الموضوع: عودة الامن والاستقرار.. حلم يبدو انه يتحقق... الحمد لله

بسم الله الرحمن الرحيم

صباح الخيرات

من شويه (بين اذان واقامة الفجر) سمعت صوت تحت البيت قلت فيه ايه خير اللهم اجعله خير
ببص من البلكونه
لقيت بوكس زانق بيتل تحت العماره عندي ومنزلين الاتنين اللي فيها وبيفتشوهم تفتيش غير عادي

اللي حصل ان البوكس اداله رعاش وشاورله انه يقف لكن الراجل فكرهم سارقين البوكس ومرضيش يقف

فالظابط بيقولو مفيش بوكسات مسروقه
احنا نزلنا خلاص وانا شاورتلك تقف يبقى تقف مش تجري

وخد بطايقهم الاتنين اللي كانو راكبين وفتشو العربية ونكتو كل محتوياتها جوا العربية وفي الشنطه وفتشو حتى الاشخاص نفسهم وفتشو متعلقاتهم من علب سجاير وشنط واكياس...

كان نفسي اصور الموقف من اوله لكن هكتفي بكم صوره بالعافيه لقطتهم لان الاضاءه وحشه وانا بعيد وبصور بالموبايل







طبعا حاجه تفتح النفس ان في بوكسات بتلف في الشوارع فضلا عن انهم بيقومو فعلا بدور فعال تجاه اي حد يشكو فيه

البوكسات بتلف عندنا من اسبوع تقريبا لكن مشفتهمش عملو حاجه غير المره دي..

علما بان اول اما خلصو تفتيش ومشيو شويه وعدى بوكس تاني فيه ناس تانيه خالص...

فهل ياترى الحلم هيبتدي يتحقق والامن ان شاء الله هيرجع زي زمان وهننام وفبطننا بطيخه صيفي؟؟؟
ولا ده اي كلام؟؟


تحياتي