-
استشاره فنيه
ياريت حد يفيدني
الاكسنت ال 1300 بتاخد زيت قد ايه 3 ك ولا 3.5 ك
ولما اغير فلتر ازود نص كييلو
ياريت حد يفدني عشان في البنزينه بيقلي 3 ك والميكانيكي بيقول 3.5 غير نص كيلو في حاله تغير الفلتر
انا لسه مغير زيت وفلتر عشان العربيه كانت جابت جوان والميكانيكي حط زيت وغير الفلتر وراح حط الجركن كله 4 ك وقالي ابقي غير تاني في اقرب فرصه انا حطيت موبيل الي بيمشي 1000ك وانا هغيره مش هكمل الاف
بس انا لما بقيس الزيت الصبح بلاقي الزيت زياده فمش عارف اعمل ايه ياريت حد من اهل الخبره العباقره يفيدني
ولو في حاجه ينفع اغسل بيه دوره الموتو بتاعيه الزيت مع التغير يريت يقلي عليها
انا بحط زيت شل 3000 ك
والف شكر مقدما لكل اللي هيساعدني
-
والدى معاه الاكسنت ال 1500 سىسى بتاخد 3 او 3 و ربع بدون تغيير الفلتر..ولو غير الفلتر بتاخد من ربع لنص ك زيادة لكن فعلا سواء بفلتر او بدون الجركن بيبقى باقى فيه عالاقل ربع ك..و الله اعلم اذا كانت ال 1300 زيها و لالا
-
الاكسنت 1300 كود موتور G4eh
بتاخد بالفلتر 3 لتر زيت.
الميكانيكي دة هيخلص لك على الموتور. نزل الزيت
الزيادة لحد ما توصل بالزيت لمنتصف علامة المقياس.
الزيت لما بيكون كتير بيتخفق وبيفقد خواصة وبالتالي
مش بيقوم بوظيفتة.
عاوز تغسل الموتور اغسلة بفلاش ودى علبة صفيح زي علبة
المشروبات الغازية بتحطها في الموتور وتحط معاها كيلو ونص او
2 كيلو زيت من ارخص نوع وتسيب الموتور داير شوية وبعدين
تنزل الكلام دة كلة وتحط زيتك على نضافة.
ملحوظة متغسلش الموتور غير لو كان شديد الاتساخ ومتكررهاش
على فترات متقاربة يعني كل كام سنة مرة.
-
نادر بك
الف شكر ياباشا
يعني انا النهارده ممكن اعدي علي البنزينه وعلي الزيت الي فيها احط فلاش وادورها شويه وبعد كده انزل الزيت الي فيها واحط زيت جديد مع الفلتر واحط 3 لتر من الزيت الجديد
-
بعد ازنك فلاش ده هلاقيه في شل وبكام تقريبا
والف شكر
-
الفلش هتلاقية بيتباع في اي مارت في اي بنزينة ان شاء الله.
لو الزيت الحالي لسة نضيف ممكن نزود علية وبعدين تحط الجديد
غير كدة يبقى هتحط زيت من ارخص نوع ومعاة الصفيحة وتغسل
وبعدين تنزلة وتحط الزيت بتاعك الجديد.
بالنسبة للسعر فانا اخر مرة استخدمتة كان من سنتين تقريباً
بس افتكر انة لو غلي مش هيكتر عن 20 جنية ان شاء الله.
-
-
الشكر لله يا اخي، اهلاً بك في اي وقت.
هو انت غيرت جوان وش السلندر ولا الكرتيرة؟؟
وجبتة اصلي ولا لأ وبكام لو لسة فاكر؟
-
انا لسه مغير جوان وش السلندر
انا كنت مسافر والعربيه سخنت في الطريق الزراعي
اول ماوصلت البلد تاني يوم بصيت عامل الزيت لقيته عامل زي الطحينه كلمت الميكانيكي بتاعي فمصر قالي جوان وش السلندر
جبت ميكانيكي وغيرهولي انا اشتريت الجوان من طنطا والراجل قالي ده الاصلي بتاع التوكيل عالمعتاد ب 35 جنيه
-
وبعد مركبت الجوان ونزلت الزيت وشلت الفلتر كان معايا بتاع 1.5 زيت او اكتر رحت حطته والطبه مفتوحه وشايل الفلتر عشان انزل كل اللي فاضل لحد ما الزيت تقريبا كان نازل نضيف
Content Relevant URLs by
vBSEO 3.6.0 PL2