الالنترا 2007 بتاكل ميه؟

**samihanwar** · 20-05-2011 08:30 PM

الالنترا 2007 بتاكل ميه؟
محدش عندو فكره ليه كده؟
كل يوم بزودها ميه ؟
الميه بتروح فين؟
على فكره انا عملت الجيوان وبردو بتاكل ميه
ومفيش فايده؟!!!!!!!!!!!

**elewey** · 21-05-2011 02:36 AM

[QUOTE=samihanwar;3873510928]الالنترا 2007 بتاكل ميه؟
محدش عندو فكره ليه كده؟
كل يوم بزودها ميه ؟
الميه بتروح فين؟
على فكره انا عملت الجيوان وبردو بتاكل ميه
ومفيش فايده؟!!!!!!!!!!

لو الزيت مش مطحن ومفيش ميه بتطلع من الجكمان يبقى الجوان سليم يبقى فى تسريب عندك فى دايرة التبريد

**piezo** · 21-05-2011 08:40 AM

ممكن يكون فيه خرطوم مش مقفول كويس او مشقوق شق بسيط بيسرب مياه وانت مش واخد بالك بص علي كل الخرطيم بنفسك او روح للمكانيكي

**samihanwar** · 21-05-2011 10:02 PM

كلو تمام يا رجاله ومفيش تسريب ولا كوع بايظ ولا اى حاجه من اللنتو قولتوها
وعلى فكره انا غيرتلها جيوان وش السلندر مرتين وبردو بتاكل ميه؟؟؟؟؟؟؟؟؟؟؟؟؟؟؟؟!
ايه الحل؟

**saadelden** · 22-05-2011 11:20 AM

سخن العربيه و افتح غطا الرادياتير واحده واحده
و بعدين بطل و دور
لو لقيت الميه بتنطر من الرادياتير يبقى جابت جوان تاني

لو مانطرتش يبقى انصحك تروح تكشف ع الرادياتير عند واحد محترم

**samihanwar** · 22-05-2011 02:53 PM

شكرا يا باشا
هشوف

**SAMEH_FOUAD** · 22-05-2011 11:15 PM

معلش ياباشا هو انت بتغير جوان بس , من غير ماتودى الوش للخراط يكشف علية ويشوفة قفع ولا لأ , دة اهم من تركيب الجوان نفسة ولازم تنظف طلمبة المياة بكوعة المياة بالردياتير كويس جدا

**SAMEH_FOUAD** · 27-05-2011 01:20 PM

المشاركة الأصلية كتبت بواسطة samihanwar

كلو تمام يا باشا
واتعمل اللازم
وبردو بتاكل ميه!!!!!!!!!!!!!!!!!!!!!!!!!

طالما مافيش اى اثار اختلاط مياة بزيت او مافيش فوران فى الريدياتير , او العربية مابتسخنش منك , يبقى كدة ممكن يكون فية عندك تسريب انت مش واخد بالك منة

شوف مالكش غير حل واحد بس هيعرفك الدنيا دية كلها

اولا اعمل كبس لدورة التبريد لو فية تنفيس فى خراطيم او جوان هيعرفك

وبعدين والعربية سخنة ودايرة حط ايدك على الخرطوم العمومى اللى خارج من الرديايتر لازم تلاقية منفوخ جامد وقوى وانت بتدوس علية دة معناة ان الكبس كويس فى الدورة والجوان سليم