عرض للطباعة
بيعت العربيه بعقد ابتدائى وبقيت خمس الاف لحد اما اجيب المخالفات و اعمله توكيل فى الشهر العقاري وهوه خد العربيه و كمان الرخصه فانا مستني يدينى الرخصه علشان اعمل الورق المطلوب بس هوه عمال يتهرب وانا خايف ليكون بيعمل مصيبه بالعربيه والبسها انا لانها باسمى فهل انا كده فى مشكله ولا لأ .
وهل البيع بتوكيل فى مشاكل ولا ايه .............
غلطان
طالما ماتعرفوش
تاخد فلوسك كلها ناقص 1000 جنيه فقط لاغير لو اتهرب تبقي العمليه بسيطه
العقد الابتدائي يقوي موقفك لو هو عمل مصيبه بالعربيه
تاني حاجه لو عمل مصيبه ولعب بديله الغي العقد وقول انه سارقها
طيب معلش يا باشا هل البيع باني اعمله توكيل يعملي مشاكل ولا وجود التوكيل والعقد الابتدائى كفايه وهل اقدر اقدم الورق ده للمرور واثبت انى مليش دعوه بالعربيه
حضرتك بتقول باقي 5 ألاف ... يبقي اكيد مكتوب ف العقد علي ان اللي اتدفع قد كذا والباقي عند إتمام اجرائات النقل فده يثبت ان انت ليك فلوس ده اولا ..
ثانيا موضوع ان يعمل بالعربية حاجة ده اعتقد ان معروف ان العربية معاه من تاريخ العقد ..
هل مضيته فى العقد او برة على ما يفيد استلامه العربية وانه مسئول عنها من تاريخ معين
واعتقد انه هيسجل لنفسه ومش هيدفع ال5000 جنيه
حاول توقف التسجيل
شوف لو تعرف تلغى التوكيل
او اسال محامى
اه العقد الابتدائى فيه انه استلم العربيه فى ميعاد ........................
واحنا لسه معملناش التوكيل ده هوه بيتهرب مني علشان نروح نعمل التوكيل وشهاده المخالفات..........فبيتهيألي مش هايعرف يسجل.
بطريقه تقلق وانا كمان معايا صوره بطاقته بس طريقته فى التهرب مخوفانى ليكون بيعمل مصيبه فقولت اسئل هل اروح القسم واقول اللي حصل ده كله ولا انا بالعقد الابتدائي ده اللي ممضى فيه انه استلم العربيه اخليت مسئوليتي وانا فى السليم
تخيلوا لقيت غلطه فى العقد الابتدائى
الرقم القومى للمشتري فيه ارقام متبدله هل ده يلغيه ولا ايه
يا ريت لو حد من الأعضاء عنده خبره كبيرة في موضوع البيع والشراء والمحاذير اللي لازم أخد بالي منها علشان ميحصلش مشاكل يفيدنا بخبرته .. بمعنى أخر لما أجي أبيع أو أشتري المفروض أعمل أيه ومعملش أيه .. وأيه هي الخطوات القانونية اللي أضمن بيها حقي
لا ما يعرفش يسجل بالعقد الا بتدائي لنفسه غير معترف بيه في الشهر العقارياقتباس:
المشاركة الأصلية كتبت بواسطة a.saad
ما تقلقش من النقطه ديه
التوكيل او البيع النهائي الاثنين زي بعض يخلو مسؤليتك نهائي عن العربيه
لانك لو عملت ليه توكيل هو يقدر يبيع لنفسه عادي
اجباري غصب عنه هو لازم هاا يجري وراك علشان تعمل له توكيل او عقد بيع مسجل في الشهر العقاري
المشكله المبلغ اللي فاضل
انا شايف كدا ان الموضوع ميطمنشاقتباس:
المشاركة الأصلية كتبت بواسطة myceng
ان لو منك
اتصل بيه وافقوله يجيب باقى الفلوس ونكمل البيع
بدل ما تعمل محضر فيه وتتهمه بانه سرق العربيه
او اى حاجه من اللى تخليه يخاف
وكلمه بقوه وعرفه انك هتجيب حقك لو مش بالزوق يبقى بالعافيه
دة كدة الموضوع فيه انة حاجة من الاتنيناقتباس:
المشاركة الأصلية كتبت بواسطة myceng
ياراجل ده حرامي وحرامي متخصص
