الموضوع: كلنا نبارك لاصحابنا على التكريم max_zero & yasserelsayad & A.Saad & moha4tec

السلام عليكم
الحمد لله و احب اشكر كل الاعضاء واحد واحد على التكريم ده و ان شاء الله دايما نحتفل كل شهر باعضاء جداد فى التكريم
و والله ان مبسوط اوى من الموضوع ده جدا جدا و بصراحه فى ناس تانيه كمان عملت شغل جامد من زمايلنا و ان شاء الله يتكرموا المره الجايه
يعنى مثلا فى ناس بتجيب تخفيضات رهيبه من التوفيقيه اللى انا كنت فاكر نفسى ناصح و بروح اشترى من هناك عشان ارخص من غيرها بس فى زميل اسمه عمرو و معاه فيات (رهيب بجد بيجيب الحجات من هناك بسعر جملة الجمله يعنى ممكن تقول تخفيض يوصل 40% او 50 % فى بعض الحجات و بيعمل الكلام ده لله مع اى حد من اعضاء المنتدى و الله جاب لينا اكتر من جهاز انزار و وحدة رفع لعدة عربيات والله و نزل معانا بنفسه كذا مره ووالله جاب الانزار ووحدة الرفع =155 جنيه و هما سعرهم برا ممكن يوصل ل 300 جنيه او يزيد كمان فى بعض المحلات و مخدش و لا شلن و مكنش يعرفنا اصلا و الله مجرد انه من المنتدى و احنا كمان عمل معانا الواجب ده
و فى عضو اسمه سمسم راس فظيع فى تعديلات البرفورمانس و نزل اوتوكروس قبل كده كذا مره و فاهم اوى فى الكلام ده
و فى شادى shod90 ده بقى عبقرى اقتصادى بجد لما بقعد معاه و يتناقش فى تعديلات بلاقيه يقولى على طريقه نعملها بيها نوفر اكتر من 50% و سعات 90% من الفلوس و الله (يعنى بيعرف يوفر ازاى بجد و تعمل اللى عاوزه من تعديلات بردوا)و فى ناس كتير اوى طبعا تانيه احب اشكرهم و كمان المهندس شرف كونسلت و المهندس حاتم و المهندس ياسر لانهم المؤسسين للمقابلات المنتظمه المصغره لاعضاء كيا و كل الناس اللى حضروا المقابله بتاعة الرحاب اللى فاتت و اللى قبليها ان شاء الله و طبعا استاذ ابو ليلى صاحب المقابلات زات العدد الكبير بجد و اللى بيلم شملنا و بجد بنتعرف على ناس حلوه اوى اوى فى المقابلات اللزيزه دى

و مبروك لياسر حبيبى و ماكس زيرو و احمد سعد
و عقبال باقى الاعضاء ان شاء الله