الموضوع: نوارة نجم: 27 مايو ... للتوضيح

غير كده اللهجه التحريضيه ضد الشرطه بشكل غير لائق
وان اللي عنده اغلبيه ينزل ياكل الميدان

معلش انت مشفتش الشرطه بتعمل ايه دلوقتي دول بقوا اجرم من الأول طبعا بعد ماشجعتهم القوات المسلحه علشان يعاملونا معامله مقدرش اقول عليها غير منحطه واسوء من الأول اقسم بالله وقسم هتحاسب عليه يوم القيامه ظابط شرطه في كمين السواح بيفتش راجل وكان معاه مراته وبيفتشه بصورة قذره فالراجل بيقوله بكل ادب مينفعش حضرتك تفتشني بالشكل ده وبالصوره دية قدام الناس وقدام مراتي قاله بتقول ايه يابن ......شتيمه اقذر مماتكون وراح مديله قلم صوته لسه بيرن في ودني لحد دلوقتي والكلام ده من ساعتين الرجل صعب عليه جدا لما لقيته الدموع نزلت من عينه وحاطط ايده علي وشه مطرح الألم وعايز يخبيه من الذل واهانة الكرامه اقسم بالله كنت بالفعل هنزل اضرب الظابط ده واحسسه بالأهانه والذل وقلة الكرامه زي ماحسس الراجل المسكين واهان كرامته ورجولته قدام الناس ومراته وزي ماتيجي تيجي بس مراتي مسكت فيه ومنعتني حسبنا الله ونعم الوكيل

السلام عليكم
تعليقي سيكون علي كاتبة المقال و سوف احاول ان اتقمص الاسلوب للاسف

المشاركة الأصلية كتبت بواسطة تامر.محمد

حد مختلف على ان مبارك وحاشيته لازم يتحاكموا؟ ومش بس يتحاكموا على الفلوس يتحاكموا على الدم؟
مين قال ان هناك اتجاه لعدم تقديمة للمحاكمة و المجلس العسكري نفي اي مزاعم منكم من اساسه طيب زي ما انتي عندك عقل و بتستخدميه طيب هما اللي انتي بتشككي فيهم دول ليه مهربهوش من بدري ؟
حد مختلف ان فيه حاجة مش تمام بتحصل وانهم بيتسرسبوا الواحد ورا التاني؟
نفس المنطق بتاع النظام السابق ( كانو بيكدبو الكدبة و يصدقوها ) انتي دلوقتي بتلمحي لايه هل بتوحي بكلماتك ان السرسبة دي ناتجة عن تطبيخ بين القضاء و الجيش و لا فيه خدعة مثلا بتحصل مع ان لو كان فيه خدعة كان الاولي انهم يخرجو جمال و علاء مش سرور مثلا و لا عزمي علي ذمة القضايا يعني مش افراج نهائي و بعدين انتي عاوزاها قضاء و لا عاوزاها دراع لو عاوزاها قضاء ارضي بما يحكم به القضاء لو عاوزاها دراع اول لما الناس دول يخرجو ابعتي ليهم ناس تاخد بتارها منهم و ارحمينا بقي
حد مختلف ان دول لو خرجوا حيبقى نهارهم نادي ونهارنا احنا اللي مش باين؟
طبعا واضح انك بتوجهي كلامك لطبقة البلطجية اللي هيخاف علي نفسه مش بتوجهي كلامك لناس شريفة عاقلة
نهار مين يا بنتي اللي نادي و مش نادي الناس دي اتكسرت و لو لسه اجلهم مجاش كفاية عليهم يقضوها مستشفيات باقي عمرهم ربنا ما يحكم علي حد بكسرة النفس

