-
الاقيها منين ولا منين
السلام عليكم ورحمه الله وبركاته
وبدون مقدمات العربيه نوبيرا اوتو الميه كانت بتنقص وكنت ازودها وعايش على كدا فتره طويله لكن فى يوم قلت اشوف النقص دا منين المهم العيب طلع من طبتين الميكانيكى فك المانفولد وغير الطبتين اللى ورا وقلت ليه بالمره غير الاربعه اللى قدام وقد كان وميه خضره وكله تمام تانى يوم قلت اجرب مشوار واشوف الميه وياريت ماجربت عين كدا حلوه اصابت عربيتى عديت على حاجه مش عارف ايه هى الشكمان خبط ورزع فى العربيه المهم ظبطنا العيب وكملت المشوار وانا راجع ابتدت الحكايه اللى مش عايزه تتحل العربيه بطلت وانا ماشى اول مره تعملها معايا دورتها دارت وعلى كدا طول الطريق لغايه ماوقفت خالص وراسها والف سيف ماهى دايره والدنيا حر ووقفت فىوسط الطريق مش عارف اعمل ايه وانا واقف اعتب عليها وأعتت فيها ومستغرت انتى تعملى كدا لقيت الميه الخضرا نازله صاروخ من تحتها المهم ربنا رزقنى بواحد وقف جنبى وجاب ميكانيكى طلع العربيه مفيهاش بنزين والعوامه مكدبه والمروحه مش شغاله وخركوم تحت المانفولد الميه بتسرب وفتح القربه وزود بنزين وقال وش شلندر ولازم يتعمل فورا كأنه جراح والعمليه لازم تتعمل فورا العربيه دارت ورحنا الورشه وبردت العبيه وهات يفك وشال وش السلندر وخد المانفولد غسله وسألته الجوان بايظ من ومان ولا النهارده شكله كدا من زمان وركب بعد ماغسل ونضف ومن ساعتها العربيه مبرجله على السلانسيه رحت للميكانيكى بتاعها قال بسيطه اكيد حساس الأيدل شيك على كل حساسات العربيه كلها طلعت سليمه المييكانيكى دا شغال فى التوكيل والعيب مش راضى يختفى عملت ايدل ليرن العربيه تبطل لما اهدى فى مطب او اشغل التكيف لكن الشهاده لله البرجله خفت عن الأول والتبطيل قل بعد عده محاولات منها على سبيل المثال تنضيف الحساس والبوابه لكم مازال العيب موجود اخر حاجه قال العربيه لازم نفك وش السلندر ونشوف الصبابات اكيد تطلع وتروح للخراط ينظفها لأن الشراره اللى طالعه مبعثرهمن بوجيه
اطلت واثقلت عليكم لكن هل هناك علاقه بين البرجله والصبابات 2 هل هناك حل غير ذلك لكم حبى وتقديرى
-
ايه الصحراء دى مفيش حد هنا ولا ايه
-
ممكن تكون الصبابات عايز يتعملها روديه
-
قبل متدخل في عمليه الصبابات خلي الميكانيكي يبص علي التأ سيمه ممكن تكون جيبه سنه
اتأكد ان البوجيهات و الكابلات سليمه
-
الحمد لله امس دعوت ربى واستجاب الدعاء كتبت فى البحث هنا فى المنتدى جوان وش سلندر لفت نظرى زميل كاتب انه غير سير كاتينه ويعدين العربيه برجلت وكانت نفس الأعراض اللى فى عربيتى ربطت الكلام وطلعت على ميكانيكى غير اللى ركب الجوان وقلت له ممكن يكون التأسيمه قال ممكن وطلعت خالفه التأسيمه والحمد لله وشكرا للردود وأخص العضو المحترم mohnsar اللى فتحت النهارده على الموضوع لقيته بمهاره فنيه كبيره كاتب العيب ربنا يبارك فيك ويسعدك
Content Relevant URLs by
vBSEO 3.6.0 PL2