السلام عليكم جميعا
لو انت مكانى تشترى النترا موديل 2011 ب 104 الف وتبقى عارف ان شكلها هيتغير كمان شهرين ؟؟؟
ولا تشترى اكسنت ار بى 2011 ب 101 الف ؟
ولا تشوف النيسان التيدا 2011 ب115 الف ؟يابانى تقفيل ميكسيكى. ويبقى فيها اى بى اس واير باج ؟
ولا تستنى الالنترا الشكل الجديد هتبقى وضعها ايه ؟؟؟ حد يعرف سعرها هيبقى كم اتوماتيك ؟
و عليكم السلام و رحمة الله
فرضا أنا عندي الاستطاعه الماديه لشراء الإلنترا 2012 بأي ثمن يبقي خلاص أستني الشهر ده و أجيبها
أما لو مش هاقدر عليها بالأثمان المتوقعه دي
هابدأ أفكر و أفاضل بينها و بين الأر بي طيب الإلنترا أوسع من الأر بي و أكبر و قطع غيارها في شارع دمشق أكتر من قطع غيار ال128 و التوكيل أيده فيها و عارف خباياها و مفيش مشاكل صدرت منها علي مدار 5 سنوات
و الأر بي شكل جديد و لكن ضيقه لمن هم فوق ال180 سم و ال90 كيلو وطالع هي الشطه واسعه لكن الكنبه ضيقه
و قطع غيارها لسه ما انتشرتش خارج التوكيل
فيها أمكانيات كتير لكن ثمنها مبالغ فيه بصوره كبيره( المفروض كانت بنفس ثمن ال النيو)
أنا بفكر معاك بصوت عالي لني ركبت العربيتين الإلنترا معايا و الأر بي كل أما أشوفها في معرض أركبها و أعيد النظر فيها
و أنا توصلت إلي إن الإلنترا تكسب و أشتريها لو مكان حضرتك
طيب و فين التيدا .........عمري ما ركبتها أو ركبت نيسان أبدا ...و في الحاله دي لو أنا مكان حضرتك أشوف حد من الأعضاء ركب التيدا و يعدد لي مزاياها و عيوبها (فيه منها شكل جديد علي فكره مغيرين بعض الملامح) و حضرتك تفاضل بينهما
أنا مش عايز أظلم التيدا و أقولك الإلنترا لكن إسال عليها حد ركبها و قطع غيارها و توكيلها
بالتوفيق إن شاء الله تعالي
اؤيد كلام hossam99
كلام عملي ومنطقي
انا وقعت فى الاختيار دة قبل الشراء بين الالنترا والاكسنت ار بى
لكن لقيت انى حتى لو استنيت الالنترا الجديدة هتكون غالية ومش ضامن هيكون قطع غيارها ومصاريف صيانتها بكام
وبعد التفكير جبت النترا 2011 واعتقد لحد دلواتى انها صفقة رابحة مقارنتا بالسعر
طبعا نيسان تيدا بون تفكير النترا ٢٠١١ تقفيلها من جووا وحش جدا والاربى لسة ما زرتهاش انا شايف انك ماتفكرش فى عربية كورى خااالص
انا رأيي الالانترا عشان برضو واجهنا نفس المشكلة بس سألت واحد معاه ار بي قالي الالانترا
أوسع من جوة وستابل عال
عالطريق
انا شايف انها عر بية لطيفه جدا
والدى الحمد لله لسة مشتاريين اكسنت rb من حوالى شهرين احنا باردوا كنا فى نفس حيرتك حضرتك بسم لله استقرينا على الاكسنت rb بسبب حضرتك مبتجبش عربية كل يوم و حضرتك بعد شهرين الالنترا هينزل منها شكل جديد و حضرتك هتحس ان حضرتك راكب سيارة قديمة ده رقم واحد رقم اثنين ان فى اوبشن فى rb مش فى النترا ذى اشرات مريات و كمبيوتر رحلات و نور استوب و احنا راكبنا النترا برده هى اه اوسع من الrb بس مش نعنى كده ان الrb ضيقة ثبات rb بسم الله ما شاء الله عليه 150كم و والدى محبش يزود اكتر من كده و خلبال حضرتك ان باور النترا و الrb و احد بس الrb بيفصل عند 40 اما الالنترا بيفصل عند 80 و فى برده ناس فى النتدى اشتكت ان الانترا بتهبط و تحك فى المطبات لو اتحما فيها اثنين او اكثر اما و عن تجربة rb هبطت ركب فيه خمس 2 اوزان ثقيلة و مع هذا محكتش فى المطبات و بدون تحيز للسيارة و ناس بتقول ان قطع غيار الاكسنت غالية ما هو ده بتاكيد و حضرتك مش هتشرى عربية و هتحتاج قطع غيار الا بعد 6 سنوات على الاكثر او لا قدر الله عملت حضرتك حادثة.
