انا خلاص اتخنقت من الاشارات و العساكر

**3mr Farrag** · 22-04-2008 02:11 PM

انا خلاص جبت اخري من موضوع الاشارات المتخلفه اللي في بلدنا ديه....
و العساكر اللي مش فاهمين اي حاجه في اي بتنجان....
و الموضوع باختصار...اني كتير العسكري يقفل عليا الاشاره و اكون طبعا عديت
و تكون مافيش كام متر و عربيه تانيه لسه معديه....
و الاقي طبعا الناحيه التانيه فتحت ...و انا بقي اتزنق في النص...
و ابقي بقي السواق اللي معندوش اخلاق ولا ادني فكر عن اشارات المرور....
يعني تلاقي العسكري قفل الاشاره من هنا....و فتح في نفس اللحظه الاشاره الناحيه التانيه...
عسكري متطور فعلا...بيعمل حاجتين في نفس الوقت
و كلوا يلبس في بعضوا.....

لازم نشوف حل للكارثه ديه......
احسن ممكن مره اتنرفز اكثر و اعلق العسكري علي الاشاره اللي محطوطه منظر ديه....

**Ghamrawy** · 22-04-2008 08:22 PM

اللى انت بتقوله مجرد حلقة واحدة من المسلسل المصرى اليومى للمرور لا و الله مش فى المرور بس و لكن فى كل احوال البلد و الغلطة فى الحكمة اللى بتجييب الناس دى من وسط اراضيها و مواشيها علشان تشتغل عساكر ،من الاخر احنا فى بلد العشوائية فما تاخدش فى بالك

**mohameduoser** · 22-04-2008 08:33 PM

اتا ماباتش باشوف اشارات كلو ال U-turn و خلاص اتا باتكلم عن مدينة نصر

**Casio2000** · 22-04-2008 09:25 PM

الى الجحيم ايتها ال "يو تيرنات" بجد انا ببقى فى مكرم عبيد و اتخيل المشوار لحد تكنولوجي مول مثلا ولا سيتي ستارز و ال يو تيرنات الزفت اللي حاعدي عليها بروح لاغي المشوار.

انا مش من القاهرة بس اكتشفت ان في اشارات معروفة كدا رغم انها شغالة لكن مش معترف بيها و ياما بيحصل اقف في الاشارة و الاقي اللي ورايا كان حايلبس فيا و مابيرحمنيش من الشتيمة غير ارقام العربية اللي بتعرف الناس ان البعيد مش من هنا