رجالة حدايق حلوان انا عاوز حد بتاع بيبان و سروجي ضرووووووووووري و عاوز اعرف لو هغير كاوتش البيبان المتر بكام و العربيه تاخد كام متر ؟ و ظبط البيبان عشان تقيله بياخد مصنعيه كام ؟ و بالنسبه للسروجي عاوزه عشان قاعده الكرسي اليمين مكسورة و عاوز اعملها يا ريت يا جماعه ضروووري بسرع
ايه الصحرا ديه ّ!!!!ّ
هتنزل حرفيين حلوان عند نصار تجيب الكاوتش المتر بيبدا من 5 جنيه تقريبا
انا كمان محتاج سروجى وبتاع ببان يا مسهل حد يقولنا وياريت كمان عفشجى
طب متعرفش هاعوز بتاع كام متر لعربيه 128
ممكن 12 تقريبا لان كل باب تقريبا 3 متر
بص حضرتك انا بتعامل مع احمد السروجى ... للاسف نمرته مش معايا دلوقتى هاجبهالك لما ارجع البيت ... عموما انا هقولك على عنوانه ... حضرتك تمشى فى شارع الميدان طوالى ناحية المقابر ... وبعدين تخش شمال وتمشى على طول بالظبط 3 ناصية تخش شمال (الناصية بتاعة الجامع اللى لسة بيتبنى) وهتلاقيه على يمينك على طول
انتظر فى النمرة ان شاء الله لما ارجع البيت
ده قريب من حسن جرزه الميكانيكي صح ؟
اقتباس:
المشاركة الأصلية كتبت بواسطة khaled_bibo
مش عارف والله مين حسن جزرة ده :rolleyes:
هو حضرتك طب ساكن فين فى حدائق حلوان ؟؟ ..... هو حضرتك عرفت العنوان فين ولا انت مش عارف المنطقة ده؟
انا ساكن في ابراج النصر جنب نادي النصر بس انا استغربت اما بتقول جنب جامع لسه بيتبني اصل انا اعرف واحد اسمه احمد بس جنبيه جامع مبني و حلو في المنطقه اللي انت بتقول عليها
اقتباس:
المشاركة الأصلية كتبت بواسطة khaled_bibo
مممم ..... هو الجامع لسة مخلصش كله بس هو مبنى وفيه ناس بتصلى فيه بس هو لسة مخلصش من بره .... عموما هو العنوان سهل جدا انك تيجى من المفارق وتدخل فى توتنجى وتمشى فيه لحد الاخر وبعدين شمال وتمشى لحد الجمال بالظبط 4 ناصية تخشها شمال برضه ....
اوكى كده انا عرفتوا شكرا جدا ليك و معلش تعبتك معايا
اقتباس:
المشاركة الأصلية كتبت بواسطة khaled_bibo
لا شكر على واجب ... ربنا يوفقك ان شاء الله