| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 8 1 2 3 4 5 6 ... الأخيرةالأخيرة
النتائج 1 إلى 10 من 80

  1. #1

    الصورة الرمزية som3aa

    رقم العضوية : 4111

    تاريخ التسجيل : 13Jan2008

    المشاركات : 1,696

    النوع : ذكر

    الاقامة : Cairo

    السيارة: @

    السيارة[2]: Hyundai

    دراجة بخارية: -

    الحالة : som3aa غير متواجد حالياً

    افتراضي ننزل و لا لأ يوم 27 مايو؟؟ - Facebook Twitter whatsapp انشر الموضوع فى :

    hasad">

    يا جماعة بلاش يتضحك علينا بسهولة و خلينا نفكر كويس و نشوف النزول صح و لا لأ.

    سيبك من الطلبات اللى مكتوبة فى الصفحة بتاعت الfacebook , انا شخصيا مختلف مع كتير منها حتى على المجلس الرئاسى علشان هنختلف نجيب مين, بس برده نازل

    خلينا نسال نفسنا سؤال احنا مفروض ننزل و لأ ؟

    احنا كنا اتفقنا قبل كدا ان لو حصل لعب ننزل تانى الشارع

    علشان ميخلوش الناس تنزل الشارع اشتغلولنا فى نظام فزاعات , مرة واحدة البلد بتفلس و الحقوا الاقتصاد انهار و احنا هنستلف 4 مليار و يمكن 12 مليار دولار لغاية السنة اللى جاية مع اننا كل سنة اساسا ايام مبارك بنستلف نفس المبلغ تقريبا و لا ازاى الدين زاد 100 مليار فى سنتين؟؟؟
    بعدين فى فائض رهيب فى البنوك , المصريين ليهم 1200 مليار جنيه فى البنوك , ازاى البلد بتفلس على مليار دولار و لا 10 مليار دولار؟؟
    الفرق السنادى و احنا بنستلف ان فى تركيز اعلامى بعكس التعتيم فى السنين اللى فاتت و طبعا الفايدة ممكن تكون اعلى.

    فى حاجات كتير بتحصل غلط و البلد ماشية فى طريق غلط و برده يقولولنا علشان الاستقرار , انا زهقت من كلمة الاستقرار اللى قرفونا بيها من ايام مبارك علشان يمرروا اللى هما عايزينوا.

    معظم الوزراء لا يصلحوا منهم وزير الصحة و الزراعة و سيد مشعل بتاع الانتاج الحريى اللى كلنا عارفين نجح ازاى فى انتخابات مجلس الشعب اللى فات و وزير السياحة و وزير التنمية المحلية و غيرهم و تنازل سوزان طبعا و خروجها من القضية , ازاى مش فاهم و خروج ناس كتير اوى من الكسب غير المشروع زى وزير الزراعة اللى فات امين اباظة و فاروق حسنى و مفيد شهاب و حاتم الجبلى و غيرهم.

    الاعلام الحكومى زى ما هو , اولا سامى الشريف مكانش لازم يتعين ابدا!!! و دى النتيجة

    YouTube - ‫ط¹ظ„ظ‰ ط§ظ„ظ‡ظˆط§ط، : ط³ط§ظ…ظ‰ ط§ظ„ط´ط±ظٹظپ ظٹظ†ظ‡ظ‰ ط¨ط±ظ†ط§ظ…ط¬ ط´ط§ط±ط¹ ط§ظ„ظƒظ„ط§ظ…‬‎


    معظم الناس اللى اتعينت بعد الثورة كانوا من الحزب الوطنى و من امانة السياسات , السباعى شالوه بالعافية!!! بعد الحلقة الفضيحة و كانوا باعتينه يكشف على مبارك!!!!!!!!!
    مبارك اللى قاعد فى شرم كل شوية يسالوه , ايه الاخبار دلوقتى طرة؟ يقولهم لا مليش نفس , عندى اكتئاب و الاذين عندى زعلان

    اللى حصل فى كلية اعلام , بدل ما يشيلوا العميد بتاع امانة السياسات بيفصلوا الطلبة اللى بيتظاهروا .

    كل شوية عايزين نشتغل عايزين نشتغعل , يعنى هى الناس كانت سابت الشغل مثلا و قاعدت فى الشارع , مهى بتشتغل و بتنزل يوم الجمعة لما يبقى فى تباطؤ او اسوا!!

    كل شوية اختبارات هاا نطلع الناس اللى فى السجن و لا لسه شوية , طيب زكاريا طالع , ايه دا لسه شوية؟ طيب لقيناله فيلا حبس 30 يوم , كل شوية عايزين يشوفوا الناس خلاص نامت و لا لسة .

    اللى موقف الحال مش المظاهرات بتاعت يوم الجمعة , اللى موقف الاحوال الطلبات الفئوية زى اللى عايز مرتبه يزيد و اللى عايز كنيسة تتفتح دلوقتى حالا و اللى عايز مش عارف ولاده يتعينوا و اللى عايز مش عارف ايه.

    حتى لو لهم حق و معظم لهم حق فعلا بس مش وقته خالص!!

