كورلا 95 يابانى اميركى

معروض عليا عربية توياتا كورلا 1995 امريكى 1600 cc انجكشنن فابريقة بالكامل و هى كاملة هيدروماتيك انا عايز اعرف اية هى مميزات العربية دية و عيوبها و قطع غيرها اية ظروفها و هى لازم تيجى معوقين فعلا و السعر المعروض اخرها 62500 الف مع لعلم العربية شكلها جامد موت و جميلة جدا ارجو الافادة انا خايف ادبس

اظن مالهاش عيوب تذكر العربية تويوتا وموصفتها ممتازة والاتوماتيك اليابانى لا خلاف عالية ومش عارف اية موضوع المعوقين الى بتقول عالية انت مذكرتش اية الموضوع وبالنسبة للسعر اظن عالى والله اعلم يعنى اظن 50 تمام قوى واستى براى باقى الاعضاء هيفديوك اكتر

الياباني غير الامريكي و الاتنين بيكونوا في الغالب داخلين مصر من سكه المعاقين

و ياريت تراجع مشاركه ا/mahmoudselim في الموضوع ده
http://www.nilemotors.net/Nile/21273...post3873417547

اقتباس:

---

المشاركة الأصلية كتبت بواسطة mahmoudselim

بص ياباشا موديلات الكورولا ال في رنج السعر بتاعك من 92 ل 2000
او باللغة الدراجة موديلات الملكة (92 - 97) + العيون (98- 99) + الرموش (2000)
وأفضلهم علي الاطلاق موديل الملكة طبعا ودا في منة اربع حاجات

المصري ودي بتكون 1300 كربراتير فاضية مافهاش لا بور ولا سنتر ودي رنج سعرها من 40 ل 45
الخليجي وبتكون 1300 كربراتير ونادرا لما شوفت منها (1600) ودي بتكون فيها باور وسعرها من 45 ل 50
الامريكي وبتكون 1600 انجكشن وكاملة بس مش منشرة في مصر لان قطع غيارها الخارجية مش موجودة ( بتختلف في شكل الاكصدامات وبعض الحاجات الاخري)
الياباني ودي بتنزل في اليابان "فقط" وبنستوردها هنا معاقين وبتتقلب من اليمين للشمال ودي في منها 1500 ( والموتور دا بينزل في اليابان فقط) وفي 1600 و 1800 و ديزل2000 بس المنتشر هنا في مصر ال 1500 و 1600 وطبعا فيها كل الكماليات ودي اسعارها من 50 ل 60 .

.

---

العيب الوحيد هى ان العربيه وطيه اوى
والحل ممكن تخليها على كده وتاخد مطبات من تحت
الحل التانى هو ان سوسته العربيه 6 لفه تغيرها 7 لفه وبعد كده انسا المطبات
اما قطع الغيار موجوده فى شارع دمشق عند واحد اسمه العالميه
وسعرها من50 الى 55 الف

انا اتفرجت على العربية و هى حتة الماظة بس عيبها الوحيد انها متحولة من اليمين للشمال و كمان السعر عالى فرفضت اخدها لان مش عايز حاجة ملعوب فيها و شكرا لكل الاعضاء المحترمين على الرد و الاهتمام