عندي مشكله في البدايه الغيارات تكون سهله ولكن بعد فترة وفي الزحمه الغيار الاول بيجيش بالساهل وسعات بيجيش فبجيب الثاني واطلع من عل الثاني العربيه ماروتي 2010 مشيت 7000 كم ايه الحل بسرعه
عرض للطباعة
عندي مشكله في البدايه الغيارات تكون سهله ولكن بعد فترة وفي الزحمه الغيار الاول بيجيش بالساهل وسعات بيجيش فبجيب الثاني واطلع من عل الثاني العربيه ماروتي 2010 مشيت 7000 كم ايه الحل بسرعه
كدة برده مفيش رد
براحه شويه
وبعدين الموضوع سهل ان شاء الله
اول حاجه شوف زيت الفتيس
ثانيا ممكن تشحم بليه الفتيس و ده تحت الفتيس على طول و ممكن تفكها انت او تروح لميكانيكى و يربتلك قواعد الفتيس كمان معاه
سألت سواق مشروع مرة قالي ان دا عيب ديسك واسطوانه هل دا مظبوط مع العلم العربيه جديدة
لما يحصل معاك كده ارفع رجلك عن الدبرياج و دوس تاني كزا مره لحد ما تعش
انا مش عارف ليه بيحصل كده ساعات
بس اللي متأكد منه ان التروس مبتبقاش مظبوطه ع مكان التعشيق عشان كده لو قرصت ع العصايا هتحس بالسنون
ممكن يكون الدبرياج عايز يترفع شويه بس عشان انا لما عملت كده كان اختفي الموضوع ده لشهور
يعني روح لميكنيكي و قوله ارفعلي الدبرياج و يربطلك قاعده الفتيس و يشحم الصايه بالمره
اخي العزيز
نفسي فمره اشوف لحضرتك موضوع منتاش مستعجل فيه
دايما مستعجل
عارف
محسسني اننا خدمة عملا وقاعدين 24 ساعه والعميل حياتنا
هههههههههههههههههههههه
الصبر جميل وصدقني كل الناس هنا متعاونه وهترد عليك متقلقش...
كلام جميل ياشريف بس الراجل بيقول عامل 7 آلاف كيلو بس
على اعتبار اول صيانة كانت عالالف
المفروض ان فيها بيكون تم تغيير زيت الفتيس ومن ثم يتغير تاني كل 20-30 ألف كيلو
ده الحل الجميل اللي ممكن تعمله وفي حاجه عايزكم تاخدو بالكم منها ضروري ضروري
لو انتو حاطين دواسات في الارضيه
الدواسه مع كتر السواقه بترحل لورا الدبرياج تحت وبتعيق عمله
انا اول اما العربية تعمل كده بمد ايدي وارجع الدواسه لورا وفعلا بتبقى جايه ورا الدبرياج
وحاولت اقص من الدواسه لكن لسا برضو بتيجي وراه
يعني اضيف على كلام شريف واسلام موضوع الدواسه اللي في الارضيه
تحياتي
يعني دا عيب ولا طبيعي
مقدرش افيدك ف ديه بس ها احنا كلنا بنمر بنفس المشكله
مش عارف حاسس ان الدبرياج كل مده بيحتاج يتعلي
او هيا العربيه اصلا غيارتها رخمه و مش سلسه
قوله الله يسامحه
عربية عامله 7 آلاف كيلو تجيب ديسك واسطوانه
قوله امال اللي بيقفلو ال 200 ألف وبتفضل شغاله دول ايه سحره؟؟
طبيعي وعادي جدا بس راجع على مستوى الزيت وشحم العصايه زي مقلنا واتأكد من الدواسه وكله ان شالله هيكون تمام التمام
تحياتي
الموضوع ابسط من ذلك
عندك 3 حاجات عايزين يربطوا وحاجة عايزة تتشحم ولعلمك كل الماروتى بتيجى جديدة فيها المشكلة دى وتتحل لما الحاجات دى تتعمل
الحاجات اللى عايةز ة تتربط :
1- صليبة وصلة الفتيس الموجودة بالقرب من الفتيس(يتم الوصول لها من تحت السيارة)
2- صليبة وصلة الفتيس الموجودة تحت العصاية( برضه من تحت السيارة) وللصليبتين هتحتاج مفتاحين من نفس المقاس 10 أو 12 مش فاكر
3- المسامير الحاكمة لكاوتشة عصاية الفتيس( يتم الوصول لها من الصالون بعد فك كونصولة الفتيس، متتخضش بتتفك وتتركب فى 5 دقائق)
الحاجة اللى محتاجة تشحيم ، بيضة عصاية الفتيس وموجودة فى نفس المكان اللى هتوصل له لما تفك الكونصولة