العربية كانت هاتتسرق لكن ربنا ستر

**ICE_MAN** · 21-05-2011 08:18 PM

السلام عليكم.

الموضوع باختصار يوم الخميس اللى فات الساعة 3 الا ربع صباحا فوجئت بزوجتى بتصحينى و بتقولى اصحى فيه حرامى بيسرق العربية تحت البيت.
طبعا قمت بسرعة بصيت من الشباك لقيت التيييييت كسر الهواية الخلفيه و قاعد فى العربية و منور نور الصالون و مولع سيجارة و بيحاول يكسر اللوك بتاع الدريكسيون و معاه ميكروباص واقف لازق فى العربية صف تانى علشان يدارى عليه.

طبعا انا رحت مزعق من الشباك راح سايب العربية و نط فى الميكروباص و طاار..طبعا انا نزلت اطمنت على العربية و فكرت اجرى وراه و كنت هاجيبه بسهولة لكن بصراحة قلقت.

الموضوع بقى ان الاخ و هو بيحاول يكسر اللوك ايده جت على الكلاكس و ده اللى نبه زوجتى ليه لانها ولله الحمد كانت صاحيه و كمان عارفة صوت الكلاكس بتاعى (لانه بيعلق كتيير).

طبعا نزلت تانى يوم غيرت الهواية و ركبت انذار و جبت كلابش للدريكسيون و ربنا يسترها.

ياريت يا جماعة كل واحد يأمن عربيته على فد ما يقدر فى الايام دى و ربنا يسترها معانا جميعا.

ملحوظة..العربية لانسر بومة

**hesham22822** · 21-05-2011 08:23 PM

هى اللانسر مش فيها ايموبيليزر

**mohamedbook** · 21-05-2011 08:24 PM

ياريت تحطها في جراش

**ICE_MAN** · 21-05-2011 08:26 PM

المشاركة الأصلية كتبت بواسطة hesham22822

هى اللانسر مش فيها ايموبيليزر

فيها لكن مفيش حاجة مضمونة الايام دى و عربيات كتيير فيها ايموبيلايزر و اتسرقت

**ICE_MAN** · 21-05-2011 08:28 PM

المشاركة الأصلية كتبت بواسطة mohamedbook

ياريت تحطها في جراش

فكرت و الله من زمان لكن مفيش جراشات جنبى للاسف

**amrxXx** · 21-05-2011 08:36 PM

المشاركة الأصلية كتبت بواسطة ice_man

السلام عليكم.

الموضوع باختصار يوم الخميس اللى فات الساعة 3 الا ربع صباحا فوجئت بزوجتى بتصحينى و بتقولى اصحى فيه حرامى بيسرق العربية تحت البيت.
طبعا قمت بسرعة بصيت من الشباك لقيت التيييييت كسر الهواية الخلفيه و قاعد فى العربية و منور نور الصالون و مولع سيجارة و بيحاول يكسر اللوك بتاع الدريكسيون و معاه ميكروباص واقف لازق فى العربية صف تانى علشان يدارى عليه.

طبعا انا رحت مزعق من الشباك راح سايب العربية و نط فى الميكروباص و طاار..طبعا انا نزلت اطمنت على العربية و فكرت اجرى وراه و كنت هاجيبه بسهولة لكن بصراحة قلقت.

الموضوع بقى ان الاخ و هو بيحاول يكسر اللوك ايده جت على الكلاكس و ده اللى نبه زوجتى ليه لانها ولله الحمد كانت صاحيه و كمان عارفة صوت الكلاكس بتاعى (لانه بيعلق كتيير).

طبعا نزلت تانى يوم غيرت الهواية و ركبت انذار و جبت كلابش للدريكسيون و ربنا يسترها.

ياريت يا جماعة كل واحد يأمن عربيته على فد ما يقدر فى الايام دى و ربنا يسترها معانا جميعا.

ملحوظة..العربية لانسر بومة

الحمد لله انها متسرقتش وتفكير كويس انك مجرتش وراه بس حاول تركب انذار او تركنها في جراج وربنا يستر