و انا في أعدادي كان نفسي أطلع عالمة فلك او أي حاجة متعلقة بعلم الفلك ان شالله حتى رائدة فضاء :D

و لحد دلوقتي بيستهويني جدا التأمل في السما و النظر في النجوم و نفسي جدا جدا جدا أكون في مكان مافيهوش إنارة كهربائية.. يعني صحرا.. شط بحر من غير أي إنارة عشان أشوف النجوم واضحة كده و أفضل أعدها و أكلمها.. ده غير طبعا منظر القمر اللي بيسحرني. زمان كان ابن خالتي عنده منظار مكبر كنت باشوف بيه القمر.. و من كتر سرحاني و انا ماسكاه كانت إيدي بتوجعني و أخلي ابن خالتي يسندهولي بإيده عشان أكمل سرحان :D