هو ايه اللي كان بيشربه ؟؟
اللي مستغربله انه شكله مأمن نفسه تماما
محدش طلعله اي مصيبه
وواضح كده من ضحكته اللي تجنن ده انه مش قلقان ولا في اي حاجه في دماغه
عرض للطباعة
هو ايه اللي كان بيشربه ؟؟
اللي مستغربله انه شكله مأمن نفسه تماما
محدش طلعله اي مصيبه
وواضح كده من ضحكته اللي تجنن ده انه مش قلقان ولا في اي حاجه في دماغه
أنا مش فاهم الراجل حاطط الموضوع عادي يعني انه اتصور مع حد مشهور وخلاص مش عارف الناس قلبت عليه ليه هوه ماله بقه بيه
انا حاسس من ردود بعض الاخوه انه اتصور مع نتنياهو مثلا !!!:ma(30):
في رأيي هو اتصور مع اللي أسوأ من نتنياهو , على الأقل نتنياهو بيعمل لصالح بلده و شعبه مش ضدهم , بس هو معذور لأنه ما كانش يعرف مين ده
بس بصراحة ما يكابرش بقى خصوصا ان كل الكلام بتاع عمر سليمان محترم و كفء و الكل بيحترمه و الكلام ده كله شغل اعلام و مالوش اي شواهد
الشواهد الموجودة بتقول انه عكس كده تماما
انا ضد مبدأ التصوير مع المشاهير اياً كان مجال شهرته او شخصيته
ههههههههه جامده الصوره رغم كرهي ليه لانه من المشرفين علي برامج تعذيب السجناء مع امريكا بس كويس انوا لسه عايش :)
ياراااااااااااجلاقتباس:
في رأيي هو اتصور مع اللي أسوأ من نتنياهو , على الأقل نتنياهو بيعمل لصالح بلده و شعبه مش ضدهم , بس هو معذور لأنه ما كانش يعرف مين ده
بس بصراحة ما يكابرش بقى خصوصا ان كل الكلام بتاع عمر سليمان محترم و كفء و الكل بيحترمه و الكلام ده كله شغل اعلام و مالوش اي شواهد
الشواهد الموجودة بتقول انه عكس كده تماما
هي وصلت لكده
بقى نتنياهو احسن من عمر سليمان بالنسبالك؟؟؟
وكمان عمر سليمان بقى بيعمل ضد شعبه وضد مصلحة بلده !!!!!
عموما انا مقتنع بحرية الرأي وده رأيك طبعا وانت حر فيه تماما
رأيي انا بقى
ان من أكبر خساير أحداث يناير 2011 في مصر هو حرقنا لكارت من وجهة نظري كان مكسب لمصر وكان هيفيدنا اوي في الفتره الجايه وهو عمر سليمان
وبالنسبه للأعداء بيحبوه لأ لأ دول بيحترموه بس و لا أقوللك ده الاصدقاء بيكرهوه ووو
ياجماعه متنسوش حاجه مهمه اوي
"لسادات كان بيتقال عليه خاين"
انت بقي الراجل الي واقف ورا عمر سليمان :)
عمر سليمان محترم طحن !
علشان إدى الغاز لإسرائيل و كان بيوقع بين الفلسطينيين بدل ما يصالحهم و كمان جاب الأسرى بتوع cia علشان يعذبهم فى مصر
و نعم الإحترام, حاجة تشرف !!
خلاص يا جماعه انا مكنتش اعرف ان في ناس بتكرهه هنا قوي كده
عماته اللي عايز يكتب فيه حاجه وحشه ممكن يفتح موضوع جديد و يكلم براحته
بصراحه انا اكتئبت :dumb:
ااااااااااااااه يا راااااااااااااااجل و اكتر من كده كمان
و عايز اعرف بقى انت باني احترامك له على ايه اكتر من كلمة (سمعت) ؟؟؟؟؟؟؟؟؟؟؟؟؟؟؟؟
ثبت العكس يا باشا خلاص
و الله يابو السعود انا اللي اكتئبت
لما اشوف الناس بتقدم فكرة مبنية على (سمعت) على وقائع اتنشرت و شواهد واضحة
سبحانك يا رب
ما هو يا تامر باشا لما الراجل يبقى في منصب او مسئول هيبقى الخلاف عليه ليه لازمه و هتفرق ان الناس تعرف حقيقته ولا لأ
انما دلوقتي الراجل ملهوش اي منصب و غير مسئول عن اي حاجه يبقى الكلام مش هيفيد حتى لو انا اقتنعت
ده غير ان لما انا قلت اني بحبه لقيت الهجوم عليا انا مش هو !!!!!
