ماهو افضل نوع جهاز انذار فى السوق حاليا

**elfashn** · 21-05-2011 08:58 AM

السلام عليكم ورحمة الله وبركاته.انا كنت عايز اعرف ايه احسن جهاز انذار فى السوق وبكام وعايز اعرف اجيب وحدات رفع نوعها ايه. وياترى ممكن الاقى فى التوفيقيه

**virus2007** · 26-05-2011 09:21 PM

متابع باهتمام

**aymanamr** · 30-05-2011 04:44 AM

اكتر نوع مستخدم عندنا هو هولف سواءء وحده رفع او انزار والاتنين موجودين في التوفيقيه وضمان 5 سنين ويستحسن تركبهم في توكيل ولف اللي خلف سوق القنال في اخر جسر السويس لان تركيبه نضيف هو في التوكيل الانزار بالتركيب ب 195 جنيه وبيشتغلوا من الساعه 10 الصبح ل 6 المغرب واجازه الجمعه

**aymanamr** · 30-05-2011 04:45 AM

المشاركة الأصلية كتبت بواسطة aymanamr

اكتر نوع مستخدم عندنا هو هولف سواءء وحده رفع او انزار والاتنين موجودين في التوفيقيه وضمان 5 سنين ويستحسن تركبهم في توكيل ولف اللي خلف سوق القنال في اخر جسر السويس لان تركيبه نضيف هو في التوكيل الانزار بالتركيب ب 195 جنيه وبيشتغلوا من الساعه 10 الصبح ل 6 المغرب واجازه الجمعه

ولف

**aymanamr** · 30-05-2011 04:48 AM

وفيه نوع اسمه spy 5000 2way وده فيه شااشه صغيره متعرفك اي حاجهبتحصل في العربيه رفف اتخبط مثلا او حد دورها ومداه تقريبا 250 متر في اماكن مغلقه و 500 متر مفتوح بس ده غالي شويه ممكن 350 جنيه او اكتر شويه

**virus2007** · 01-06-2011 02:04 AM

الحمد لله لسة شارى ومركب اسباى 2

جبتوا من التوفيقية ب 350 جنية ... بجد الناس هناك مش عاوزة تنزل مليم واحد على اى حاجة للامان

ركبتوا ب 50 + 10 جنية مصنعية للولد الى بيركب يعنى تقريبا 400 جنية بالتركيب

الجهاز شكلوا جميل وانا اعد تقريبا يجى 200 متر فى البيت من جوة واشارة العربية موجودة على شاشة بشرطتين

الجهاز زى اى جهاز اعتقد فيه حساس وفتح شنطة وسنتر

لسة حقرا الكتلوج واقلكم اية كل المميزات والعيوب لما استخدموا شوية

تحياتى ليكم جميعا :):)

**omaroof** · 01-06-2011 03:42 AM

الف مبروك وفى انتظار التقرير بمميزاته وعيوبه

**sniperfox** · 01-06-2011 04:56 AM

ان لسه شريه من شهر وهو بصرحه فوق الممتاز

**hossameldin** · 04-06-2011 01:10 PM

انصحك باستخدام wolf فقد استخدمته لمدة 5 سنوات بدون اى اعطال تذكر ومن الافضل الذهاب للتوكيل خلف سوق القنال كما قال الاخ المحترم .

**virus2007** · 04-06-2011 03:53 PM

تقرير عن انذار اسباى 2

الانذار بصراحة ممتاز و مداة معقول جدا يعنى تقريبا كيلو لو مساحة فاضية و 500 متر تقريبا لو فى حواجز بس

مثلا انا ببقى اعد فى البيت وعند اخر قوضة بعيد عن الشارع والسجنل تمام فدا طبعا يطمنك ان اى حاجة حتحصل فى العربية حتبقى على شاشة الانذار الى معاك كمان مفيد انك لو دخلت محل تشترى حاجة وسايب العربية برة او لو نسيت العربية مفتوحة ونزلت العربية حتقفل لوحدها بعد نص دقيقة تقريبا وفى نفس الوقت حتعد تديك فيبرشن وصوت على الريموت

المفروض ان فيها فصل المتور لو عديت كل مراحل السكيروتى وانتا مقفلتش الانزار من الريموت بس الاوبشن دا انا جربتوا ومشتغلش فيمكن الراجل مركبوش صح فحروح للراجل تانى وحقلكم الاخبار اية بالنسبة للاوبشن دا

طبعا الانذار فية حساس وتقدر تتحكم فى حساسية العربية من خلال الجهاز

الخلاصة ان الانذار ممتاز وانا انصح بية جدا ميزتوا فى الشاشة الى بتبينلك بيحصل اية فى العربية وانتا بعيد عنها

عيوبوا ان هو ريموت واحد بس الى فية الشاشة يعنى لو لقدر الله باظت اعتقد حيبقى زيوا زي الانزار العادى

لو حد عندوا اى اسئلة انا تحت امركم :)