حيث أن كل لون طالع نتيجة درجة حرارة معينة ،،
مش عايز أتوهك اكتر ،، بس دول الحاجتين الي انت سألت فيهم ببساطة
شكرا على الرد أصل أنا جديد فى كار العربيات ده ومعلوماتى على أدى
زلا يهمك ،، تحت امرك في اي حاجة ،، و زي مقلتلك أنا او كريم ،، لو عزت اي حاجة ،، احنا تحت امرك ،،و انا بجد تحت امرك لو عزت اي مساعدة في اي حاجة ،، او عايز تعدل اي حاجة ،، ممكن أساعدم على طول :)
كلام جميل بس نصيحه لصاحب الموضوع اوعى تلعب فى موتور الريتمو او تسقط مواتير فيها هيا بتفتح شاسيه بموتورها ال 1300 الاصلى عاوز تزود الاداء بتاع موتورح حتعمل الاتى
توسع بيك السرعه
تركب فلتر اسبور
تركب بوجيهات نضيفه
تركب اسبراتير الكترونى
تركب ديفل نضيف وتشيل العلب كلها
كده حتلاقى العربيه ادائها اتحسن جدااااااااا وبقت رياضيه اكتر
والتكلفه كل ده فى حدود 1000 جنيه او اكتر بسيط
تمام بس إيه افضل الأنواع و إيه المكان اللى أروحله
انواع ايه وعاوز تعمل ايه بالظبط
عشان اغلب الحاجات دى اى حد ممكن يعملها حتى انت بنفسك فيه حاجات ممكن تعملها
يعنى مفيش مكان محدد يكون محل تانينج يكون عندهتوسع بيك السرعه
تركب فلتر اسبور
تركب بوجيهات نضيفه
تركب اسبراتير الكترونى
تركب ديفل نضيف ا
و أريح دماغى هو يعمله كله
أوكيشن شكرا يا كيكو
لو فلوسك كتير سيبلى العربيه واعملك انا كل ده :)))))
لو سمحتم ياجماعة انا عندى استفسار معين
انا معايا ريتمو 1500 المانى وعايز اعمل اللى الاخ قال علية زى توسيع بيك السرعة ،، بس سوالى هو الاسبرتير اللالكترونى دة فايدتة اية وياترى بيركب على الريتمو ،، اصل انا كان معايا فورد فيستا بس الحالة تدهورت بية فاضطرت لبيعها وهى كان فيها اسبراتير الكترونى بس عايز اعرف هو اية لزمتة فى الريتمو
الفرق فى الاداء والعمر طبعا للالكترونى
الالكترونى باين من اسمه انه شغال عن طريق دائره الكترونيه لتوزيع الشراره على البوجيهات ويتميز طبعا انه بيشتغل بموبيه الكترونى ايضا بيصل الفولت بتاعها ل 45000 فولت
اما الاسبراتير العادى فهو يعمل بطريقه ميكانيكيه عن طريق عمود بيلف ومتوصل فيه الابلاتين اللى هو بيقوم بتوزيع الشراره حاجه شبه الزمبرك كده مثلا يعنى طريقه بدائيه وطبعا الابلاتين ده بيبيوظ بسرعه وبرضه النظام العادى ده بيحتاج يتظبط كل شويه تقدم الكهربا او تأخرها وطبعا بيشتغل على الموبينه العاديه الزيت اللى ليها عيوب زى السخونيه وبتطلع تقريبا 23000 فولت
لكن الالكترونى مفهوش كل الكلام ده عباره عن كارته صغيره طالع منها الاسلاك
وعيبها الوحيد انها لما بتعطل لازم تتغير كلها وتمنها فى حدود 100 الى 150 جنيه بس دى بتعطل بعد 3 الى 5 سنين وسعات اكتر طول مهى بعيده عن المياه لكن الابلاتين والكوندنسر سعرهم فى حدود ال 30 جنيه وبتحتاج تغيرهم كل كام شهر بالكتير اوى اوى سنه يبقى فى الاجمالى الفرق فى السعر للالكترونى احسن برضه
اتمنى اكون افدتك
استاذى حضرتك اكتر من افدتنى لك جزيل الشكر
بس انا طمعان استفيد من معلوماتك اكتر ،، يعنى لو فرضنا ان حالة الماتور شبة ضعيفة لكنها مش ضعيفة يعنى تقدر تقول بيطلع دخنة بسيطة ، فهل ينفع انى اركب الاسبراتير دة ومعلش استفسار تانى هو اى ميكانيكى يركبة ولا عايز حد متخصص ،، وهو بيكون فى حدود كام وهل هو متواجد فى اى محل قطع غيار؟؟
انا اسف على الاطالة بس لية استفسار تانى انا سمعت ان فى بجيوهات 2 شمعة وفى نوع اسمة kgb هل النوع دة ينفع يركب عندى وهل هو مسئول برضوا عن توليد سرعات عالية؟؟؟
اسئلتى كتيرة معلش بس انا طلبت فى الاول انى استفيد من معلوماتك