حد مختلف على ان التهديد بالازمة الاقتصادية لوي دراع وان مصر فيها اقتصاديين عباقرة يحلوا الازمة الاقتصادية دي في يوم ونص؟
طبعا واضح جدا انك مغيبة تماما عن الانهيار الاقتصادي اللي احنا بنعانيه يا ست البنات اظن الدكتور شرف ده جزء اساسي من الثورة و اظن انه رئيس الحكومة و اظن انه قال لو اني لن استطيع ان احقق للشعب كذا و كذا سوف ارجع تاني للميدان يبقي ازاي دلوقتي بتناقضي نفسك و تشككي في رئيس وزراء الثورة لما يخرج بتصاريح هو و وزير ماليته يلطمو علي البحري من الانهيار الاقتصادي ناقص بقي يقولو لاعداء البلد كده علي العام و الخاص اننا هنشحت كمان شهر و لا اتنين و لا مثلا لا نجد سولار كمان شهر علشان تكون فرصة لاعداء الوطن و ساعتها لن تكون اسرائيل في احتياج لجواسيس كي ترسلهم لنا لتتعرف علي الوضع الاقتصادي لبلدك ما هي خلاص هتبقي علني من هنا ورايح و اجبرتم الراجل انه يطلع كل اسبوع ينشر الغسيل كله و يا ويله يا سواد ليله لو قال اي معلومة حتي لو للتمويه يبقي يتفضح تاني يوم من اعلامكم القذر الموجه ضد استقرار البلد
و تاني هقول و السؤال لكم ( انتي بتقولي انهم بيهددو بالازمة الاقتصادية ؟ مين دول يا ست
الاجابة اولي الامر طيب تقصدي ( الجيش و لا الحكومة )؟ طبعا هتقول الجيش لان الحكومة ( حكومة ثورة يبقي مش هتكدب علي الثورة )
طيب ليه حكومة الثورة لم تكذب اخبار الجيش المغلوطة؟ ( علل يعني افرض )
بتقولي ان بلدنا فيها اقتصاديون مهرة عباقرة يحلو الازمة الاقتصادية اللي انتي اصلا مش معترفه بها في يوم و نص ( طيب ليه حكومة الثورة لم تستعين بهم من شهرين )؟ ( علل يعني افتكس )
حد مختلف على ان التحجج بالازمة الاقتصادية لعدم محاسبة رجال الاعمال الفاسدين ورجال الوطني حجة مش مقبولة؟
مين يا بنتي اللي مش عاوز يحاسب رجال الاعمال الله يكرمك
ناس كانت بتستفيد من نظام فاسد لقوانين الدولة الفاسدة لما بيتقدم هذا الرجل للقضاء و يقولو له ازاي امتلكت ارض في التجمع مثلا بيقدم اوراق التخصيص و السعر المدفوع و قتها لو هوه كاذب او متقدم فيه بلاغ من الرقابة الادارية او الجهاز المركزي للمحاسبات بيتم التحقيق معه و يدان اما لو متخصصه له الارض تبع اعلان او مزاد او اي شكل قانوني ازاي المحقق هيعرف ان الراجل ده كان راشي الوزير او مدير مكتب فلان او علان الله يكرمك
حد مختلف على حد ادنى واقصى للاجور؟
يعني هيا دي محتاجة ثورة علي الجيش او مثلا الجيش هينضر لو شال من واحد بياخد 15 الف و وزعهم علي خمسة و لا ستة ارحمينا و سيبي الناس تشتغل
حد مختلف على ان ما ينفعش شباب طاهر ونقي يتقدم لمحاكمة عسكرية في نفس الوقت اللي الجمل بيدعو فيه للمصالحة مع الحرامية؟
يا ست ما اللي ينادي ينادي انتي شفتي حاجة حصلت طب مهو غلط قبل ذلك في الذات الالاهية من وجهة نظر علماء الامة و محدش جه جمبه
حد مختلف على ان الجمل لازم يمشي امبارح؟
و مين ماسك فيه و لو الجيش فارضه ليه شرف مطلعش و شاله ارحمينا هوه شرف كمان معاهم

