أحذروا .... طريقة جديدة لسرقة السيارات

**mohamed_e36** · 01-06-2011 08:47 PM

المشاركة الأصلية كتبت بواسطة gemy1

بصراحه يا جماعه معلش هو اللى غلطان بس الله اعلم بظروفه ايه ساعتها بس انا لما حصل معايا موقف مشابه لده اول حاجه عملتها قمت نازل و شادد مفاتيح العربيه من الكونتاكت و دى اهم حاجه ماحدش فى الوقت اللى احنا فيه ده ابدا يسيب عربيته دايره حتى لو ساند عليها و ربنا يخفف عنه محنته و ترجعله عربيته

معلش هو اللي عمله ده رد فعل طبيعي اي حد فينا بيعمله لما عربيته بتتخبط وبعدين حتى لو خد المفاتيح في ايده مهو كده كده لوحدو وهيضربوه ويخدو منو المفاتيح
ربنا يسترها علينا

**mivec4111** · 02-06-2011 12:46 AM

يا جماعه دا نصيب و قدرنا مش هنهرب منوو مهما عملنا في سيبوها لله و اللي ليه نصيب في حاجة مش هياخد غيرها

**tigernet** · 02-06-2011 05:44 AM

يعنى الواحد يتخبط و يعد فى العربية و لا اكن فى حاجة حصلت

**أبو_حمزة** · 02-06-2011 02:05 PM

اللى أنا شايفه ان التواجد الشرطى مكثف دلوقت اكتر من الاول و بيظهروا سلاحهم عن الاول كمان
لكن الرسالة اللى و صلت للخارجين عن القانون اثناء الانفلات الامنى ان البلد بتاعتهم لسه مشجعاهم لحد دلوقت
ربنا يسلم

**firstknight_eg** · 02-06-2011 02:51 PM

انا ان شاء الله هنزل النهاردة اركب ديفندر خلفي

واي حد هيخبطني هطلع قدام بتاع نص متر ومرشيديرك وطراخ في عربيته

**ahmedb1** · 29-06-2011 03:30 PM

خلي بالكم يا جماعة عند الطريق بتاع ابو الهول بتاع الهرم اللي بيودي على الدائري
المهم اللي حصل شفت لانسر فضي فيها اربع اشخاص و واحد بيشاورلي و الحمد لله ان كنت مستعجل فنفضت ولا كأني شفته و فجأة الاقي قدامي عربية نص نقل بيضة والراجل يمين شمال و فاتح الباب و طبعا جنبي الترعة و فجأة خد يمين جامد عشان يكسر بشمال وبيقفل الطريق وطبعا هبقى محاصر من ورا بالعربية اللانسر و لولا ستر ربنا ان دوست بنزين جامد ساعت مكسر يمين و عديته والحمد لله عديت فخلي بالكوا للامانة من الطريق دا بالرغم ان بيبقى في كمين في اخر
وطبعا اللي خلاني امشي في الطريق مضطر بسبب احداث الشغب اللي حصل في التحرير , والله البلد بقت صفر في الامان وربنا يسترها علينا جميعا