    كمان كل شوية تصالح , رفض تام لفكرة محكمة الثورة للناس مثلا اللى كانت بتمرر قانون الطوارى اللى كانوا بيقتلوا و بيعتقلوا على حسه الناس بدون اى حق!!

    حالة الانفلات الامنى المتعمدة و سايبين مديرين الامن اللى متهمين بالقتل فى مناصبهم بعد نقلهم لمحافظات تانية, سوء الاختيارات هو اللى بيسبب مظاهرات جيابين 20 محافظ من 30 لوائات و النتيجة كانت مظاهرات و قطع طريق فى قنا و مظاهرات فى الاسكندرية و سيناء , طب ما سبب المظاهرات دى الاختيارات السيئة؟؟؟

    مظاهرة سفارة اسرائيل مع اعتراضى على التوقيت و الاقتحام بس الجيش و الشرطة راحوا علطول و حاوطوا الناس و كدا , نشوف اللى خحصل فى ماسبيرو , بلطجة و مولوتوف و ضرب نار و عربيات اتحرفت و لا عسكرى واحد جه غير فى الاخر .

    الموضوع مش تسخين بس دلوقتى البلد لازم تمشى صح بعد الثورة و الا هتقع !!!
    مينفعش نسيب بقايا السرطان و الا هيرجع ينتشر تانى مع العلم ان الشعب كتير منه جدا جاهل و امى و كتير جدا من الناس بتشتغل باليومية و رهانهم على الناس دى انها فى الاخر هتزهء بسهولة.

    انا مش فاهم الناس اللى معترضة على المظاهرة بتاعت يوم الجمعة معترضة على ايه؟؟
    مش شايفين الحال الوحش و الانفلات الامنى و اللعب و التعيينات السيئة و كتير جدا من المتعينين حزب وطنى اساسا فى معظم المناصب , ليعه ميتعينش اصحاب الكفائات

    بعدين فى حاجات يقدروا يعملوها بسرعة يوفروا فلوس زى حد اقصى للاجور شاملة المكافئات و كل حاجة و يدرسوا براحتهم الحد الادنى مش يحطوا حد ادنى و هما مش عارفين هيجيبوا الفلوس منين.

    نفس اللى كان بيحصل قبل كدا فى كذا حاجة بيحصل دلوقتى , اتخاذ القرارات بشكل فردى و بدون اى نقاش و معظمها قرارات مرشجين الرئاسة كلهم رافضينها و على فكرة علشان محدش يفتح بقه الاستفتاء كان على تعديل الدستور مش المجلس الرئاسى و لا المجلس العسكرى و لا كان على المظاهرات تستمر و لا لأ و لا على رئيس الوزراء , اصل كل واحد بيعمل اللى هو عايزه و يقولك الشعب موافق بدليل ال 77%!!!


    دا رايى انا شخصيا , لو حد ليه راى مخالف يا ريت يكتبه علشان اقتنع او اقنعه بس ارجو اللى يرد عليا يكون كان موافق اساسا على المظاهرات بتاعت 25 و 28 مش الناس اللى كانت معترضة و لا الناس اللى كانت عايزة مبارك يكمل ال6 شهور .

    على فكرة اللى معترض يفتكر كويس اوى الناس اللى كانت معترضة على الجمعة التطهير اللى كانت نتيجيتها القبض على مبارك و ولاده و سرور و عزمى و الشريف!!!
    يا ترى لولاها كان اتقبض عليهم , وقف المظاهرات بتاعت يوم الجمعة معناها ضوء اخضر لوقف الاصلاحات و الاجرائات دى و يعملوا اللى هما عاوزينه!!!


  2. #2

    الصورة الرمزية Dr_Mido

    رقم العضوية : 4503

    تاريخ التسجيل : 19Jan2008

    المشاركات : 2,257

    النوع : ذكر

    الاقامة : Cairo

    السيارة: N/A

    السيارة[2]: N/A

    دراجة بخارية: No

    الحالة : Dr_Mido غير متواجد حالياً

    افتراضي -

    انا مش نازل لان نزولى يعتبر موافقه على كل البنود المطلةبه وانا مش موافق على 98% منها

    مصر دلوقتى بقيت عاملة زى واحد أخرس بيقول لواحد أطرش إن فى واحد أعمى شاف واحد مشلول بيجري ورا واحد أقرع بيشد فى شعره


  3. #3

    الصورة الرمزية ahmedbatoos

    رقم العضوية : 57259

    تاريخ التسجيل : 28Dec2009

    المشاركات : 592

    النوع : ذكر

    الاقامة : alex

    السيارة: skoda

    السيارة[2]: Nissan Livina

    دراجة بخارية: لا يوجد

    الحالة : ahmedbatoos غير متواجد حالياً

    افتراضي -

    انا مش نازل . . لأن كدة هدعم من يريد تدمير مصر في ما يريدة

    مطالب حضرتك سليمة . . لكن مين الي بيخرب كل دة لاحظ ان الي اعترف انة هوا المسؤل عن الملف الاعلامي و المحافظين وحقوق الانسان وكثير من المحافظين هوا الفاسد يحي الجمل المتطاول علي الله ولاحظ ايضا انة اعترف انة صاحب اقتراح العفو عن مبارك والفاسدين . . هذا الرجل الي بيصرخ التيار الاسلامي ليل نهار لعزلة ويحمية العالمنيون و الاعلام . . هو أس الفساد . . .


