الموضوع: مطالب يوم جمعة 27 لتوضيح

انا في الرد السابق #10
انا بناقش المطالب فقط مش اكتر لكن انا مش مع النزول او عدمه
وان كنت اميل لعدم النزول
بصراحه انا حاسس ان احنا استحلينا لعيه المظاهرات و فاكرين ان هي دي الحريه
يمكن تكون في مطالب معقوله وفي مطالب عندي عليها تحفظات سبق ووضحتها بس الغايه ليست دلئما تبرر الوسيله
وطبعا اللي عايز ينزل هو حر وهو برضو بيحب البلد بس دي وجهه نظره مينفعش نهاجمه
مجرد راي لفرد

المشاركة الأصلية كتبت بواسطة devilishtigers

كلام ولا ليه اي لازمة بالنسبة ليا
خلوا البلد تشتغل بقى
انت عارف ان كل العقود السياحية تم الغائها بعد احداث امبابة
تعرف ان احنا بنصرف من الميزانية الجديدة بالنسبة للسلع التموينية
تحب تعرف تاني
بجد البلد بتخرب

لا بصراحة ما اعرفش تاثير احداث امبابة على السياحة اصل انا شغلى بعيد عن قطاع السياحة فمش عارف
بس باين على حضرتك شغال فى السياحة فياريت تقولنا على مجالك شغلك و ايه اللى حصل بعيد بقا عن كلام الناس اللى كل واحد براى

بما ان بلطجية ماسبيرو عفوا اقصد معتصمين ماسبيرو اعلنوا انضمامهم لثورة 27 مايو

يبقى من الواجب ان تضع باقى المطالب عشان الامور تبقى واضحة اكثر

طلب حماية دولية

الافراج عن بلطجية ماسبيرو

اقصاء الجيش و محاسبة طنطاوى

عمل دستور جديد خالى من البند الثانى

تعين مجلس رئاسى مكون من ساويرس و مايكل منير و الا هنكمل باقى الثورة عند ماسبيرو

الى العضو المحترم power
شكرا على الرد طبعا انا معجب بمناقشتك وعايز ارد على بعض النقاط بس قبل البداية احب اقول انى مش انا اللى مصدر البيان ولا حتى شاركت فيه انا بس نشرته عشان الناس اللى كانت يتتناقش فى موضوع تانى حول المجلس الرئاسى تعرف ايه هى المطالب وتتناقش حولينها بس بدل التفرع لنقاط اخرى يمكن ما تكونش مطروحة ومحل خلاف
ابدا الرد واعتذ انى ما عرفتش اعمل اقتباس فا عملت للاكلام كله نسخ
أولا: المطالب الاقتصادية:

• وضع حد ادنى وأقصى للأجور
• معاك 100% بس يكون اصدار القرار بعد فتره دراسه 3شهور مثلا والتطبيق بعد سنه (فترات تقريبيه قابله للمناقشه) علشان الظروف الاقتصاديه حاليا
  
• راى من راى حضرتك للجدول والفترة ده تحدده مجلس الوزراء لان هم اللى معاهم البيانات
  

• إعادة توزيع الثروات لإنقاذ البلاد من الازمه الاقتصاديه .
• محتاجه توضيح اكتر ايه الاجراءات المطلوبه
• من وجه نظرى شخصيا برضه عشان ما حدش يقول انت بتتكلم باسم مين شايف ان المطلب ده متعدد الجوانب كتير اوى يعنى يشمل اعادة توزيع الميزانية العامة على القطاعات المختلفة زى الصحة يعنى مشروع البطاقات الصحية لغير المشتركين فى التامين الصحى ااقصد مش كل حاجة هتتحل بحل مشكلة الاجور بس فيه جوانب تانية يعنى هو الدكتور لو خد مرتب كويس ما كده كده الخدمة الصحية عايزة تحسين
  
• نقطة زى العم مهمة جدا فى المرحلة الحالية مجانية التعليم كمان ومخصصتها
  

• التحكم في الاسعار.
• ازاي ماهو مش حنطلب حاجه كده لازم يبقي عندنا تصور
• لوتقصد تمنع التهريب والمضاربه اكيد انا معاك
• بس لو تقصد تسعيرات جبريه واجراءات مشابهه يبقي عندي شويه تحفظات
• تصورى الشخصى اللى ممكن حضرتك تختلف معاى فيه انه زيادة الدور الحكومى فى الاتجاه ده بمعنى مثلا توفير السلع لاصحاب البطاقات التمونية زيادة المعروض فى الجمعيات سواء العامة او الخاصة بجهات محددة باسعار اقل من السوق لمواجهة ارتفاع الاسعار ااقصد نوع من انواع التعويض حتى يتم ضبط الاجور
  

• فرض الضريبة التصاعدية.
• نظريا -من خلال دراستي المتواضعه-هو نظام جميل ويبدو اكثر عداله و ملائمه للدول الناميه دي مميزات ليه
  
• بس ليه عيوبه اولا الفهلوه المصريه(كان عندنا النظام ده قبل كده و مكانش فيه حد بيدفع)
• النظام ده طارد للاستثمارات الاجنبيه اللي احنا في امس حاجه اليها
• فعلا عندنا نضام شرائح تصاعدى حاليا يعنى 10% و15% و 20% تصاعدى اهه بس زيادة الشرائح والفروقات بينها مطلب عادل من وجهة نظرى
  

