اية رائيكم فى الابيزا مو 1994 و 1998

اخوانى الاعزاء انا كان عندى عربية 128 وبصراحة قرفتنى اخر حاجة هى كانت موديل87 1000 سى سى كانت ضعيفة جدا هى قطع غيراها رخيصة ولكن مش بتعمر كل شوية عند الميكانيكى والكهربائى و العفشجى حاجة تقرف بصراحة المهم انا بعتها وقعت ادور على عربية يكون سعرها مناسب فعجبتنى الابيزا مو94 او 98 شكلها رياضى وشبابى جدا فكنت عايز اخد رائيكم فى الموديلين دول هل هما كويسين وهل مشاكلها كتيرة ذى 128 يعنى كل شوية عند الميكانيكى وقطع غيارها بتعمر ولا بتبوظ بسرعة يا رايت لو حد عندة عربية نفس الموديل يرد علية وانا بشوف سعرها بيبداء من 25 الفى الى 32 الف هل هوا دة سعرها كدة فعلا ولا اية ؟؟؟

انا معايا ابيزا 98 بقالي ثلاث سنوات وبسافر بيها كتير جدا وعمرها موقفت معايا طول مانا مراعيها يعني سيرفس منتظم وصيانة دورية للأشياء التي تحتاج الي تغيير كل فترة وبس وانسي وطبعا الفرق شاسع بينها وبين ال 128 يعني المحرك ال 1000 سيسي للابيزا معايا بعمل بيها كل حاجه و سفر باستمرار ولا توجد اي مشكلة بفضل الله

كل اللي بعمله معاها من يوم مجبتها خلال 3 سنوات
1- تغيير زيت بانتظام كل 5 الاف كيلومتر وفلتر كل 10 الي 15 الف كيلومتر
2- تغييرفلتر هواء وبنزين كل 20 الي 30 الف كيلومتر
3- تغيير بوجيهات كل 20 الي 30 الف كيلومتر
4- تغيير تيل فرامل كل 30 الف كيلومتر
5- صيانة للعفشة مرة واحدة فقط خلال ال 3 سنوات
6- تغيير كبالن مرة واحدة أيضا
7- تنظيف بوابة الانجيكشن كل 6 شهور تقريبا
غير كده كلها حاجات طارئة زي الكاوتش وخبطة هنا وحكة هناك وبس
بس خلي بالك انه أسعار قطع غيارها غالية شوية عن الكوري وال 128 ولكنها معمرة جدا ومنتشرة جديدة واستيراد

السعر فعلا زي مقلت انت ولكن انا دايما بعتبر السعر ده رزق ونصيب للبائع والمشتري واهم شيء تلاقي عربية مضبوطة تعرف تركبها لأن العربيات دي منها كتييييييير متبهدل من اللي راكبينها ومن الصنايعية اللي مبيفهموش فيها
وربنا يوفقك

اخى العزيز ايهاب انا متشكر جدا ليك على الرد الوافى دة انت طمنتنى كتير بالنسبة للعربية وان شاء الله لما اكمل فلوسها هكلمك عشان اشترى عربيتك ههههههه دة طبعا لو انت مش مستعجل
جزاك الله خيرا

اقتباس:

---

المشاركة الأصلية كتبت بواسطة mohamed_badr29

اخى العزيز ايهاب انا متشكر جدا ليك على الرد الوافى دة انت طمنتنى كتير بالنسبة للعربية وان شاء الله لما اكمل فلوسها هكلمك عشان اشترى عربيتك ههههههه دة طبعا لو انت مش مستعجل
جزاك الله خيرا

---

ربنا يبارك فيك أستاذ محمد
والله انا عارض العربية بقالي فترة واتصل بي ناس كتيييييييييييييييير جدا ولكن لسه مافيش حد خلص وتقريبا الناس كلها اليومين دول بيبيعو ويشترو كلام فقط مافيش حد بيتكلم بفلوس رغم اني بمعرفة الجميع نازل في السعر عن الطبيعي والكل بيلومني لكن الله المستعان

وربنا يوفق ان شاء الله ..........الله اعلم يمكن تفضل موجودة

128؟؟؟
انا كان عندي واحدة، اول عربية جبتها هي ال128
الله يسامحه الي اخترعها
يوميا عند الميكانيكي
بصراحة هي علمتني اوي

انا راكب حاليا ابيزا 99
ممتازة

ومتوسط السعر من 25 لحد 35 علي حسب الحالة والموديل والكماليات
اعلي سعر واعلي موديل واعلي كماليات ال99
انا اشتريت ابيزا 99 كاملة ب35

والله المستعان
،
،

السلام عليكم
محدش عندو ابيزا 94 حالة جيدة جدا للبيع ?

انا عندى 0141995998 كلمنى

اقتباس:

---

ومتوسط السعر من 25 لحد 35 علي حسب الحالة والموديل والكماليات
اعلي سعر واعلي موديل واعلي كماليات ال99
انا اشتريت ابيزا 99 كاملة ب35

والله المستعان

---

+1111111111

اقتباس:

---

ومتوسط السعر من 25 لحد 35 علي حسب الحالة والموديل والكماليات
اعلي سعر واعلي موديل واعلي كماليات ال99
انا اشتريت ابيزا 99 كاملة ب35

والله المستعان

---

+1111111111

اقتباس:

---

المشاركة الأصلية كتبت بواسطة ehab_mansour

ربنا يبارك فيك أستاذ محمد
والله انا عارض العربية بقالي فترة واتصل بي ناس كتيييييييييييييييير جدا ولكن لسه مافيش حد خلص وتقريبا الناس كلها اليومين دول بيبيعو ويشترو كلام فقط مافيش حد بيتكلم بفلوس رغم اني بمعرفة الجميع نازل في السعر عن الطبيعي والكل بيلومني لكن الله المستعان

وربنا يوفق ان شاء الله ..........الله اعلم يمكن تفضل موجودة

---

استاذ ايهاب انت بعت العربية ؟ انا شايف انك مسحتها من التوقيع بتاعك