| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 19

  1. #1

    الصورة الرمزية abo3bdolrahman

    رقم العضوية : 66

    تاريخ التسجيل : 20Apr2007

    المشاركات : 979

    النوع : ذكر

    الاقامة : بورسعيد القاهرة رايح جاى

    السيارة: قشقاى ان شاء الله

    السيارة[2]: Proton Waja 2006 F/O A/T

    دراجة بخارية: لا يوجد

    الحالة : abo3bdolrahman غير متواجد حالياً

    افتراضي قواعد جديدة للسيارات في مصر فقط - Facebook Twitter whatsapp انشر الموضوع فى :

    hasad">

    قواعد جديدة للسيارات في مصر فقط



    القاعدة الأولى :

    لو عربيتك كبيرة أو قديمة، أستخدم المبدأ القانوني: اللي خايف على عربيته يوسع !!
    ملحوظة: ابعد عن سكة العربيات المخرشمة ، بيسوقوا بنظرية ضربوا الأعور على عينه !!

    القاعده الثانيه :

    البوز بيز Booze Base: اللي يدخل ببوز عربيته الأول للتقاطع هو صاحب أولوية المرور!

    احرص على أن تكون صاحب أول بوز .

    ملحوظة: لا تطبق الـ Booze Base مع أي لوري أو أتوبيس، حرصاً على بوزك لا مؤاخذة.

    : القاعدة الثالثة

    الإشارات تكشف نواياك للأعداء، أياك أن تستخدمها!


    القاعدة الرابعة :

    لا تترك مسافة للأمان بينك و بين السياة التي أمامك فهذا له عدة مخاطر :

    1. عربية ثانية حتملا الفراغ في ثواني و برضوه ما يبقاش فيه مسافة بينك و بين الي قدامك، كل الي كسبته انك اتأخرت لورا شوية .

    2. حتدي فرصة للعيال يعملوا غرز قدامك .

    3. كل المشاة حيغمضوا عينيهم و يعدوا من الحته دي ...

    4. الي وراك حيقعد يزمر - لو كان مؤدب - أو تسمع شوية أسامي حيوانات لو كان سواق تاكس - مؤدب - ، أو حيخبطك من ورا لو كان سواق ميكروباص - و دول مفيش حد منهم مؤدب -.

    الإشارات مش معمولة علشان تنظم المرور ، معمولة علشان شكل القاهرة يبقى متحضر بس !

    اعتمد على العساكر ( مع تحملك كامل المسؤلية لو واحد منهم شاورلك تعدي و بلدياته الناحية الثانية فتح السكة للوري ) أو يفضل أن تستعمل البوز بيز ( راجع القاعدة الثانية ).
    القاعدة الخامسة :

    اذا كنت مش واقف في الصف الأول في الاشارة اعمل حسابك تزمر بشكل متواصل و هستيري أول ما الأشارة تفتح، لأن الناس الي قدام بيبقوا واقفين في الاشارة من زمان و جايز جداً يكونوا ناموا !!

    القاعدة السادسة :

    معظم الحوادث تحدث في التقاطعات أول الأشارة ما تحمر، كل ما عديت الإشارة الحمراء أسرع كل ما قلت فرصة انك تتخبط !





    القاعدة السابعة :

    الشارع مكان مقرف، سوق بأسرع ما يمكن حتى تتخلص من هذا الهم بسرعة،

    الناس الي ماشيين بالراحة مرضى نفسيين بيستمتعوا بالعذاب ، يستاهلوا الي يجرى لهم .



    القاعدة الثامنة :

    من حقوقك الدستورية أن تركن أمام باب المحل الذي تريد أن تشتري منه،

    اذا سبقك واحد ابن ستين في سبعين و ركن قدام الباب، فمن حقك أن تقفل عليه و تركن صف ثاني أو ثالث، و مش مهم لو الشارع اتقفل، ايه يعني أما الناس تتعطل عشر دقائق علشان تستمتع بحقوقك الدستورية؟ هيا يعني الدنيا طارت ولا كان وراهم الديوان؟



    القاعدة التاسعة :

    من حقك أيضاً أن تخرج من مكان انتظارك في أي لحظة تشاء، اكسر الدركسيون شمال و اطلع، أي حد ماشي في الشارع لازم يقف لك فوراً، راجع البند السابق .




    القاعدة العاشرة :

    إحترس من ثلاث أنواع من السائقيين بيسوقوا و كأنهم مش ممكن يموتوا :

    1. العيال الروشين الي بيلعبوا Computer Games و فاكريين إن ممكن يكسبوا Life زيادة لو ساقوا أسرع .

    2. موتوسيكلات توصيل الطلبات ( Home Delivery ).

    3. سواقين الميكروباص.

    ملحوظة: إوعى تحاول تثبت لحد منهم إن فكرته غلط. فاهمني !!!.





    القاعدة الحادية عشر :

    لما تشوف حادثة لازم تهدي و تتفرج - مش مهم تساعد - الحجات دي دمها أخف من الأخبار المملة بتاعة التلفيزيون، و بعدين لما الطريق وراك يقف تحمي المجتمع من حادثة تانية .