  4. #4

    الصورة الرمزية som3aa

    رقم العضوية : 4111

    تاريخ التسجيل : 13Jan2008

    المشاركات : 1,696

    النوع : ذكر

    الاقامة : Cairo

    السيارة: @

    السيارة[2]: Hyundai

    دراجة بخارية: -

    الحالة : som3aa غير متواجد حالياً

    افتراضي -

    انا مش نازل لان نزولى يعتبر موافقه على كل البنود المطلةبه وانا مش موافق على 98% منها
    كويس انا برده رافض حاجات كتير منها
    بس 98% يعنى حضرتك رافض

    1
    - الابقاء على وزارة د/ عصام شرف مع تطهيرها من الوزراء المحسوبين على النظام السابق و تعيين من يتوافر فيه النزاهة و الكفاءة و المعارضة للنظام السابق.

    2- رفع حالة الطوارئ فورا و الافراج الفورى عن كل المعتقليين المدنيين و العسكريين بالسجون المدنية والحربية الرسمية و السرية قبل الثورة و بعدها و الغاء المحاكمات العسكرية للمدنيين و تشكيل لجان عن طريق نوادى القضاء و القضاء العسكرى تقوم باعلان اسماء كافة السجناء فى مصر و التهم و الاحكام الصادرة ضدهم و فتح باب تقدم السجناء بالتظلمات لهذة اللجان و اجراء مراجعة و بحث لحالتهم.

    3- محاكمة قتلة شهداء الثورة محاكمات فورية و الاقتصاص لحقهم و تقليد اسماء الشهداء اعلى الاوسمة فى الجمهورية و تخصيص المقابل المادى للاوسمة لاسر الشهداء و تقدير التعويضات المادية و المعنوية التى تؤدى لهم و التى تتناسب مع التضحيات التى قدموها لمصر.

    4- محاكمة مبارك و اسرته و أركان حكمه محاكمة فورية و بحضور المدعى ( الشعب ) و ذلك بإذاعة المحاكمات على القنوات التلفزيونية و ذلك بتهم إفساد الحياة السياسية و الاجتماعية فى مصر الى جانب المحاكمة الجنائية.

    5- اتخاذ الاجراءات اللازمة الفورية لاسترجاع ثروات مصر المنهوبه و مصادرتها داخل و خارج البلاد سواء المعلوم عنها او الغير معلوم.

    6- إعادة هيكلة وزارة الداخلية فورا و حل جهازى الامن القومى ( جهاز امن الدولة سابقا ) و تحويل اختصاصاته للمخابرات العامة و الامن المركزى و التحفظ على رجالهما و سرعة اصدار القوانين التي تساعد على حفظ الأمن و تحفظ كرامة المواطن و حرياته الأساسية مع السيطرة على الحالة الامنية المتدهوره بمنتهى الحزم.

    7- إطلاق حرية إنشاء الأحزاب و الجمعيات و النقابات و إصدار الصحف و المجلات و وسائل التعبير و القنوات التلفزيونية و الإذاعية بدون قيود مع المحاسبة الفورية على الخروج عن الأخلاق و إثارة الفتنة الطائفية و التطهير الفورى للاعلام و اعادة هيكلة المؤسسات الاعلامية المصرية.

    8- إقالة النائب العام و تعيين نائب عام مشهود له بالنزاهة و المعارضه للنظام السابق و تشكيل لجان ثوريه نيابية من القانونيين الشرفاء فى كل المحافظات لملاحقة المفسدين و اجراء التحقيقات و فتح الباب للتقدم بكل ما يثبت حالات فساد من ادلة و شهادات.

    9- تطهير القضاء بشكل كامل و تنظيم انتخابات داخلية لاختيار رؤساء المحاكم .

    10- إحالة كل قيادات الحزب الوطنى الديموقراطى الى المحاسبة بتهمة إفساد الحياة السياسية و نهب مقدراته و تخريب الأقتصاد على ان يحظرعلى اعضاءه ممارسة الحياة السياسية فى مصر لمدة 5 سنوات على الاقل و يسمح للعضو بعد إنقضاء مدة الحظر بالمشاركة فقط فى حالة تقدمه باقرارات الذمة المالية و التدقيق فى اصول ممتلكاته و استرجاع حقوق الشعب منها.

    11- حل المجالس المحلية و إحالة اختصاصتهم للجهات المعنية و تعيين المحافظين الجدد بالانتخاب.

    12- وقف تصدير الغاز لاسرائيل بشكل رسمى و نهائى مع مطالبة إسرائيل برد فروق الاسعار رسميا و محاكمة المتورطين فى هذة الصفقة المشينة محاكمة فورية.

