ارجو الإفادة السريعة من الخبراء !!!

انا معايا بومة 2006 والناس كلها اللى اعرفها اللى معاها ميتسوبيشى بتحط موبيل xhp اللى بيقعد 3000 كيلو وحلو اوى معاهم وانا كمان بحطه للعربية من يوم ما جبتها ...
فى قسم ميتسوبيشى الناس بتقول موبيل xhp وشيل الأصفر وفيسكو وتوتال مع اختلاف اسعارهم وكونهم من النوع التخليقى الى بيقولوا عليه مفيد للموتورات الجديدة والنوع الآخر المعدنى اللى بيقولوا بينفع للعربيات القديمة ..
والناس مش عاجبها سعر الزيت اللى بيرفع كل شوية بس فى مقابل سلامة العربية كله يهون ..

الى انا عاوز اعرفه ايه نوع الزيت التى تنصح به شركة ميتسوبيشى لأنى فى الكتيب مش لاقى غير كلام غير مفهوم عن درجة الحرارة الخارجية وكلا تانى مش فاهمة ..

الناس فى الأقسام المختلفة بيختلفوا على نوع الزيت اللى يقول ده حلو معايا والعربية بدأت تسحب احسن من الأول واللى يعارضه ويقول لأ انا مجربه ومش حلو معايا والغريب انهم كلهم بيتكلموا على نفس موديل العربية والنوع بس مفيش كلام علمى لغاية دلوقتى ممكن يمنع الواحد انه يتلخبط وفى ظل التخبط فى الآراء انا اتجننت ومبقتش عارف ايه الأحسن ...

أرجو الإفادة السريعة لأنى على وشك التغيير ومش عاوز اعمل بنصيحة حد وارجع اندم أنما لو اشتغلت على أساس علمى مش هندم حتى لو العملية باظت منى ؟؟؟؟؟؟
فى الانتظار

طب ما تجرب كاسترول يا فندم؟!
انا معرفش متسوبيشي تنصح بايه ولكن هيونداي وفولكس بينصحوا بكاسترول !

لا أهمية لما تقوله الشركة المصنعة لأنه كله بزنس في بزنس !!!!
المهم تعرف ان لكل زيت ميزة و عيب
و كل زيت مفيد لمرحلة عمرية للموتور
بصراحة الموضوع طويـــــــــــــل لكن خلاصة الكلام .. عن خبرة .. الأفضل النصف تخليقي اللي هو ابو 160 تقريبا .. بينتشر بسرعة في بداية الحركة زي التخليقي و فيه لزوجة المعدني و اغلاقع للخلوصات
و سيبك من 3000 و 10000 و كلام محطات البنزين اللي عاوزين تغير عمال علي بطال
التخليقي لا تتغير مواصفــــــــــــــــاته .. و تم تجربته حتي 68000 كيلو
و النصف تخليقي تقعد بيه لغاية 15000 مستريح
و المعدني العادي بس بيفقد لزوجته و بيتغير لكم ممكن يقعد 10000 كيلو
و الحقيقة الموضوع يعتمد علي موتورك و حالته و طريقة سواقتك اكتر

[color="rgb(139, 0, 0)"]و بالمناسبة ... الفروق بين الشركات تكاد تكون معدومة .. المهم مواصفات الزيت
يعني مافيش حاجة اسمها شيل احسن ولا توتال احسن .. انهو شيل و انهو توتال فيهم[/color]

اقتباس:

---

المشاركة الأصلية كتبت بواسطة hegazio

لا أهمية لما تقوله الشركة المصنعة لأنه كله بزنس في بزنس !!!!
المهم تعرف ان لكل زيت ميزة و عيب
و كل زيت مفيد لمرحلة عمرية للموتور
بصراحة الموضوع طويـــــــــــــل لكن خلاصة الكلام .. عن خبرة .. الأفضل النصف تخليقي اللي هو ابو 160 تقريبا .. بينتشر بسرعة في بداية الحركة زي التخليقي و فيه لزوجة المعدني و اغلاقع للخلوصات
و سيبك من 3000 و 10000 و كلام محطات البنزين اللي عاوزين تغير عمال علي بطال
التخليقي لا تتغير مواصفــــــــــــــــاته .. و تم تجربته حتي 68000 كيلو
و النصف تخليقي تقعد بيه لغاية 15000 مستريح
و المعدني العادي بس بيفقد لزوجته و بيتغير لكم ممكن يقعد 10000 كيلو
و الحقيقة الموضوع يعتمد علي موتورك و حالته و طريقة سواقتك اكتر

---

ماهي المشكلة ان كله بيحاول يعمل بيزنس وبيطلع على قفانا فى الآخر ...
بس السؤال انا مين اللى يحددلى ايه نوع الزيت المناسب للموتور ؟؟ علما بان العربية لسه عاملها تشيك كامل قريب بالكمبيوتر ومغيرلها بوجيهات ومنضفلها حساسات وشوية حاجات تانية كده زيادة نظافة يعنى !!! والراجل قالى برده مفدنيش وقالى كله حلو .. بس انا استفدت ايه وغير ده وده مش مكتوب على علب الزيت بتاع موبيل الزيت ده تخليقى ولا نصف تخليقى ولا معدنى بس مكتوب عليه انه زيت للموتور ونوع الزيت بس !!!!!! وياللعجب بس معرفش اذا كان كده برده لبقية الزيوت برده لأنى مجربتهاش ....
بس مين بقه الخبير اللى هيقدر يفيدنا دلوقتى ؟؟؟؟

لو مش مكتوب علي .. اعرف بالسعر
250 تقريبا .. تخليقي
170 تقريبا نصف تخليقي
110 تقريبا .. معدني متعدد الدرجات
70 تقريبا .. معدني احادي اللزوجة

انا افضل لموتور ذو نسبة انضغاط تحت العشرة و بدون شاحن هوائي قدرته الحصانية الصافية 106 و حالته جيدة و لكن غير جديد كموتورك .. ان تستخدم النصف تخليقي