و انا حضرتك عملت مقارنة على الورق عندى ى اليبت لاقيت ان افضل عشر سيارات تحت المئة الف جنيه من حيث كل شئ كماليات , محرك , امان , تقفيل , وحتى توكيل و شكل وبلد الصنع و اتساع السيارة 1-نيسان سوبر صالون 2-اكسنت اربى 3-بروتون جين 2 و بيرسونا 4-النترا بيزك 5-سيراتو بيزك 6-نيسان اكس صالون اى بى اس 7-اوبترا 8-ريو1600 9-اكسنت معلش انى ان طولت عليكم فى ناس هتقول ازاى الالنترا و سيرات اقل من اكسنت اربى هقولهم بسبب كماليات اكتر شكل افضل
بصراحه كلامكم كله زى الفل وفى انتظار اراء الزملاء
أنا رأيي تشتري التيدا
العربيه بحر من جوه,,,ده غير الاعتماديه هتبقي في صالحها
ده غير الاي بي اس و الأيرباجز,,,,,,,ماينفعش تركب عربيه في 2011 مافيهاش الاوبشنز دي
أنا لو مكانك هشتري تيدا وش
اشكركم جميعا
على نصائحكم
ان شاء الل هاللى كاتبه ربنا هيكون انا قلقان من التقفيل المكسيكى ..... وقطع الغيار
سيارة النترا مو 2008 gls اوتوماتيك تكييف تاتش فابريقة من الداخل ومن الخارج لونها رمادى ميتالك جميع الصيانات الدورية تم اجرائها في الميعاد عدد الكيلومترات 105000 كيلو عند صيانة 100000 تم تغيير الكاوتش وتيل الفرامل استعمال شخصى اول يد ت :0121091902
والله انا شايف انها مقارنه غير عادله
اولا الالنترا فئه اعلى من الاكسنت حتى لو rb لعدة اسباب منها
الالنترا عفشه احسن من الاكسنت rb بالرغم انها بتهبطت مع العدد ورا بس ارحم من التنطيط لان مع الاكسنت الجديده برده للاسف عملوا العفشه الخلفيه على دنجل وده بيخلى العربيه تنط من ورا على مطبات الهوا والى بيقعد ورا كأنه قاعد فى دريم بارك
ثانيا الالنترا اوسع لانها فئه اعلى
ثالثا الفرامل فى الالنترا على ديسكات كلها اماميه وخلفية يعنى فرامل اشد بكتير حتى لو مفيهاش abs انما الاكسنت rb على ديسكات اماميه وطنابير خلفيه يعنى مش متطوره فى الفرامل خالص
بيتهيئلى كده بقى مفضلش غير الشكل الخارجى وديه اذواق
اما بقى عن التيدا فصعب تقارن الكورى باليبانى لان الكورى مش هيكسب إلا فى نقطه واحده بس وهى تسارع الماتور وطبعا العربيه مش متور وبس
منتظر ارائكم يا جماعه
اى نصائح لو سمحتم
لولقيت تيدا ياباني كسر زيرو 2010 تبقى افضل
:16:اقتباس:
المشاركة الأصلية كتبت بواسطة mohamed_mohsen
اشكركم جميعا وربنا كريم ان شاء الله
أنا شايف أنه الار بي حتى لو سعرها معدي ال 100 ألف لكن لا يجب أن تقارن بالألنترا و التيدا
أنا هكلمك عن التيدا معايا من 2007 مانيوال و جبت 2010 أوتو...العربية ممتازة و اعتمادية و سحبها ممتاز و موتورها ملهوش صوت تقريبا حتى عالسرعات العالية...طبعا من جوه واسعة جدا من قدام و الكنبة الخلفية و الشنطة
عايز رأيي....روح التوكيلين و أركب الألنترا و التيدا و هتلاقي الموضوع محسوم للتيدا
ملحوظة: التيدا اللي معايا الإتنين ياباني ..ماعنديش فكرة عن المكسيكي
انا مع الار بي
على حسب استخدام حضرتك
انا عن نفسي معايا النترا وماحدش بيركب معايا العربيه خالص بالتالي مش هتفرق معايا العربيه ضيقه او واسعه والاكسنت rb شكلها حلو قوي بسم الله ماشاء الله بس هجيبها اعلى فئه الي ب117 الي فيها كل حاجه بمعنى كل حاجه. وطبعا موتور قوي على عربيه خفيفه تحقق الي انا بحبه .. الجرررري :))
وربنا يوفقك في اختيارك والف مبروك مقدما ان شاء الله
كل واحدة فيهم فيها عيب ومش عارف اختار ما بينهم:
اكسنت ار بى نظام الفرامل على طنابير وبالتالى الفرامل خفيفه.
اكسنت :العفشه على دنجل او مساعدين غاز :فبتهبط قوى فابالتالى بتحك فى المطبات ولو فيه مطبات هواء اللى قاعد ورة بيبقى مراجيح.
النترا فرامل اقوى على حسب كلامك اللى ركبو الاتنين.وفراملها ديسكات كلها.