حد مختلف على ان عمر سليمان بيلعب في اساسنا بالفتن الطائفية ولازم يتجاب؟
انتي عاوزاه يتجاب ( اكتبي كده و نادي بكده صراحة ) بلاش تتهميه بشئ و انتي لا تمتلكي الدليل قبل ذلك قال هو نفسه علي اللي زيك انكم معك اجندات خارجية و قلتم عليه مجنون ارجوكي اثبتي كلامك الاول و اظن مش هيكون اغلي من مبارك و لا جمال و لا علاء اركزي كده انتي مش بتكلمي الست فتكات في المطبخ علي اكلة ملوخية انتي بتتكلمي مع ناس يوزنوكي ثقافة و مرمطة من الايام
حد مختلف على ان عودة امن الدولة بالشكل ده مش مقبولة وانهم لازم يبقوا تحت اشراف قضائي وحقوقي؟
سيبي الشعب اللي هيختار اعضاء مجلس شعبه كمان اربع شهور يقرر هيعمل ايه و يلغي ايه و يشيل ايه الموضوع خلاص قرب بس اصبري انتي كده شوية و كل حاجة هتمشي بلاش نبر
حد مختلف على ان الشرطة عاد لينتقم.. واذا كان على الشرطة امرها سهل تنضرب تاني مدام بقت مدمنة ضرب،
قعلا و الله نفس اللغة القذرة بتاعة الشرطة سابقا كانو فاكرين الناس كلهم خلاص جسمهم نحس و خد علي الضرب فكانو بيهدمو انفسهم بأنفسهم و كانو اصحاب قوة و سلطان فكانو مغرورين بهذه القوة انتي دلوقتي احط منهم بس للاسف انتي لم تمتلكي اي شئ لكي تتغري به و عليه فأني اراك مثلهم منفوخة بس علي الفاضي
لكن ينفع الجيش يكتفنا للشرطة، خلاص.. الجيش يخلي بينا وبين الشرطة ولا يتدخل لا لصالحنا ولا لصالحهم، واحنا نتصرف معاهم، لكن ظابط شرطة يقول لظابط جيش قدام العيال بتوع السفارة: انا جاي اخد تاري؟ الله الله الله.. هي بقت كده؟
الجيش عاوز نظام و انتي و غيرك عاوزينها هرجلة و عاوزين الناس تفضل زيكم تبحث تبحث تبحث عن الحياة التفصيل اللي كل واحد فيكم رسمها من قبل ( لن اتهمكم كلكم ففيكم اكيد اللي بيجاهد في سبيل الله و فيكم العميل الخائن و فيكم اللي ركب الموجة و فيكم و فيكم ) بس لم تقفو خلف الجيش استكبرتوها و حزت في نفسكم اوي الحكاية دي و كلنا نعرف ان بعد لما تمت الاطاحة بالنائب العام كان الدور في تخطيطكم هو ( طنطاوي ) و لما لم يحدث ذلك حاولتم استمالة افراد من الجيش و لما فشلت خطتكم اديكم اندرتو تاني علي الشعب و شغالين تحريض للنزول
تاني هنرجع تاني لنفس الكلام
( حينما كنتم قلة اشتغلتم علي جموع الصلاة يوم الجمع و استغليتم الالامة في المساجد و التحريض العلني علي النزول و اول لما تحقق للي زيك ما اراد انقلبتم علي اهل الدعوة و علي الاخوان و غيرهم
و حينما احسستو بأن الاخوان كسبو المعركة الاولي و التيار الديني سيكتسح المعركة شغالين الان هيصة كله يضرب مع كله و الاخر الخسران هوه الشعب
الخسران الناس اللي اوشك رصيدها علي النفاذ
و ساعتها ستكوني في مزبلة التاريخ
اللهم سد عنا مكيدتهم و انصر الحق اينما كان

و اخيرا المتغطي باللي زيك عريان يا بتاعة و لا بلاش

م.حاتم السباعي