    13- تشكيل لجنة من الخبراء لتحديد الحد الاقصى و الحد الادنى من الاجور و توزيع الاجور نسبه للمعايير العالمية و يبدأ العمل بها من فوره.

    14- تشكيل لجان ثورية في جميع الادارات الحكومية و القطاع العام و الاعلام الحكومي و الوزارات و الهيئات و المؤسسات و الجامعات و البنوك يتم تشكيل هذة اللجان عن طريق الإنتخاب المباشر داخل تلك المؤسسات تحت اشراف مباشر من القضاء و تقوم هذة اللجان بتعيين القيادات الجديدة للمرحلة الإنتقالية على أساس الإلتزام بالشروط الفنية و الإدارية الواجب توافرها من حيث الكفاءة و الخبرة و تقوم اللجان الثورية بتعيين مندوبين من خريجي كليات الحقوق لتلقى جميع الشكاوى فى الادارات الحكومية و القطاع العام و تسجيلها و التحقيق فيها.

    - تنظيم انتخابات داخلية فى القوات المسلحة تبدأ من انتخابات بين الضباط و الصف و الجنود لاختيار قادة الوحدات الفرعية و الوحدات و انتهاء بانتخاب قيادات الجيوش و القوات و الافرع الرئيسية و الادارات و رئيس الاركان.

    16- انتخاب فورى لشيخ الازهر بواسطة جميع خريجي الكليات الاسلامية التابعة لجامعة الازهر بعد وضع شروط الترشيح الفقهية و المؤهلات و النزاهة و الشخصية القيادية بواسطة هيئة كبار العلماء و إعطاء الحق للترشح لكل من توافرات فيه هذة الشروط ليكون الازهر مؤسسة دينية مستقلة قائمة بذاتها.

    17- تقوم لجنة من الكنيسة المصرية بواسطة رئاسة الكنيسة من القيادات الكنسية بترشيح لجنة من كل التخصصات – يتم الموافقة عليها فى إستفتاء لمسيحيي مصر تحت إشراف قضاة مسيحيين – تكون هذة اللجنة ممثليين لمسيحييى مصر فى المرحلة الإنتقالية و تختار هذة اللحنة مندوبا لها يحضر جميع إجتماعات مجلس الرئاسة و له الحق فى إبداء الرأى و المشورة و تسجيل الاعتراض رسميا فى محاضر المجلس.

    18- تطهير وزارة الخارجية و المؤسسة الدبلوماسية المصرية بشكل كامل.

    19- يتم تشكيل لجنة منتخبه مكون من 3 اعضاء من القضاة و عضوين من اساتذة القانون بالجامعات و عضو من اساتذة الدستور و عضوين من نقابة المحاميين وعضو من اساتذة العلوم السياسية و تقوم اللجنة بوضع قانون الانتخاب و الذى تجرى على اساسه كل الانتخابات السابق ذكرها و يتم الاستفتاء علي مواده من قبل الشعب.

    20- إنتخاب اللجنة التأسيسية للدستور بحيث تضم قضاة وعالم أزهر و رجل من رجال الكنيسة و عضو من اساتذة كل من المجالات الاتية: الاقتصاد و الاعلام و الادارة و العلوم الاجتماعية و المحاميين والهندسة و الطب و الدبلوماسيين و من قيادات الجيش و الشرطة و عضوين من الشباب الجامعى شاب و فتاه و يتم انتخابهم كلا فى مجاله و يجب ان يشتمل اللجنة على هذة المجالات نظرا لشمولية الدستور و لضمان اشتراك كافة اطياف المجتمع فى وضع الدستور وبعد وضع اللجنة التأسيسية لمواد الدستور يتم اجراء استفتاء للشعب علي مسودة الدستور كل مادة على حدة و ينظم الاستفتاء القانون الانتخابى الجديد و يتم تقديم الطعون و الفصل فيها
    معلش ممكن حضرتك توضحلى انهى نقطة من دول اللى حضرتك موافق عليها و رافض الباقى؟؟

    دا الgroup بتاع ال facebook (انا نقلت منه الطلبات)
    Welcome to Facebook - Log In, Sign Up or Learn More


  5. #5

    الصورة الرمزية som3aa

    رقم العضوية : 4111

    تاريخ التسجيل : 13Jan2008

    المشاركات : 1,696

    النوع : ذكر

    الاقامة : Cairo

    السيارة: @

    السيارة[2]: Hyundai

    دراجة بخارية: -

    الحالة : som3aa غير متواجد حالياً

    افتراضي -

    انا مش نازل . . لأن كدة هدعم من يريد تدمير مصر في ما يريدة

    مطالب حضرتك سليمة . . لكن مين الي بيخرب كل دة لاحظ ان الي اعترف انة هوا المسؤل عن الملف الاعلامي و المحافظين وحقوق الانسان وكثير من المحافظين هوا الفاسد يحي الجمل المتطاول علي الله ولاحظ ايضا انة اعترف انة صاحب اقتراح العفو عن مبارك والفاسدين . . هذا الرجل الي بيصرخ التيار الاسلامي ليل نهار لعزلة ويحمية العالمنيون و الاعلام . . هو أس الفساد . . .
    يعنى حضرتك شايف ان يحيى الجمل هو اللى مسؤول عن كل سوء الاختيارات اللى حصلت الفترة اللى فاتت؟؟
    انا متفق جدا انه لازم يتشال فورا بس مختلف تماما انه هو السبب فى كل اللى فات , هو واحد من ناس كتير اوى لازم تتشال فورا

