اية احسن معطر للعربية جبتة وخلي رائحة العربية جميلة ودائمة
عرض للطباعة
اية احسن معطر للعربية جبتة وخلي رائحة العربية جميلة ودائمة
جليد المستورد تايلندى او اندونيسى مش فاكر بالظبط هيا العلبه ب 22 جنيه بس حكايه و بتقعد اكتر من الشجره الامريكى اللى ب 8 جنيه حا حاول اجيبلك صورته
بصراحة الشجرة الكبيرة اللي لونها اسود واسمها black ice
ريحتها رهيبة
وبتقعد مده متوسطة
على فكرة لو دورت كان في موضوع كامل وفي اراء كتير قوي وكان من مدة قريبة
ويا ريت نقاطع كل ماهو امريكي ماجتش على المعطر يعني في الف بديل
افضل معطر جربتة حتى الان هو الشجرة اير فريشنير
الامريكي وريحتها قوية جداً لدرجة انك لما تطلع من العربية
بتطلع متعطر:) + انها بتعيش شهر على الاقل.
انا باستخدم "بخور"
ايوه بخور و محدش يبصلي كده:)
شاري مبخره خشب شيك و لما باركن العربيه قبل ما أخش المكتب اقوم مولع عود بخور و حطه جوه المبخره الخشب ولما باجي اركب العربيه وانا مروح بتبقى ريحتها جميله جدا
نصائح لو حتعمل كده:
1- لازم تغلق الزجاج كويس
2- تأكد ان الناس اللي بيركبوا العربيه معندهمش حساسية من البخور
3- ما يكنش في حد ناسيه في العربيه زي عيل صغير نايم ولا حاجه علشان مايحصلش اختناق لا سمح الله
4- تأكد من اغلاق المبخره جيدا
و السلام عليكم و رحمة الله و بركاته
افضل ما توصلت له من وجهة نظرى
باشوف انا بحب برفان ايه و اعمل منه زجاجة تركيب و ما اكثر من يركب الروائح الان
بس يكون تركيب نضيف شويه
بارش قبل ما اركن فو العربيه و اقفل عليها
مع الوقت الرائحة بتبقى ماسكة فى الفرش "مش اوى علشان محدش يخاف يعملها" و بتبقى ريحة مميزة للعربيه
خد باللك من البرفانات التركيب اثرها مدمر للتابلوة والفرش
لان الزيت حامي قوي مع الشمس والسخونية