• محاكمة كافة رجال الأعمال الفاسدين ومصادرة أموالهم.
• معاك في الطلب ده طبعا
  

ثانيا: المطالب السياسية:

• عودة الأمن بشكل مكثف.
• مين حيقول لا علي المطلب ده
  

• تقديم مبارك للمحاكمة بتهمة الخيانة العظمى، على اثر اعتراف المشير بإعطاء مبارك الأمر للقوات المسلحة بقتل المتظاهرين.
• هو المشير قال كده وعلي العموم هو كده كده لازم يتحكم واهديله اغنيه احاكمك علي ايه ولا ايه ولا ايه
  

• إشراف قضائي وحقوقي على جهاز الأمن الوطني ومحاكمة كل الضباط المتورطين في قتل المتظاهرين وتعذيبهم.
• برضو متفقين
  

• حل المجالس المحلية.
• معاك
  

• حل جهاز الأمن المركزي أو إدماجه في الجيش.
• نقطه نظام جهاز الامن المركزي لايمكن دمجه مع الجيش لان فكره الامن المركزي هو انه عناصر شرطيه بتتدرب تدريب القوات المسلحه لكن تحت مسمي الشرطه هواصلا كان التفاف علي اتفاقيه كامب ديفد اللي كانت بتحدد عدد معين لقوات الجيش في سينا فعملوا الامن المركزي علشان يبقي نفس التدريب بس مش تبع الجيش بس ده ميمنعش ان الجهاز ده محتاج شويه رقابه
• انا برضه مع اعادة التصحيح للامن المركزى وكمان نقطة المجندين فى الامن المركزى ده انا شايفها غلط
  

• التأكيد علي حقوق المصريين في الخارج في الانتخابات.
• هما قالو في صعوبه شويه بس
• هو فعلا صعب يدوا اصواتهم في مجلس الشعب علشان تعدد الدواير وكده بس كان في حل طرح انهم يعملوا دواير خاصه يعنى مثلا دايره للمصرين في اوربا او في امريكااو او او ويكون لكل منطقه عضو في مجلس الشعب
• في اسوء الظروف لو منفش يصوتوا في الانتخابات التشريعيه علي الاقل نضمن لهم الانتخاب في الاستفتاءات العامه وانتخابات الرئاسه ودي حتبقي اسهل لان مصر كلها بتبقي دايره واحده
• ودراسه نظام القايمه النسبيه دي من عندي انا
• انا شخصيا عايز توفير التصويت للمصرين اللى بره فى جميع الانتخابات ياريت والله تحصل
  

• إقالة يحيى الجمل ومحاكمة عمر سليمان.
• بتهم ايه؟؟
• كويس حضرتك سالت لانى بالنسبة د/يحيى الجمل مش متاكد بصراحة انا كنت قريت خبر غير مؤكد من فترة بانه بيعمل فى احد الشركات حاليا اذا كان ده السبب انا متفق مع المطلب انه يا اما يسيب الشركة او مجلس الوزراء
  
• اما بالنسبة ل عمر سليمان فده غالبيه الاتهامات بخصوص تعذيب
  

ثالثا: الحريات:

• إلغاء إحالة المدنيين إلى قضاء عسكري.

• إعادة محاكمة كل المحكوم عليهم بأحكام عسكرية بعد تحويلهم إلى المحاكم المدنية.

• حظر فض الاعتصامات بالقوة بشكل كامل.

• تطهير الإعلام، نريد إعلاما ثوريا معبرا عن صوت الشعب وليس صوت الحاكم أيا من كان.
• ماهو مش معني الاعلام الثوري ان انت متنتقدش الثوره
  
• اي حاجه قابله للنقاش والنقد افرض الناس طلبت طلب مش منطقي
• المهم المنطلق من النقد انه يكون المصلحه العامه مش مجرد النقد او لاغراض خاصه
• هو اولا النقد بيكون على اداء واعمال مش اقول والمطالب بتاعة الناس كلها كلام انا اتصور شخصيا انه المصو هنا زى ما حد قال احنا غيرنا النشرة بدا مبارك سافر بقى المجلس العسكرى استقبل و عصام شرف سافر المقصود للتوضح دور جهاز الاعلام هو المناقشة للى بيحصل مش مون وجهة نظر حد محدد يعنى كله الاعلام لازم يكون محايد
  

المشاركة الأصلية كتبت بواسطة dayun

بما ان بلطجية ماسبيرو عفوا اقصد معتصمين ماسبيرو اعلنوا انضمامهم لثورة 27 مايو

يبقى من الواجب ان تضع باقى المطالب عشان الامور تبقى واضحة اكثر

طلب حماية دولية

الافراج عن بلطجية ماسبيرو

اقصاء الجيش و محاسبة طنطاوى

عمل دستور جديد خالى من البند الثانى

تعين مجلس رئاسى مكون من ساويرس و مايكل منير و الا هنكمل باقى الثورة عند ماسبيرو

بحب اوضح للعضو الكريم اعتراضى على تسميه معتصمى مسبيرو بالبلطجية حتى لو كان فيه ناس عملت تصرفات مش مقبولة
كمان من ضمن المطالب محاكمة جميع المخطئين اما محاكم عادية وليست عسكرية لجميع من اخطا سواء كان فى احداث امبابة او غيرها

المشاركة الأصلية كتبت بواسطة akram

العضو : power

لا فض فوك

شكرا ده بس من ذوق حضرتك

منكم لله اخربوها كمان وكمان يا ثوار على ماتفرج