على طريق الفيوم وانا رايح اكتوبر

**zegzaag** · 20-05-2011 12:26 PM

انا طبعا كنت ماشي عادي فالهرم وعديت الرمايه الحياه طبيعية جدا والجو حر ومقرف وجميل فنفس الوقت

لحد ما بعد نادي الرمايه يعني عند حدايق الاهرام كده لقيت الدنيا اتزحمت فبعض فقلت امشي مع الناس عادي هي ماشيه لكن بالراحه

المهم لقيت الميه مغرقه الدنيا يعني على ارتفاع 2 او 3 سانتي كده وطينه هنا وزلط وطوب هناك

فالواحد كان بيتفادى الميه الكتير ويروح يمين او شمال او كده ( أل ايه عشان ميتجيش ميه وطينه عالعربيه )

لحد مفرق الطرق الي هو يمين يوديك مدينة الانتاج الاعلامي وشمال الفيوم ( هي الحته دي نازله لتحت شويه )

المهم كان ارتفاع الميه ما يعادل 5 او 6 سانتي يعني الميه مغرقه نص العربيات فانا دخلتها وقلت امشي بالراحه خالص ( وده طلع غلط وفي ناس دخلو من الفيوم ولفو من قدام ) فونا ماشي فنص الميه العربيه كانت بتشاور عقلها فمرضتش ازود بنزين جامد فراحت مبطله

( أوباااا ) دنا فنص الميه والمايه عاليه لو فتحت الباب او نزلت الميه هتخش العربيه وانا هتغرق ميه كأني بعوم ( المهم سمي يبو حميد ودور -مفيش- كارك بنزين -مفيش- ) فكان الموتور عاوز يقوم لكن كأن المارش مش لاقط

طبعا كلو شاف ارتفاع المايه عالي مدخلش الحته دي ( الا النقل العالي ) والي يبصلي كده ويقولي واقف ليه اقولو مبتدورش تعاله دورها يضحك ويمشي والي يبصلي واصعب عليه كان منظري تحفه عربيه فنص الميه وفيها واحد جوه

المهم قلت اسيبها شويه يمكن المارش جه عليه ميه فاسيبو لحد ما ينشف وقعدت بتاع خمس دقايق أتأمل فالميه المطينه الجميله واشعر اني فمنظر طبيعي وانا مزنوق فالعربيه ومش عارف لا انزل ولا اعمل حاجه

ورحت مدور بعد خمس دقايق فعلا دارت رحت دايس وطاير من الحته الغرقانه ميه دي ورحت واقف لقيت الموتور من جوه وكل حاجه جه عليها ميه ولما نشفت بقت زي التراب او طينه خفيفه ( كده ما اجبروني اغسل الموتور ) مع اني مبحبش اغسلو مقتنع بحاجات عجيبه زي مثلا ( لما غسلتو زمان الكربراتير باظ ) وفي غسله ( بوظت علبة الفيوزات وخليتها تصدي ) وخد من ده كتير فانا عشان العربيه القديمه فمبحبش اغسلها كتير

المهم بأه يجماعه الي يقابلو موقف المفروض يهدى على نفسو وميبقاش متهور زيي انا دخلت وسط الميه فاكر نفسي راكب مقطوره والحمدلله انها جت على قد كده

هل ده صح ولا غلط وايه رأيكو الي يتعمل فموقف زي ده , وبعد حاجه زي دي نغسل العربيه ولا نعمل شيك اب على ايه ؟

**saadelden** · 20-05-2011 12:42 PM

انا مشيت في الميه كذا مره
الفكره انك ماتخليش الماتور يبطل . كل ما تحس انه هيبطل تدوس بنزين
طبعا كرتيره الزيت بتبقى في الميه ف بتسقع بسرعه و بتبرد الماتور و لو برد زياده عن اللزوم هيبطل

والدي في السعوديه ساعه السيول كان بيعوم بالعربيه :d !!