خد العربية بسعر كويس وخسرك فيها ازيد من 5 الف جنية وهيعمل ليه وارق وينزل يبعها مثلآ لو العربية عاملة في السوق 20الف وهو اشترها منك بي 10 واعطاك 5وقالك يتبقي 5 بعد ماتخلص الورق فا هو ممكن ينزل يبعها في السوق بي سعرها الحقيقي 20 ويبقا كسب من البيعة دي 15 يبقا كسب منك جامد جدآآآ وده احتمال متستبعدهوش يعني ممكن تنزل السوق الجمعة القادمة لو انتا لسه بيعها ليه الايام دي تخدلك لفة ممكن تعطر علية
او ممكن العربية دي لقدر الله يعمل بيها مصيبة وده الي يقلق
بس انتا كنت فين من ده كلة بس ارجع واقولك معلش النصاب سبحان الله ربنا بيدي النصاب مهارة غريبة تلقي كده بيلهي الانسان بطرق عجيبة زي مابيقولة كده والكلام مش عليك والله زي المثل يعني بيقولة بيلبسة السلطنية ده انا لما بعت العربية الراجل قالي ادخل خلص لي الورق وهديك ال10 الف بس انا واقف برة علشان الموظفة الي جوة لو شفتني هتخليني احطلها فلوس تحت الورق علشان الورق يمشي علشا كان سعتها الورق مش هنيفع يمشي علشان اا كنت شاري العربية بي توكيل والرخصة انتهت وانا بعتها بي توكيل فا لزم علشان ابيع بي توكيل اجدد الرخصة بي اسم البائع الأولني يا انقلها عقد مسجل والعقد المسجل غالي وتمنة علي المشتري فقالي قبلني في شهر عقري معين وظبطنها بس انا مكنتش خايف منة بس انا حرصت لي اني مشيت في الأجرائت ومكنش فاضل غير امضة الموظفة وكده التوكيل اتسجل ولما اطلع برة ممكن مشفهوش فا قولت ليه انا دخل امضي خلاص تعالي معايه قالي لا هستناك هنا علشان الموظفة قولت ليه ماشي بس اديني بقية فلوسي قالي انتا مش ما أمني قولت ليه ازاي بس قولت ليه علشان معيش فكة ومن الفلوس دي هدي الموظفة انا فلوس تحت الورق :grin54: ايه بقا الي كان ممكن يحصلي بقا لو كنت دخلت ومضيت الورقة هقولك اطلع ممكن مشفهوش والله اعلم بنيته وسعتها العربية اتسجلت بي اسمة وسعتها هيروح الاستاذ نفس الشهر العقاري بعد يوم مثلآ ولا في نفس اليوم بعد ما امشي يروح يطلع بدل ويبقا اشرب الورقة الي معاك
لزم تحذر انتا كنت المفروض بقيت معاه 1000 جنية فقط اكتر من كه تشك علي طول
علي العموم ربنا يسترها عليك وعلينا
هوه ينفع يبيعها ................ده لو ينفع يبقي ضحك عليا وكمان على الراجل اللى هايشتريها لان الورق هايبقى مزور عالعموم انا مستنى اشوف ايه اللى هايحصل وروحت لمحامى قاللى ان لو الموضوع ماخلص السبت اللى جاى هاروح اعمل اثبات حاله فى القسم ونبلغ عنها وانتوا عندكوا حق انا غلط لما سيبت 5 الاف من تمنها اهو الواحد بيتعلم. وادعولى ان ربنا يستراقتباس:
المشاركة الأصلية كتبت بواسطة wassof
انا شايف إن موقفك كويس بإذن الله ، إنت معاك صورة البطاقة بتاعتة ، كلمة وقولة إنك لازم تقابلة ضروري يوم كذا وإلا هتروح تبلغ فى القسم
وطالما شخصيتة معروفة فتقدر تبلغ عنة ، والرقم الغلط فى العقد يضرة هو مش إنت ، لأنه كده يبقى كمان سرقها ولم يشتريها
ادعي ربنا بس كده وربنا يسهل ويكون فى عضو محامي هنا يفيدك قانونيا
ربنا يكرمك وتعرف تاخد حقك بس ليه الصبر روح انفخه وقدم فيه
خد معاك اتنين اصحابك وروحله على العنوان اللي في البطاقه
بس ربنا يستر وميكونش مزور في البطاقه وبيناتها