    انا مش نازل . . لأن كدة هدعم من يريد تدمير مصر في ما يريدة
    ممكن حضرتك توضحلى نزول الناس فى مظاهرة للمطالبة بكل ما سبق هيدعم تدمير مصر ازاى؟


  6. #6

    الصورة الرمزية AmAhmed

    رقم العضوية : 76846

    تاريخ التسجيل : 02Aug2010

    المشاركات : 746

    النوع : ذكر

    الاقامة : مدينة نصر القاهرة

    السيارة: لا يوجد

    السيارة[2]: لا يوجد

    دراجة بخارية: لا يوجد

    الحالة : AmAhmed غير متواجد حالياً

    افتراضي -

    الله يبارك لك
    اتفق معك 10000% و هناك اشخاص الله ينتقم منهم في كل اروقة السلطة العسكرية و المدنية و في كل القطاعات همهم الوحيد احباط الثورة و البقاء علي النظام الذي لم يرحل

    و واجبنا الاتحاد حول المطالب حتي و ان اختلفنا مع بعضها لان هذا هو المدخل اللي بيدخل منه اعداء الشضعب و الثورة و يفرقونا

    لماذا لا نصل الا حل وسط بين المجلس العسكري و الرئاسي بضم شخصيات مدنية الي المجلس العسكري - شخصيات مستقلة لا سوابق لها في التعامل مع النظام - و اي اجراء يكون باغلبية تصويت اعضاء هذه المجلس
    ما الضرر الواقع علي المجلس العسكري بل ما الضرر علي مصر اذا اشترك معهم رموز مصرية نفتخر بها في مجالات متعددة في انتشال مصر من الفوضي

    كلمة اخيرة و نصيحة لمن يقحم الدين في هذه الامور : لا تحكموا علي نية الاشخاص فلا احد علي علم بها الا الله سبحانه و تعالي و لا تعمموا الاوصاف و علي راسها التكفير و الالحاد لمن يخالف في الراي لانه ان لم يكن كافر ستبوء انت ايها المدعي بها

    قال صلى الله عليه وسلم : ( إذا كفر الرجل أخاه فقد باء بها أحدهما ) وفي الرواية الأخرى ( أيما رجل قال لأخيه يا كافر فقد باء بها أحدهما إن كان كما قال ، وإلا رجعت عليه )

    مصر و المصريين باذن الله احسن من كده ، احنا مش شحاتين و قد اعطانا الله سبحانه و تعالي من الخير الكثير و الكثير و لكن اين الرجال الاكفاء الامناء ليقودوا البلاد و لماذا يتم تهميشهم


  7. #7

    الصورة الرمزية power

    رقم العضوية : 17452

    تاريخ التسجيل : 29Aug2008

    المشاركات : 421

    النوع : ذكر

    الاقامة : ALEX

    السيارة: لما اتخرجisa

    السيارة[2]: fiat siena 2000

    الحالة : power غير متواجد حالياً

    افتراضي -

    لازم برضو نعترف ان في طلبات غريبه جدا ومش منطقيه
    وبعدين نزولك او عدمه ده قرارك انت ولا اللي نزل خاين ولا اللي منزلش عميل


  8. #8

    الصورة الرمزية Dr_Mido

    رقم العضوية : 4503

    تاريخ التسجيل : 19Jan2008

    المشاركات : 2,257

    النوع : ذكر

    الاقامة : Cairo

    السيارة: N/A

    السيارة[2]: N/A

    دراجة بخارية: No

    الحالة : Dr_Mido غير متواجد حالياً

    افتراضي -

    اقتباس المشاركة الأصلية كتبت بواسطة som3aa مشاهدة المشاركة
    كويس انا برده رافض حاجات كتير منها
    بس 98% يعنى حضرتك رافض

    1معلش ممكن حضرتك توضحلى انهى نقطة من دول اللى حضرتك موافق عليها و رافض الباقى؟؟

    دا الgroup بتاع ال facebook (انا نقلت منه الطلبات)
    Welcome to Facebook - Log In, Sign Up or Learn More

    فهمتنى غلط هيعتبرونى فلول دلوقتى


    لاانا مش رافض طبعا البنود الاعتراض على حشرها فى تظاهر باطل اساسا هيفقدها شرعيتها اما تتطلب فى مسارها السليم

    مصر دلوقتى بقيت عاملة زى واحد أخرس بيقول لواحد أطرش إن فى واحد أعمى شاف واحد مشلول بيجري ورا واحد أقرع بيشد فى شعره


  9. #9

    الصورة الرمزية ahmedbatoos

    رقم العضوية : 57259

    تاريخ التسجيل : 28Dec2009

    المشاركات : 592

    النوع : ذكر

    الاقامة : alex

    السيارة: skoda

    السيارة[2]: Nissan Livina

    دراجة بخارية: لا يوجد

    الحالة : ahmedbatoos غير متواجد حالياً

    افتراضي -

    - الابقاء على وزارة د/ عصام شرف مع تطهيرها من الوزراء المحسوبين على النظام السابق و تعيين من يتوافر فيه النزاهة و الكفاءة و المعارضة للنظام السابق.