**mmffor** · 20-05-2011 01:03 PM

الحمدلله انا معايا عربية عالية

**zegzaag** · 20-05-2011 02:17 PM

المشاركة الأصلية كتبت بواسطة saadelden

انا مشيت في الميه كذا مره
الفكره انك ماتخليش الماتور يبطل . كل ما تحس انه هيبطل تدوس بنزين
طبعا كرتيره الزيت بتبقى في الميه ف بتسقع بسرعه و بتبرد الماتور و لو برد زياده عن اللزوم هيبطل

والدي في السعوديه ساعه السيول كان بيعوم بالعربيه :d !!

يارب الي بيقرو الموضوع يسمعو كلامك المفيد عشان لو حصل معاهم موقف مشابهه

بس الواحد يروح يغسلها يعني ولا ايه احسن حاجه ممكن تتعمل بعد موقف زي ده ؟

المشاركة الأصلية كتبت بواسطة mmffor

الحمدلله انا معايا عربية عالية

حتى لو عاليه مش هتبقى عاليه زي النقل بردو الميه هتيجي عالمارش والكرتيره بتاعة الزيت زي ما الاخ الفاضل قال
لكن بردو العالي عالي واكيد افضل ولو بشيء بسيط وربنا يباركلك فيها

**Ashraf_Ibrahim** · 20-05-2011 02:22 PM

لما بدخل حاجة زي كدة بكون عامل حسابي
بزود بنزين وبحط رجلي على الدبرياج
ماشي بالراحة طبعا ويا دوب العربية بتتحرك بس انا مزود بنزين والموتور واخد عزم جامد تحسبا للمواقف اللي مش ظريفة دي

**eldell** · 20-05-2011 05:53 PM

الحركه ديه حصلت معايا مره وانا على الدائرى والمشكله ان عربيتى اوتووحضرتك وقفت 5 دقايق انا وقفت فوق الساعه لدرجه انى كنت هنام فى العربيه ومن بعدها الاقى مايه اروح قافل الزجاج وطاير فى الميه هى قلت زوق انا عارف وبطين عربيات كتتير بس الى اتلسع من الشوربا

**zegzaag** · 21-05-2011 12:39 AM

المشاركة الأصلية كتبت بواسطة eldell

الحركه ديه حصلت معايا مره وانا على الدائرى والمشكله ان عربيتى اوتووحضرتك وقفت 5 دقايق انا وقفت فوق الساعه لدرجه انى كنت هنام فى العربيه

ومن بعدها الاقى مايه اروح قافل الزجاج وطاير فى الميه هى قلت زوق انا عارف وبطين عربيات كتتير بس الى اتلسع من الشوربا

والله عندك حق مهو تزود بنزين وتطين عربيات جمبك ولا انك تعطل فنص الميه وعادي كلو بيتغسل ويتمسح وتقدر تعتذر للناس بذوق

لكن فعلا لنا لما وقفت لمبة الزيت نورت اكيد معناها ان الزيت برد ولما دورت كانت بارده مع انها كانت درجة حرارتها اعلى فنشكر الاخ الفاضل الي قالنا السبب

وخلي بالكو يجماعه

**saadelden** · 21-05-2011 11:27 AM

بعد ما العربيه اتطينت و خوفا من البارومه اغسلها من تحت في بنزينه و اغسل الماتور ع الاقل بجاز لو مفيش فوم

**SYD** · 21-05-2011 01:24 PM

المشاركة الأصلية كتبت بواسطة ranger

لما بدخل حاجة زي كدة بكون عامل حسابي
بزود بنزين وبحط رجلي على الدبرياج
ماشي بالراحة طبعا ويا دوب العربية بتتحرك بس انا مزود بنزين والموتور واخد عزم جامد تحسبا للمواقف اللي مش ظريفة دي

اعتقد انا كمان ان دة رأي الصواب
،
،