السلا م عليكم ورحمه الله وبركاته
عايز اجيب فردتين كاوتش جديد مقاس 13×175×70 ومحتار بين الماكسيس او الجي تي او اللاسا بتاع الكوتش قالي ان اللاسا افضل وسعرها في حدود 300جنيه فارجو الافاده وشكرا
عرض للطباعة
السلا م عليكم ورحمه الله وبركاته
عايز اجيب فردتين كاوتش جديد مقاس 13×175×70 ومحتار بين الماكسيس او الجي تي او اللاسا بتاع الكوتش قالي ان اللاسا افضل وسعرها في حدود 300جنيه فارجو الافاده وشكرا
انا هأقولك نصيحة مجربة من الكثير هنا ... حاول تشوف بريدجستون سعرها كام ولو فرقت 50 جنيه فالفردة عن أغلى واحدة في دول هاتهم بدون تردد لإن بريدجستون مشهود بكفائتها العالية في مصر
واستنى رد الإخوة بشأن فروق الأسعار بين الانواع الي حضرتك ذكرتها و فرق الكفائة بينهم
سبحان الله
انا جربت ماكسس كان زى الفل وحاجة كدة تمام التمام اوى
وجربت جى تى راكبين عندى بقالهم 50 الف ولسة زى ما هما ونعمين فى المشي
جربت لاسا صراحة وحشين جدا واتاكلو بسرعة اوى
هل كان عندى عيب فى العربية او لا معرفش بس انا اتشائمت منهم
حاول تجرب النسر ناس كتير اوى شكرولى فيها وانا عن نفسى لو حغير الكاوتش حشترى النسر
حلوة وتعيش وتستحمل شوارع مصر وسعرها مهاود
النسر دا اسوء كاوتش فى العالم
دا فيه واحد زميل فى المنتدى زار مصنع نسر
بيقول انهم بيحطوا الاضافات اللى على ماده المطاط عن طريق واحد ماسك ساعه
ههههههه
سعنى الدنيا هناك بطيخ
وكاوتش ناشف وفرامل زباله وصوت عالى
ابعد عن النسر
انا لسة شاري نفس المقاس Good Year الفردة ب280
و pirlle -kumho -hankook فى نفس رينج الاسعار م 240-320 وكلهم انواع ممتازه
الكمهو نزل منه نقشه جديده kh17 الناس بتشكر فيها
ممكن انصح حضرتك بكام حاجه :-
ابعد عن النسر لانه سيىء جدا جدا فى كل حاجه سواء خامه او عمر افتراضى او فرامل
ابعد عن اللاسا لانه سيىء مع الفرامل القويه (اسال مالكى الهيونداى عنه لان عربيات غبور بتنزل بيه و هو وكيل لاسا فى مصر)
لو هتشترى كومهو اسأل على نقشة الشجره الجديده من موديل ECSTA (عن تجربه شخصيه لنفس النوع بس مقاس 14) او موديل KH17 (كما ذكر احد الاخوه من قبل ) و عن تجربه اقل سعر و احسن خدمه فى السوق فى محل فى الدقى ش التحرير جنب جاد اسمه اولاد بيومى
لو هتشترى بريدجيستون فيه عرض تبع ستيكر المنتدى انك تاخد خصم 10% + تركيب و هواء و ترصيص مجانى من FIX and FIT فى عمارات العبور - صلاح سالم
لو هتشترى جوديير تأكد انه هندى او تايلاندى و توكيله و اقل سعر له شركه اسمها العالميه فى وسط البلد فى الشارع اللى فيه سينما اوديون (هو شارع متفرع من طلعت حرب مش عارف اسمه للاسف)
اى ما كان نوع الكاوتش اللى هتشتريه بص على تاريخ الانتاج لو لقيته اقل من 10 30 بمعنى الاسبوع رقم 30 من سنه 2010 او شهر مايو 2010 متشتريهوش لان الكاوتش لو اتركن اكثر من سنه هيبقى عمره الافتراضى قليل و خامته الداخليه بتنشف