النترا العفشه طريه وبتنزل لو حد جالس ورة وبردو بتحك فى المطبات.
الشكل هيقدم خلاص بعد شهرين او قدم فعليا برة زدة هياثر فى اعادة البيع لانى انا شايف ان سعرها دلوقتى غالى
انا محتاج حد فعليا يكون فاهم ميكانيكيا او فى العفشه والمساعدين والفرامل يقولى الموضوع دة عمليا موجود وتعتبر مشكله كبيرة ولا لأ لانى انا فعلا عاجبنى شكل الاكسنت ار بى بس موضوع موضوع العفشه والفرامل دة مخلينى متردد او رافض.
بمعنى اخر لو فيه حل للموضوع دة هشترى الاكسنت ار بى .
انا خارج مصر بالتحديد فى الكويت والعربيات هنا مش عارف بتختلف فى مصر فى الموضوع دة ولا لأ....
انا ركبت الاكسنت ار بى هنا بس هنا بتنزل 1400 سى سى وما بينزلش منها 1600 سى سى.
وما جربتش اركب حد ورة.....عشن اشوف موضوع نزول العربيه والحك فى المكبات وموضوع مطبات الهواء
بس انا سمعت الموضوع دة من ناس ركبوا العربيه فى المنتدى
ارجو فعلا التوضويح والنصيحه الاخويه
لو تقدر تيجيب النسان تيدا يبقى نيسان طبعا
انت بتتكلم في عربية ياباني و فيها ايه بي اس و اير باجز و دي وسائل امان لا غنى عنها دلوقتي و بالذااااااااات الفرامل الاي بي اس و بعدين عربية واسعة من جوة و شكلها حلو من برة و تكيفها ما شاء الله حلو و عموما العربيات الياباني اعلى بكتير من الكوري
ثاني اختيار يبقى الالنترا و لو شكلها الحالي عاجبك يبقى مش شرط تستنى الشكل الجديد لانه اكيد هايكون اغلى و قطع غياره مش موجودة و هي كعربية محدش اشتكى منها في عيوب جوهرية خالص و عربية بياعة و اعادة بيعها كويسة جدا و قطع غيار و ميكانيكية و صنايعية كلهم بيفهموا فيها
الاكسنت ار بي لسة جديدة و مش متجربة و مش معروف ايه عيوبها و قطع غيارها لسة مش متوفرة و الناس بيقلولك ضيقة من جوة و كمان انت بتقول انها بتنزل عندك 1400 cc فا ممكن مع التكييف سحبها يبقى تقيل و تضايقك لو بتحب تجري جامد - زي معظم الرجالة و الشباب طبعا - و في نفس الوقت مش هاتستغنى عن التكييف عشان الحر عندك فظييييييييع
انزل اتفرج على التيدا و التقفيل و المكانيات و الوسع و بعدين شوف الالنترا و الار بي و اعمل استخارة و ربنا يكرمك ان شاء الله
:16::16:اقتباس:
المشاركة الأصلية كتبت بواسطة donzi
تيدا بكل تاكيد
مع حذف التيدا من المقارنه مبدأيا هتبقي المقارنه بين الالنترا و الافانتي و اكسنت rb طبعا الافضل الافانتي عشان المحرك اقوي و التصميم احدث و الكماليات و عوامل الامان اكتر بس السعر اعلي مع اني مش شايف اي زياده في جوده الخامات او التقفيل تيجي الاكسنت كأختيار تاني و الالنترا كأختيار تالت لانها الاقدم و شكلها اخر سنه ليها السنه دي بس الالنترا معروفه و متجربه علي عكس اخواتها و انا حاسس ان الجداد هيطلع فيهم مشاكل كبيره بس بعدين مش دلوقتي لان معظم الدول دخلت علي دور عك و قلب و الدليل الاستدعات للسيارات المعيبه في معظم الدول فانا لو مكان حضرتك هوفر فلوسي و اشتري الالنترا بس لو جينا دخلنا التيدا في المقارنه - بغض النظر عن شكلها الخزعبلي - هتكسب لانها ياباني بغض النظر عن ان تقفيلها مكسيكي ده غير ان النيسان غير الهيونداي خالص بمعني ان النيسان جوده افضل و اعتماديه اكبر من الهيونداي و عموما ممكن حضرتك تروح تتفرج علي التيدا و العربيات الباقيه هتلاقي ان التيدا تكسب من حيث الجوده و السعر و الامان و الهيونداي هتكسب من حيث التصميم و الانتشار بالنسبه للاداء معرفش مين الافضل بس غالبا الهيونداي هتتفوق
ana bardoo kont metrded bas hasamt mawkefy besoor3a le el elentra 2011 3ashan 3aiz family car we madmooon
انا معايا النترا و صاحبي معاه تيدا ... من حيث الاداء الاتنين كويسين بس الانتشار و اعاده البيع و الصيانه و قطع الغيار للهيونداي طبعا فده بيفرق جدا و الله الموفق