    يحي الجمل هو الي عين وزير الاعلام . . هو الي عين مجلس حقوق الانسان . . هوا الي عين المحافظين في اغلبهم . . هوا الي اقترح العفو عن الفاسدين مقابل تنازلهم عن اموال . . التيار الاسالمي بيكح تراب من شهور عشان الراجل المتطاول علي الله ورسولة دة يخلع والاعلام وبعض التيارات العالمنية بتدعمة لمجرد انة عالماني متطرف دة ان كان حاجة غير كدة


    2- رفع حالة الطوارئ فورا و الافراج الفورى عن كل المعتقليين المدنيين و العسكريين بالسجون المدنية والحربية الرسمية و السرية قبل الثورة و بعدها و الغاء المحاكمات العسكرية للمدنيين و تشكيل لجان عن طريق نوادى القضاء و القضاء العسكرى تقوم باعلان اسماء كافة السجناء فى مصر و التهم و الاحكام الصادرة ضدهم و فتح باب تقدم السجناء بالتظلمات لهذة اللجان و اجراء مراجعة و بحث لحالتهم.


    تم الافراج عن كل الي اتقبض عليهم يوم 9 مارس
    الافراج عن الي اتقبض عليهم يوم السفارة

    اما !!!! الافراج عن كل المعتقلين المدنين والعسكرين بلسجون الحربية والمدنية ههههههههههههههه فا الصراحة مضحك يعني مثلا نفرج عن مبارك وزكريا عزمي . . مش فاهم يمكن انا فهمت غلط او الي مكتوب غلط

    3- محاكمة قتلة شهداء الثورة محاكمات فورية و الاقتصاص لحقهم و تقليد اسماء الشهداء اعلى الاوسمة فى الجمهورية و تخصيص المقابل المادى للاوسمة لاسر الشهداء و تقدير التعويضات المادية و المعنوية التى تؤدى لهم و التى تتناسب مع التضحيات التى قدموها لمصر.


    هما بيتحاكموا فعلا من زمان

    المقابل المادي !! فعلا اتعطي عن طريق مرتبات شهرية غير مثلا الشيخ المجاهد حافظ سلامة تبرع بمليون جنية من جمعية الهدايا لاهالي شهداء السويس

    ممكن اطلب انا محاكمة قوية وسريعة . . . ليهم


    4- محاكمة مبارك و اسرته و أركان حكمه محاكمة فورية و بحضور المدعى ( الشعب ) و ذلك بإذاعة المحاكمات على القنوات التلفزيونية و ذلك بتهم إفساد الحياة السياسية و الاجتماعية فى مصر الى جانب المحاكمة الجنائية.


    مبارك بيتحاكم هو وعيالة وعيلتة . .


    وصدقني مفيش حل مع مبارك
    الا بتلفيق الدلائل لتلبيسة التهم الي مفيش دليل مادي عليها زي ما عمل السادات في ثورة التصحيح
    واما حكمهم بلشريعة الاسلامية والي فيها طريقة الاثبات مختلفة ومفهاش ثغراات زي القانون الوضعي
    المشكلة في القانون

    5- اتخاذ الاجراءات اللازمة الفورية لاسترجاع ثروات مصر المنهوبه و مصادرتها داخل و خارج البلاد سواء المعلوم عنها او الغير معلوم.


    الشرط الاسلاسي محاكمة مدنية للمتهمين وصدور الحكم عليهم فيها للمطالبة بلاموال ودة شرط للقانون الدولي ملناش دخل فية


    6- إعادة هيكلة وزارة الداخلية فورا و حل جهازى الامن القومى ( جهاز امن الدولة سابقا ) و تحويل اختصاصاته للمخابرات العامة و الامن المركزى و التحفظ على رجالهما و سرعة اصدار القوانين التي تساعد على حفظ الأمن و تحفظ كرامة المواطن و حرياته الأساسية مع السيطرة على الحالة الامنية المتدهوره بمنتهى الحزم.


    انا معاك في نص المطلب . . . او 3-4

    اما فرض الحالة الامنية . . . فدة صعب اذا كان لما رحت انجلترا . . اتثبت في وضح النهار في حي اليهودd: وبسمع عن امريكا كل خير . . الحمد للة علي نعمة الاسلام
    المهم ان دة مش بعصاية سحرية خصوصا ان في مخابارت بتلعب وشغل علي كبير
    اخرة ان في بلطجية دخلوا كسروا اجهزة المفاعل النووي المصريd: دلوقتي الجواسيس بيتسموا بلطجية وسلفين d:

    7- إطلاق حرية إنشاء الأحزاب و الجمعيات و النقابات و إصدار الصحف و المجلات و وسائل التعبير و القنوات التلفزيونية و الإذاعية بدون قيود مع المحاسبة الفورية على الخروج عن الأخلاق و إثارة الفتنة الطائفية و التطهير الفورى للاعلام و اعادة هيكلة المؤسسات الاعلامية المصرية.


