زنة غريبة فى دواسة البنزين !!!
السلام عليكم ورحمةالله وبركاتة
امبارح خدت العربية من عند الميكانيكى كان بيركبلى عمود كامة (مش علوية )يعنى حل الموتور كلو وركبة تانى الممهم لاحظت
رعشة غريبة كدة اقرب لزنة امابدوس بنزين جامد وبحسها فى دواسة البنزين وفى الكرسى بتاعى
رعشة سريعة كدة اكنى بتكهرب مثلا
المهم سئلتو اية الكلام دة قالى احنا عشان حلينا المكنة وركبناها فحتلاقى القواعد بتاعت الموتورعايزة تطبع وحيروح الكلام دة بعدمشوارين تلاتة
المهم انا مش مقتنع بالكلام دة لانى اعرف ان اما يكون فى حاجة فى القواعد العربية تترجرج على السلانسية وتروح الرجرجة على السرعات انا عندى العكس
اية رأيكو ؟؟؟؟
وعندى استفسار تانى بخصوص الفرامل
مبدئيا اناعمرى ماشتكيت من الفرامل والحمد لله من ساعت ماجبت العربية من حوالى سنة بالرغم من ان الدواسة كانت دايما محجرة بس اداء الفرامل ماكانش متئثر اوى فكنت بنفض لحوار السرفو دة
المهم امبارح السرفو جاب اخرو بقى كل مادوس فرامل العربية تبطل روحت عملتلو طقم حشو
وبجرب العربية مابقتش تبطل فعلا الحمدلله بس الدواسة لسة ناشفة وسئلت الراجل قالى انت عندك تيل محجر وناشف عايز يتغير ؟؟؟!!!!!
ايةعلاقة التيل بتحجيرة الدواسة ؟!؟؟!!؟!!
وانا بفك السرفو لاقيت مستر الفرامل جاب نقطة زيت على ايدالراجل فقلاى لازم تغيرو عشان بيجيب زيت
مع العلم ان الزيت ماكانش ناقص خااااالص كان زى ماهو من ساعت اخر مرةغيرتو مع التيل من 5 شهور
فياترى اعرف منين انى لازم اغير الماستر ؟؟؟!
قصدى ايةالعيوب اللى المفروض احسها لو الماستر جاب اخرو ؟؟