الموضوع: انا من فلول المجلس العسكرى....:)

السلام عليكم ورحمة الله وبركاته

اخباركوا ايه يا جماعة وايه اخبار البلد اللى مش عارف مين عاوزها تخرب وعلى راي الست العجوزة فى ميدان التحرير النهاردة انتوا لو كنتوا انتوا اللى عملتوا الثورة يبقى مش انتوا اللى واقفين هنا دلوقتى.

المهم.كان عندى شغل النهاردة فى وسط البلد وكان معايا اجانب طلبوا ينزلوا ميدان التحرير ومشينا فيه وقولنا ايه ده وحصل ايه هنا ومين كان بيضرب مين.

حاضر بس لو العدد كبير وحسيت بقلق وطلبت منكوا نمشى يبقى نمشى فورا.

تمام.

اول ما تخش الميدان من عبد المنعم رياض .تبداء السياسة والكل عارف كل حاجة.وبايعين الشاى والراجل السكرة بتاع البرتقال الفريش اللى بينعصر اودامك ويا بلاش الكوب بجنيه.جبنا 3 برتقال والدنيا حر واتمشينا للميدان.

هتلون يا باشا .لا شكرا .طب اسال الناس اللى معاك.الست قالت اه اوك.راح راسم علي دراعها.هلال وصليب وكتب مصر بالعربى وبحبك يا مصر والعلم.الست فرحت وانا حاسة بالثورة. ماشى.

فى لحظة اللى كان بيقوا اسالهم بقى بيرطن انجليزى و Give me 5 for the work. يا ولا انت مش كنت بتقول اسالهم.طب ما كنت سالت انت وخلاص.

واللى يصورها واللى يتصور معاها وجوزها اشترى كاب ابيض عليه 25 يناير ويلا ثورة ثورة.

لقيت واحد داخل عليا بورقة مكتوب فيها.

الى المجلس العسكرى يوم 20 ويوم 27 مايو(جمعة الغضب التانية) لتحقيق مطالبنا فى خلال الاسبوع ولو متحققتش يبقى جمعة الغضب .

تمام ايه ده يا غالى.ديه مطالب الشعب.بس انا مطلبتش كدة ومش هقف اودام الجيش ومش هضرب طوبة على جيشى ومش هخرب البلد.

بص يا باشا ديه رسالة للمجلس والنهاردة بنوصلها ولا هنعمل انقلاب.حلو انا سمعت انقلاب وجاللى هلع.

انقلاب ايه يا ريس .هو انت هتعمل زى يوم 28.اه.طيب وبعدين ولما الجيش يضرب او ينسحب زى الشرطة اللى لسة منزلتش ومش عاوزين ينزلوا.يقولى لا الجيش مش هيضربنا.طيب لو ضرب.يقولى مش عارف. انت مين يااا.ومين اللى مديك الورقة وايه الخراب اللى انت عاوزه ده وهو فيه ايه.راح ماشى ومشفتوش تانى.

واحد تانى ببدلة وشكله غلبان وشايل شنطة سودا وكان ناقص البطيخة والجرنان.راح مدينى ورقة فيها اسمه ورقم التيلفون.نعم.انا مش عارف مين المحامى بالنقض وبنعمل اتصل بينا ويمكن تنضم.طب بتنادوا بايه.راح هوب قلب سوبر مان واتنفخ.القضاء لازمممممممممممم يتطهر والجيش يخلص بقى ويبطل المسرحية.

براحة براحة مال الجيش بالقضاء؟ وانت محامى وفاهم.لازم يطهر القضاء ويبطل الحركات ديه.امممم ماشى هو فيه ايه طيب.يعنى ايه يطلع سوزان.هو مين اللى طلعها وهو ماله.لا ازاى بقى مش هو اللى بيحكم. طب ولو بيحكم ماله برده.مش هو حسنى مبارك كان بيقول للقضاة الفاسدين يعدموا ده يعدموه وده يطلع بيطلع.اممم مش عارف حصلت امتى ديه ومين راح فين.راح باصص لواحد تانى من الواقفين وقالوا فاكر مش عارف مين من عندنا فى البلد وقالوا ده يتحبس راح حابسه.التانى يقوله اه.

رحت ضاحك وماشى.واسمعلك بقى لا لا سيبك منه ده من فلول الجيش.ههههه حلو.طب استنانى بس اروح الاجانب ونقعد افهم بقى فلول الجيش طلعوا امتى دول.يبصلى وعاوز يقولى اطلع من دول يا فلولزوانا اضحكله واقوله ما هى خلاص هاصت واللى مش عارف واللى عارف بيتكلم وكله خلطبيطة.وشوية ولقيته بيكلم شباب ويقولهم ده فلول والاجانب دول هيخربوها وعندهم فلوسنا ومش عاوزين يرجعوها.اه يا ابن....زاضطريت طبعا امشى بعيد عنه فورا.

وهوب واحد تانى بجلابية بيخبط على كتفى و افتكرته اخرس,نعم.ماسك ورقة على صدره.علاء مبارك عنده 4 قصور على طريق الاسماعيلية ويوم التنحى هرب منهم.

مش فاهمك بالاشارة.راح متكلم علطول.عنده 4 قصور فيهم كل حاجة واشكال وانواع.تمام وانت الجناينى ولا كنت شغال هناك.لا.طب عرفت منين انهم بتوعه ولا ايه اللى فيهم.ازاى بقى ده انا من الاسماعيلية.ماشى

وواحد شاب راح داخل عليا قولت بس انا روحت ضحية وابنى ومراتى.وهوب راح مادد ايده فى جيبه ومطلع ورقة .نعم.اقرا للناس اللى معاك ديه.ايه ديه يا معلم.ورقة مكتوب فيها.سرقوا الثورة منى وهنزل التحرير تانى يوم 27.جمعة الغضب التانية. حاضر وعاوز نسخة بقى عشان ميعاد الطيارة جيه ولازم نمشى وهقراها براحتى ليهم فى السكة.ماشى يا باشا.

وهوب واحد معاه كراسة ومعلش بعد اذنك.نعم.ممكن يكتبوا ليه نزلوا ميدان التحرير وايه رايهم.هههه حاضر.قلم يا جماعة.قلم.مفيش.طب ما تقول عاوز قلم وخلاص منهم يا جدع.المهم واحد طلع قلم والناس كتبت.نتمنى ليكوا حياة افضل واهدئ ونتمنى الشباب فى العالم كله يتعلم انهم قادرين يعملوا اللى هما عاوزينه ويختاروا صح على فكر سليم وواعى.

طبعا لما ترجمت.راح واحد طالع.يعنى واعى.هو احنا مش واعيين.كان نفسى اقوله انت خربااااااااااااااااان يا تايه. .

المهم الناس اللى حواليه فهمتوا وكام صورة وتمام ويلا بينا يا جماعة عشان الوقت اتاخر.

تعليقى :

ربنا يرحمنا من اللى مش فاهم ويارب اللى فاهم يقدر يفهم اللى مش فاهم.

الشعب المصري استلم حريتة جديد و نسى ياخد الكتالوج
ونازل لعب في كل الزراير)))

--------