تركيب جهاز انذار في التيجو

**firstknight_eg** · 21-05-2011 09:45 PM

أخيرا وبعد محاولات كتيرة ركبت جهاز إنذار لعربيتي التيجو

طبعا كل يوم نسمع عن عربية اتسرقت ولا اتقلبت وانا والحمدلله قبل الثورة اتسرقت أمال في الهرج ده ومن غير إنذار هيحصل ايه

المهم دورت كتير علي جهاز يركب علي الريموت الاصلي عشان انا مش عاوز اشيل ريموتين

ورحت لناس كتير وطبعا ناس كتير في اماكن اسمها كبيرة كانت بتفتي وينفع طبعا يا باشا يركب عليها وكلها نص ساعة والدنيا تبقي تمام وطبعا 3 او 4 ساعات فك وتركيب وفك يا عم ورجع كل حاجة زي ما كانت عشان مش شغال

المهم النهاردة ربنا وفقني ولقيت واحد عنده جهاز المهم سألت طبعا المصريين ما يقولوش لأ

وجه الصنايعي صراحة أستاذ

في ساعة واحدة كنا مركبين الانذار واشتغل وفل الفل بس عملنا تعديل في الضفيرة عشان كانت بتدي إشارة عكسي (حاجة صغيرة ) بس لو توحة شافها بره الضمان وقتي ها ها ها ها

وبكده يبقي العربية فيها انذارين واحد الاصلي اللي بيشتغل مع الباب بس وواحد تاني بيشتغل مع الصدمات

شفته التكنولوجيا بأه

**wahid37** · 21-05-2011 10:40 PM

اخى الغالى ايه اسم الجهاز وكمان تكلفته واسم المحل ان امكن ذلك

**khaled_Saga** · 21-05-2011 10:46 PM

الف مبروووووووك

**firstknight_eg** · 21-05-2011 11:39 PM

المشاركة الأصلية كتبت بواسطة wahid37

اخى الغالى ايه اسم الجهاز وكمان تكلفته واسم المحل ان امكن ذلك

الجهاز اسمه SPY وتمنه بالتركيب بالتعديلات 450 جنيه

والموديل بتاعه هو
spy integrated car alarm
وده بينزل من غير ريموت

وهو صناعة سنغافوري

والموقع الالكتروني بتاعه ZMC Automotive - Home

اسم المحل هبعتهولك علي الخاص

المشاركة الأصلية كتبت بواسطة khaled_Saga

الف مبروووووووك

الله يبارك فيك ويخيلينا توحه اللي منزل انذار في العربية بس من غير حساس صدمات وصوته ولا الكتكوت اللي بيصوص

**wahid37** · 22-05-2011 12:06 AM

**kimocyc** · 22-05-2011 02:54 AM

ممكن تشرح ايه التعديل اللي في الضفيرة ؟؟؟

**firstknight_eg** · 22-05-2011 11:45 AM

المشاركة الأصلية كتبت بواسطة kimocyc

ممكن تشرح ايه التعديل اللي في الضفيرة ؟؟؟

بص يا سيدي هو التعديل مش كبير ولا حاجة وسهل جدا

الضفيرة كانت بتدي إشارة عكسي للكنترول يونيت بتاعت جهاز الإنذار فا الجهاز ما بيأراش أي ضغط علي الريموت بتاع العربية، فا الفني جاب ريليهات وعكس بيها الإشارة ، بالإضافة إلي انت عارف ان الإنذار عشان يشتغل لازم يحس إن الأبواب مقفولة ولما جينا نجرب اتضح ان كل باب معمول ليه سلك في الضفيرة لوحده (معني كده ان المفروض يبقي علي الشاشة اللي بتوضح ان الباب مفتوح يبينلك انهي باب) المهم اضطرينا ناخد الوصلة من لمبة الباب

معلش انا مش متخصص اوي ويا رب أكون افدتك

**hemaa_82** · 22-05-2011 01:39 PM

المشاركة الأصلية كتبت بواسطة firstknight_eg

بص يا سيدي هو التعديل مش كبير ولا حاجة وسهل جدا

الضفيرة كانت بتدي إشارة عكسي للكنترول يونيت بتاعت جهاز الإنذار فا الجهاز ما بيأراش أي ضغط علي الريموت بتاع العربية، فا الفني جاب ريليهات وعكس بيها الإشارة ، بالإضافة إلي انت عارف ان الإنذار عشان يشتغل لازم يحس إن الأبواب مقفولة ولما جينا نجرب اتضح ان كل باب معمول ليه سلك في الضفيرة لوحده (معني كده ان المفروض يبقي علي الشاشة اللي بتوضح ان الباب مفتوح يبينلك انهي باب) المهم اضطرينا ناخد الوصلة من لمبة الباب

معلش انا مش متخصص اوي ويا رب أكون افدتك

ده علشان العربية فيها كهربا في اي حاجة حتي اللمبات مثلا حتي لو مطفية ..... نفس اللي قابلني وانا بركب الكاميرا بتاعت الركن الخلفي

**firstknight_eg** · 23-05-2011 12:00 AM

الشيء العجيب بأه ان احنا لقينا السلك اللي داخل للمبة لونه احمر في ابيض، لما حبينه ناخده من الضفيرة علي طول طلع السلك الأحمر في أبيض مش هو ، وبتاع حاجة تانية يعني بالصلاة علي النبي كده اللي مركب مش موحد الألوان