فروق بين السيارات اليابانيه

**Ramy.Gamal** · 22-04-2008 02:43 PM

هل تعتقد ان هناك فروق بين السيارات اليابانيه من حيث الجودة والعمر والخامات المستخدمه انا شخصيا اعتقد ان الفروق الجوهريه من حيث العمر والخامات والجودة اصبحت قليلة او منعدمة بعدما ارتقت بعض الشركات مثل متسوبيشى ودايهاتسو واصبحت لا تقل عن تويوتا وهوندا من حيث الجودة وانا لا اقصد من حيث الشكل او التصميم انما هل فعلا اصبحت مقوله (دة عربيه يابانى) مقوله صحيحة ام ان الشركات اليابانيه مختلفة الرؤى والسياسات

**أبو عبدالله** · 22-04-2008 03:31 PM

مقولة دي ياباني اللي الناس زاعلانه منها هنا في المنتدى مقولة صحيحه لعدة اسباب
اولها ان المشكلة مش في العربيات
المشكلة في ان الادارة اليابانية من اكفأ الادارات في العالم واحنا لما درسنا الادارة عرفنا ان اليابانيين هما اللي بيصدروا الادارة للعالم وسمعنا قصص عن العامل الياباني بيعمل ايه في اجازاته وبيبقى عاوز يشتغل ده كله علشان الادارة جيده
وبما ان الادارة جيده ولا تتنازل عن مستوى معين للجوده ولا يسعون لكسب المال بطريقه مباشره يعني يحصل دلوقتي وبعد كده مش مشكله
فده من اسباب وجود مقولة كهذه ان دي ياباني زي كلمة دي الماني
وبعيد عن السيارات
انا عاوز حد يجيبلي حاجه ياباني مش من العربيات
مثلا من الاجهزة الكهربائية او اي حاجه تانيه ويقولي دي طلع فيها عيب او قعدت سنه وباظت
متلقيش
حاجاتهم معمره جدا
واسأل اللي كانو في الخليج من السبعينات والثمانينات وعندهم أجهزة ياباني لحد دلوقتي شغله

طيب انا هقولك
احنا اشترينا ثلاجه سانيو من سنه 1982
الثالجه دي بتعمل بنظام النو فروست يعني نظام هواء ساقع وليس ثلج
الثلاجه دي معرفنهاش في مصر الا في اواخر التسعينات كده
والثلاجه لو شفتها وشوفت تقفيلها وخاماتها والله هتفتكر انها بكثير بقالها سنتين ثلاثه فقط

وبرضه عندنا ماكينة خياطه برضه تويوتا اشتريناها في نفس السنه تقريبا برضه
الماكينه دي بتعمل كل حاجه تخطر على بالك في الخياطه لحد تركيب الازرار
بتركبلها اقراص زي الأسطمبه كده وهيا تشتغل عليها
مش هقولك على خامتها عامله ازاي
لأ اسمع صوتها وهيا بتشتغل بس
حاجه تحفه

طيب دول من سنه كام وشغالين لحد دلوقتي ازاي

والله انا عندي قطار صغير مكتوب عليه صنع في الياباني ايام ما كانت في العاب ياباني
القطر ده بيعمل حاجه غيربه جدا ولحد دلوقتي مش عارف ايه سرها ومش بتوقف ولا تخلص
القطر ده لما يمشي بيعمل دخان من المدخنه بتاعته
ازاي مش عارف
طيب من سنة 80 لحد دلوقتي الدخان ده مش بيخلص او يقف لا
طب ليه برضه مش عارف طب ازاي مش عارف برضه

فبعد ده كله وحد يقولي مفيش حاجه اسمها ياباني
يبقى معلشي لم يجرب اي حاجه ياباني لفترات كبيره

**kingnoro** · 22-04-2008 03:31 PM

شكرا على الموضوع.

أظن انة هناك فرق بين العربيات اليباني خصوصا في الموتير و ايضا في سياست توزيع عربيتهم في مصر بالتحديد.

**TAG_Turbo0** · 22-04-2008 07:48 PM

انا أعتقد - والله أعلم - ان طبعا فى فروق رهيبة
يعنى التويوتا انعمهم
والهوندا أشدهم
والسوباروا أكترهم قدرة على التحمل والخدمة الشاقة
والمتسوبيشى أكتر اقتصادية
ده من وجهة نظرى

**mohamed ibiza** · 22-04-2008 11:48 PM

اتفق قلبا و قالبا مع تاج تربو كنت هقول زيو بالظبط

Ibiiiiiiiiiiiiiiiiiiiiiiiiiiiizzzzzzzzzzzzzzzzzzzz aaaaaaaaaaaaaaaaaaaa For Ever

**محمدايهاب** · 23-04-2008 12:18 AM

أنا رأي إن الياباني بيختلف يعني الهوندا و التويوتا غير السوزكي و الميتسوبيشي و السوبارو
أما بالنسبة لمقولة ده ياباني و ده ألماني أو ده فرنسي كل مقولة و ليها معناها
لكن با أبو عبدالله اليابانيين لا يتميزوا بالإدارة زي أمريكا أو ألماني
هم بيتميزوا و الإبتكار و التجدبد

**ahmad7610** · 23-04-2008 12:18 AM

هما كلهم متفقين فى حاجة واحدة ( معمرين و تنعدم فيهم العيوب تقريبا )
-
لكن ممكن يختلفوا فى حاجات علشان يعجبوا الناس زى التصميم , الكماليات ..
لكن فى رأيى لو كان الاستخدام واحد فالعربيات اليابانية كلهم حيعيشوا زى بعض .
والله أعلم

**PRO-DRIVE** · 23-04-2008 12:21 AM

متحكمش علي دوله احكم علي منتجات شركه

**hazem_khidr** · 23-04-2008 12:27 AM

التويوتا : اعتماديه
الهوندا : اداء
نيسان وميتسوبيشي : بين الاتنين دول !!!!
سوزوكي و دايهاتسو: اساتذه في لعربيات الصغيره

**elpasha009** · 23-04-2008 12:46 AM

المشاركة الأصلية كتبت بواسطة TAG_Turbo0

انا أعتقد - والله أعلم - ان طبعا فى فروق رهيبة
يعنى التويوتا انعمهم
والهوندا أشدهم
والسوباروا أكترهم قدرة على التحمل والخدمة الشاقة
والمتسوبيشى أكتر اقتصادية
ده من وجهة نظرى

بجد إنت إختصرت كل حاجة في المقولة بتاعتك:)
أنا أتفق معاك مليون في المية.

مشاهدة نتائج الإستطلاع: هل يوجد اختلافات جوهرية واساسيه بين السيارات اليابانيه؟

الموضوع: فروق بين السيارات اليابانيه

LinkBack

أدوات الموضوع

عرض

-

-

-

-

المواضيع المتشابهه

عيب مشترك فى السيارات اليابانيه؟

السيارات اليابانيه وهوندا علي رأسهم لا تزال الاقل تعرضا للاعطال

مؤامره على السيارات اليابانيه

هل كل السيارات اليابانيه مؤشر حرارتها فى المنتصف؟

الكلمات الدلالية لهذا الموضوع

المفضلات

المفضلات

ضوابط المشاركة