    !! ما كل دة مسموح بس بشروط دنيا لضمان الجدية مش العشوائية . . زي اي دولة في العالم

    ومتفق معاك في نص المطلب الاخير الاعلان عن كل العملاء للنظام او للخارج من الاعلام الحقير

    8- إقالة النائب العام و تعيين نائب عام مشهود له بالنزاهة و المعارضه للنظام السابق و تشكيل لجان ثوريه نيابية من القانونيين الشرفاء فى كل المحافظات لملاحقة المفسدين و اجراء التحقيقات و فتح الباب للتقدم بكل ما يثبت حالات فساد من ادلة و شهادات.


    معاك في اقالة النائب العام . . اما لجان ثورية فا ضدها بتاتا اسئل عن تاريخ هذا في مصر . . .
    ومعاك في نص التاني بتاع تعين قانونين شرفاء ومستشارين شرفاء مشهورين


    10- إحالة كل قيادات الحزب الوطنى الديموقراطى الى المحاسبة بتهمة إفساد الحياة السياسية و نهب مقدراته و تخريب الأقتصاد على ان يحظرعلى اعضاءه ممارسة الحياة السياسية فى مصر لمدة 5 سنوات على الاقل و يسمح للعضو بعد إنقضاء مدة الحظر بالمشاركة فقط فى حالة تقدمه باقرارات الذمة المالية و التدقيق فى اصول ممتلكاته و استرجاع حقوق الشعب منها.


    اعضاء الحزب الواطي 3 مليون ونص و 90 % من اعضاء المنتدي لو في عز حكم مبارك جالهم فرصة يبقوا قيادات حزب واطي كانوا بقوا . . كلنا كنا وحشين بلاش نظلم حد ونعمل مدابح لأن لو علي كدة اغلب الشعب المصري كان فاسد لكن كان في الي قدامة يسرق عشرة جنية والي الف والية مليون والي مليار

    11- حل المجالس المحلية و إحالة اختصاصتهم للجهات المعنية و تعيين المحافظين الجدد بالانتخاب.


    معاك في المطلب

    12- وقف تصدير الغاز لاسرائيل بشكل رسمى و نهائى مع مطالبة إسرائيل برد فروق الاسعار رسميا و محاكمة المتورطين فى هذة الصفقة المشينة محاكمة فورية.


    الطلب غير منطقي وغير قانوني ومش في قدرتنا . . اما محاكمة المتطورطين فا دة بيحصل بلفعل . . !!! ما كل المتطورين ومن احد الاتهامات لمبارك فضيحة تصدير الغاز ومش لأسرائيل بس بلمناسبة للاردن واسبانيا ايضا


    13- تشكيل لجنة من الخبراء لتحديد الحد الاقصى و الحد الادنى من الاجور و توزيع الاجور نسبه للمعايير العالمية و يبدأ العمل بها من فوره.


    طلب غير منطقي لابعد الحدود مكانت امريكا المرتبات فيها مثلا تساوي الامارات او سويسرا !! ولا مرتبات اسبانيا زي المانيا !!! والحكومة اعلنت قبل ما نقول المطلب دة اساسا انها في طريقها لتحديد حد اقصي وادني للاجور غير انها رفعت الاجور فعليا


    - تنظيم انتخابات داخلية فى القوات المسلحة تبدأ من انتخابات بين الضباط و الصف و الجنود لاختيار قادة الوحدات الفرعية و الوحدات و انتهاء بانتخاب قيادات الجيوش و القوات و الافرع الرئيسية و الادارات و رئيس الاركان.


    مسمعتش ان في جيش في العالم بيحصل فية كدة !!!!!!!!!!!!!!!!!!!!! يا جماعة ارجوكم العقلانية !!!!!!


    16- انتخاب فورى لشيخ الازهر بواسطة جميع خريجي الكليات الاسلامية التابعة لجامعة الازهر بعد وضع شروط الترشيح الفقهية و المؤهلات و النزاهة و الشخصية القيادية بواسطة هيئة كبار العلماء و إعطاء الحق للترشح لكل من توافرات فيه هذة الشروط ليكون الازهر مؤسسة دينية مستقلة قائمة بذاتها.


    معاك قلبا وقالبا


    17- تقوم لجنة من الكنيسة المصرية بواسطة رئاسة الكنيسة من القيادات الكنسية بترشيح لجنة من كل التخصصات – يتم الموافقة عليها فى إستفتاء لمسيحيي مصر تحت إشراف قضاة مسيحيين – تكون هذة اللجنة ممثليين لمسيحييى مصر فى المرحلة الإنتقالية و تختار هذة اللحنة مندوبا لها يحضر جميع إجتماعات مجلس الرئاسة و له الحق فى إبداء الرأى و المشورة و تسجيل الاعتراض رسميا فى محاضر المجلس.


