قالولي بتحب مصر أخدني صمت طويل
الموضوع با حضرات ..... اني مش فاهم حاجه ...ومعرفتش أرد
قاعد جنبي في العربية ابن اختي .... وبكل براءة بيقولي ....ايه اللي انت عاملته ده يا خالو ..... احنا في المدرسة اخدنا ان اخضر يعني امشي واحمر يعنى اقف.... وطبعا انا مشيت و الاشارة حمرا اللي ملهاش لزمة لأن السيد امين الشرطة فتح الاشارة
سعتها سكت .... اقعدت افكر .... احنا ليه كده ... ليه بنقول وما بنعملش .... ليه بنبوظ وما بنصلحش......ليه بنقرف وما بنسعدش ....وليه وليه وليه
مع ان الحل بسيط وقدام عنيهم و الخبراء موجودين وحتى لو مش موجودين ما هما بيستسهلوا ويروحوا يجبوهم من بره
و اللي يغيظ ان في مشاريع معموله صح ... مترو انفاق ... ونفق الازهر ....و كباري كويسة .... وطرق نظيفة (العين السخنة)
بس الظاهر انه مينفعش يبقى المواطن سعيد على طول .... مينفعش يبقى في نظام ثابت ... مينفعش نبقى متقدمين ....
تخيلو مثلا ان الامارات من سنة 90 يعني من 18 سنة وهيا مطبقة نظام مراقبة اشارات المرور وفي كاميرات بتصور المخالفة وكمان بتطبق نظام المحاضر عند التصليح (يعني لو حتى حمار خبطك لازم تعمل محضر عشان تاخد اذن تصليح للسمكري ).. شوفتم المحافظة على الحقوق
واحنا لسه هنا بنفكر هندي الامين خمسة ولا عشرة جنيه لو كسرنا الاشارة ...... وعجبي