زي لما واحد يطلع يقول انا بحب السادات تقوم الناس طالعه تشتمه هو , مش تتكلم على السادات او تناقشه هو بيبحبه ليه
و رأيي فيه جه من اني كنت دايما بقرأ عنه ايام ماكان في المخابرات (مش سمعت ) و الصراحه كان الكلام عليه حلو جدا و كويس جدااا
اول ما مسك منصب نائب الرئيس لقيت الاقلام تغيرت و كله بقى بيشتم فيه و وثائق و حاجات كده
فالصراحه مصدقتش مع اني قريت كل اللي اكتب عليه
عموما لو كان الكلام اللي اتكتب عليه صحيح فأنا لسه بحترمه كشخصيه عسكريه ناجحه وصلت لمنصب مدير المخابرات الحربيه ثم المخابرات العامه
مين بقى الراجل اللى قاعد جنب عمر سليمان:Ka_che1[1]:
تقبلنا لعمر سليمان قبل الثورة له اسباب كثيره
اهمها انك ماتحلمش ان مبارك مايحكمش
و نفسك فى اى حد يجى مكان جمال
نفسك فى اى حاجه تتشعلق بيها
زى ما اقولك تحب تمسح الحمام بخيشه ولا تمسحه بممسحه؟؟
فى الحالتين انت هتمسح بس الفرق خيشه ولا ممسحه
احنا بالثورة قلنا مش هنمسح الحمام اساس
فيبقى اى خيار مبنى على ده هو خيار باطل لقضيه اصبحت باطله لم نكن نملك حريه
و بعدين فعليا عايز تشوف فضايخ المخابرات المصريه
اتفضل يا سيدى اللى انا فاكره
- التجسس على السفارات المصريه فى اوروبا و منها قدر الاوربيين يرصدوا المسجونين اللى امريكا بتبعتهم مصر (قريب)
- مقتل رجل مهم مثل اشرف مروان فى لندن ولا يخفى مقدار الرجل بالنسبه للمخابرات
- التجسس على اتصالات الرئاسه المصريه و معرفه مكان طائرة مخطوفه من الفلسطنيين و محاوطتها وتنزليلها فى قبرص (منتصف التمانينات على ما اتذكر)
- لسه من يومين ماسكين شبكه اخترقت الاتصالات المصريه من 2007 اختراق لدرجه تركيب هوائيات بدل اللى موجوده عشان يتجسسوا على المكالمات اللى بتمر فيها و وصلنا من السفه اننا نقول ان ده انتصار
ده اللى فاركره - فيه حاجات كتير فى التمانينات و التسعينات برضه - كلها تجسس على سفارات و اتصالات الخارجيه
المهم لينا برضه نقط مضيئه بس بلاش نفتكر ان كله مكسب على طول
يا محمود (اتمنى ان ما يضايقكش اني اناديك باسمك) الهجوم مش عليك ولا حاجة
انا حتى كنت في مشاركة سابقة باقول انك معذور لأنك ما تعرفش فعادي يعني
من الناحية التانية , انت كنت بتقرا ناس بتمدح فيه و بتقول محترم
طب مش فيه ناس كانت بتقول على مبارك عمنا و سيدنا و تاج راسنا ؟
اقول لك حاجة انا عن نفسي مستغرب منها لحد دلوقت ؟
زمان لما ترجمة وثائق ويكيليكس , الوثائق اللي فيها جه ذكر عمر سليمان , و كان فيها كتير من البلاوي اللي النااس بتذكرها هنا , كانوا (في الدستور) بيشيلوا اسمه و بيكتبوا (مسئول أمني رفيع المستوى) و طبعا اللي كان بيفتح الوثيقة الاصلية كان بيلاقي اسمه , و اعلنوا بعد الثورة انه هو اللي كانوا بيخبوا اسمه خوفا منه
human12 باشا
و الله انا كنت بقرأ المعلومات عنه من موقع مهتم بالاخبار العسكريه فكان كل اللي بيكتب عنه حاجات كويسه
ساحات طيران العرب
بس اكيد طبعا الاخبار اللي طلعت عنه اللي مش كويسه مش كلها غلط و اكيد فيها حاجات صح بس انا الصراحه كنت متعصب له :)
بس بصراحه انا اول مره اعرف ان شغل مخابراتنا وحش كده
تامر باشا انا يشرفني انك تناديني بأسمي و باين انك كنت بتدافع عني
عموما انا هبتدي اقرأ تاني عنه يمكن اغير فكرتي عنه و اطالب بعد كده بحذف الموضوع :)
انا أطرش اساسااقتباس:
ااااااااااااااه يا راااااااااااااااجل و اكتر من كده كمان
و عايز اعرف بقى انت باني احترامك له على ايه اكتر من كلمة (سمعت) ؟؟؟؟؟؟؟؟؟؟؟؟؟؟؟؟
اللى عايز يعرف مين عمر سليمان
يفتح جوجل و يكتب omar suleiman و هتطلع النتايج بالإنجليزى طبعا
95 % من نتايج البحث كاتبه عنه بلاوى منيلة بنيلة
و يا محمود أنا مقلتش ليك حاجة وحشة خالص, كل اللى قلته انه راجل سمعته زفت خصوصا برة مصر و أنا مايشرفنسش أتصور معاه, أحسن حاجة عملتها ان الموضوع دة فضح عمايلة كلها ( للى عايز يقرأ بجد , مش يقول "سمعت" إنه كويس ! )