    في مجلس الشعب يعملوا كدة . . .


    هي مش مصر هتكون ياما شبة رئاسية او برلمانية يبقي في المجلس . . . خصوصا ان دة هيعمل مدبحة بين النصاري بسبب الحرب علي السلطة خصوصا ان البابا شنودة في اخر حياتة وكل المهتمين يعرفوا ان في حرب فعلية لخلافة شنودة


    18- تطهير وزارة الخارجية و المؤسسة الدبلوماسية المصرية بشكل كامل.


    هو في احلي من وزير خارجية العربي الي عمل علي كدة واكيد هو الي هيقود الوزارة لتغير مسارها لأن في النهاية هنقول كلنا كنا بنسكت وبنعمل اشياء سيئة و و و


    19- يتم تشكيل لجنة منتخبه مكون من 3 اعضاء من القضاة و عضوين من اساتذة القانون بالجامعات و عضو من اساتذة الدستور و عضوين من نقابة المحاميين وعضو من اساتذة العلوم السياسية و تقوم اللجنة بوضع قانون الانتخاب و الذى تجرى على اساسه كل الانتخابات السابق ذكرها و يتم الاستفتاء علي مواده من قبل الشعب.


    الطلب جميل رغم اني عرفت انهم بيعملوا كدة فعلا . . واخر الطلب غير منطقي . . كل قانون بقة هنقعد نخلي الشعب يستفتي دة في الاف القوانين

    20- إنتخاب اللجنة التأسيسية للدستور بحيث تضم قضاة وعالم أزهر و رجل من رجال الكنيسة و عضو من اساتذة كل من المجالات الاتية: الاقتصاد و الاعلام و الادارة و العلوم الاجتماعية و المحاميين والهندسة و الطب و الدبلوماسيين و من قيادات الجيش و الشرطة و عضوين من الشباب الجامعى شاب و فتاه و يتم انتخابهم كلا فى مجاله و يجب ان يشتمل اللجنة على هذة المجالات نظرا لشمولية الدستور و لضمان اشتراك كافة اطياف المجتمع فى وضع الدستور وبعد وضع اللجنة التأسيسية لمواد الدستور يتم اجراء استفتاء للشعب علي مسودة الدستور كل مادة على حدة و ينظم الاستفتاء القانون الانتخابى الجديد و يتم تقديم الطعون و الفصل فيها



    دة قمة الا منطقية والا عقلانية . .

    مليون انتخاب ومليون استفتاء غير ان نص الكلام غير منطقي
    غير ان في طريق جميل وحلو واسهل وديموقراطي اقرتة التعديلات انتخاب مجلس شعب ينتخب هوا 100 شخصية من كل الي حضرتك قلت عليهم لوضع الدستور . . . ومفيش حاجة في التاريخ وغير منطقي اسمة استفتاء كل مادة علي حدا


    شكرا . . شفت انا متفق معاك تقريبا 10-15 % فقط وباقي المطالب اما نفذت بلفعل او في طريقها قبل ما نطلبها او غير منطقية


    ولا رأي حضرتك اية



  10. #10

    الصورة الرمزية ecybrarian

    رقم العضوية : 241

    تاريخ التسجيل : 26Apr2007

    المشاركات : 4,325

    النوع : ذكر

    الاقامة : المقطم

    السيارة: SPARK LITE

    السيارة[2]: Tiggo FL

    دراجة بخارية: NA

    الحالة : ecybrarian غير متواجد حالياً

    افتراضي -

    hasad">

    انا نازل بس سأطالب بإسقاط القسم الاجتماعي في منتدى نايل موتورز

    لا حول ولا قوة إلا بالله..متى سيموت الإهمال في مصر



 
صفحة 1 من 8 1 2 3 4 5 6 ... الأخيرةالأخيرة

المواضيع المتشابهه

  1. الدنيا كده مش تمام عايزين ننزل التحرير من الجمعه الجايه
    بواسطة dr.amr في المنتدى المنتــــــدى الاجتمــاعى
    مشاركات: 4
    آخر مشاركة: 03-03-2011, 04:19 AM
  2. اقتراح نايل موتورز ننزل السوق الجمعة
    بواسطة lada2010 في المنتدى قســم خاص لبيع السيارات فقـــط
    مشاركات: 1
    آخر مشاركة: 29-08-2009, 10:59 PM
  3. كيف ننزل البركة في منازلنا؟؟؟؟
    بواسطة compuland في المنتدى المنتــــــدى الاجتمــاعى
    مشاركات: 10
    آخر مشاركة: 15-06-2009, 09:57 PM
  4. مقابلة شهر مايو
    بواسطة pop3 في المنتدى دايــو+شيفرولية لانوس
    مشاركات: 90
    آخر مشاركة: 20-05-2009, 11:48 AM
  5. جوازات مايو !!؟؟
    بواسطة solycar في المنتدى المنتــــــدى الاجتمــاعى
    مشاركات: 5
    آخر مشاركة: 10-10-2008, 03:45 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2