فيرنا 2007 خلصت 80000 كم

**analyzer** · 24-04-2008 12:56 AM

المشاركة الأصلية كتبت بواسطة zakiali

أنا برده معايا فيرنا 1600 - 2008 لو كلامك مظبوط تبقي عربيه فعلا شديده وتستاهل الانتشار الرهيب ده . بس سؤال . ازاي اعرف ان تيل الفرامل اتاكل من غير ما افك العجل ؟ يعني احس بيه ازاي ؟ علي فكره الكاوتش قعد 80 الف ده كتير اوي كان لازم تغيره عند ال 50 الف عشان بعد كده بيتعرض للانفجار والانسلاخ والحاجات دي ربنا يكفينا الشر .

اسف على التاخير
بخصوص التيل فليه عدت دلالات وهى مشوار الفرامل هيطول شويه ثم هتحس بضعف فى الفرامل ثم هتسمع صوت صفاره جاى من عند العجل وده هو المؤشر النهائى الى لازم عندها تغير التيل لان بعد كدا هتدخل فى مشاكل مع الطمبورة ( وده حصل عندى )
فعلا 80 الف كتير على الكاوتش وهى للامانه الان 84550 كم ولسه مغيرتوش وده لعده ظروف
العربية الان ماشيه بتعرج فعلا من الكاوتش وربنا يسطرها

**analyzer** · 24-04-2008 12:59 AM

المشاركة الأصلية كتبت بواسطة ahmedfd

فعلاً الكاوتش كتير قوي 80000 كيلو..المفروض تغيره على 40000 أو 50000 بالكتير علشان تكون ماشي مطمن.
و ربنا يباركلك في عربيتك.

كلامك صح بس هو فى الحقيقه محسيتش منه بمشاكل الا بعد 70 الف كم وان شاء الله هيتم التغيير فى القريب العجل

**analyzer** · 24-04-2008 01:05 AM

المشاركة الأصلية كتبت بواسطة ABOZAYED

وسير الكاتينه .. مش المفروض تغيره ولا هو بيتغير علي كام ؟؟
هو الكاوتش نوعه ايه .. وانت كنت بتغير اماكن الفرد ولا لأ

سير الكاتينة اتغير على 50 الف كم وهغيرة على 90 الف تانى يعنى بعد 40 الف كم
المفرض يتغير على 30 الف كم

الكاوتش لااسا الاصلى بتاعها الى جايه بيه وفى ملحوظه على العربية بتاعتى من المشهور جدا عن الفيرنا 1500 cc ان الجنط بتاعها خرومه مستطيله اما بتاعتى الخروم الدائرية زى بتاعت ال 1600
فى الحقيقه انا مغيرتش مكان الفرد خالص بس المفروض انها تتغير ولكنى معملتش كدا لعدة اسباب

**zakiali** · 24-04-2008 09:54 AM

المشاركة الأصلية كتبت بواسطة analyzer

سير الكاتينة اتغير على 50 الف كم وهغيرة على 90 الف تانى يعنى بعد 40 الف كم
المفرض يتغير على 30 الف كم

الكاوتش لااسا الاصلى بتاعها الى جايه بيه وفى ملحوظه على العربية بتاعتى من المشهور جدا عن الفيرنا 1500 cc ان الجنط بتاعها خرومه مستطيله اما بتاعتى الخروم الدائرية زى بتاعت ال 1600
فى الحقيقه انا مغيرتش مكان الفرد خالص بس المفروض انها تتغير ولكنى معملتش كدا لعدة اسباب

حاول تهتم بسلامه وأمان العربية أكتر من كده خصوصا الكاوتش ! عشان متندمش في وقت ميفدش فيه الندم ربنا يسترها عليك وعلينا .

**analyzer** · 24-04-2008 11:17 AM

زكى باشا شكرا جدا على النصيحه بس زى ما قلتلك فى شوية اولويات بنفذها الاول خاصه ان لسه الاربع فرد شغالين تيوبلس وبدون اخرام غير فرده واحده فيها خرم واحد بس