    القاعدة الثانية عشر :

    الكناسين لازم يحللوا اللقمة الي بياكلوها، حاول تنفعهم و ترمي أي حاجة من الشباك .





    القاعدة الثالثة عشر :
    لما تخلص سيجارة أوعى تحطها في الطفاية، ارميها من الشباك أول ما تشوف واحد بموتوسيكل معدي جنبك ( علشان يحرم يعمل غرز





    القاعدة الرابعة عشر :

    من حقك أن تعبر الشارع في أي وقت و من أي مكان .





    القاعدة الخامسة عشر :

    اذا كان هناك سيارة قادمة اعمل نفسك مش واخد بالك و عدي براحتك خالص،ما تخافش، هوا حيقف، هو اهبل يدوسك و يودي نفسه في داهية؟




    القاعدة السادسة عشر :

    اياك أن تنظر نحو السيارات القادمة، أعبر الطريق و ظهرك لها حتى لا يشك أحد قائدي السيارات أنك تراه و يحاول يخوفك علشان تقف انت .


    القاعدة السابعة عشر :

    حتى لو شفته أوعى تخاف - خصوصاً لو معاك مراتك - تبقى راجل ملو هدومك و تخاف من حته عربية؟

    عرض قفاك و سيبه يتفلق .
    القاعدة الثامنة عشر :

    الرصيف ليس للمشاه، بل لركن السيارات و فرشات الباعة الجائليين و المحلات... الخ،

    لذلك يحق للمشاة السير في وسط الشارع، لمزيد من الأمان، راجع القاعدة السابقة .



    القاعدة التاسعة عشر :

    إذا كان الماشي من فئة النقل الثقيل، فمن أبسط حقوقة إنه يمشي على أقل من مهله و يهتز براحته. واللي مش عاجبة الهز يدور على لوري يخبطة


    منقوووووووووووووووووووووو ووووووووووووووووووووووووو وووووووووووووووووووول :roll:
    أبو بودى
    :lol: 8) :lol:

    م / هانى أبو عبدالرحمن


  2. #2

    الصورة الرمزية Dr Ahmed

    رقم العضوية : 79

    تاريخ التسجيل : 22Apr2007

    المشاركات : 9,737

    النوع : ذكر

    الاقامة : بنــهــا

    السيارة: Perodua Kancil 1998

    السيارة[2]: NIssan Qashqai 2014

    الحالة : Dr Ahmed غير متواجد حالياً

    افتراضي -

    فعلا شر البلية ما يضحك !!!!!!!!!!!!!!!
    ههههههههههههههههههههههههه هههههههههه
    ههههههههههههههههههههههههه هه
    ههههههههههههههههه
    ههههههههه
    :D :D :D :D :D :D :D

    [aldl]http://www.jewelsf.com/up/uploads/542f6eee3a.gif[/aldl]
    وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين
    Dr Ahmed Abdelghany
    ENT,H&N consultant - Benha University
    my website: www.drahmedclinic.com


  3. #3

    الصورة الرمزية اسامة عبد العزيز جابر

    رقم العضوية : 36

    تاريخ التسجيل : 17Apr2007

    المشاركات : 113

    الاقامة : جدة (حاليا)

    الحالة : اسامة عبد العزيز جابر غير متواجد حالياً

    افتراضي -

    :lol: :lol: :lol: :lol:
    انا لغيت فكرة شراء العربية وامشلى على رجليا احسن
    اخوك
    اسامة عبد العزيز :roll:


  4. #4

    الصورة الرمزية PRO-DRIVE

    رقم العضوية : 63

    تاريخ التسجيل : 20Apr2007

    المشاركات : 4,438

    النوع : ذكر

    الاقامة : Dystopia , blashyrkh

    السيارة: N/A

    السيارة[2]: Subaru Impreza 2006

    الحالة : PRO-DRIVE غير متواجد حالياً

    افتراضي -

    ههههههههههههههههههههههههه ههههههههههههههههههههههههه ههههههههههههههههههه

    حلوووة شكرا على النقل :mrgreen:

    <!--EndFragment-->


  5. #5

    الصورة الرمزية Abdallah

    رقم العضوية : 40

    تاريخ التسجيل : 17Apr2007

    المشاركات : 2,325

    النوع : ذكر

    الاقامة : Qatar

    السيارة: Pajero 011

    السيارة[2]: Octavia 09

    دراجة بخارية: No

    الحالة : Abdallah غير متواجد حالياً

    افتراضي -

    ههههههههههههههههههههههههه ههه
    والله بدون اى مبالغة انا ضحكت ملو شدقى من هذا الكلام وخصوصا نظرية البوز بيز وموضوع السيجارة دى
    انا شاكك يا ابو عبد الرحمن انك كاتب منقول دى تمويه للسلطات :D

    "اللهم يا رب المسلمين والنصارى اجعلنا نحن المسلمين لك وللوطن أنصاراً، واجعلنا نحن نصارى لك، وللوطن مسلمين"


  6. #6

    الصورة الرمزية Nader

    رقم العضوية : 57

    تاريخ التسجيل : 18Apr2007

    المشاركات : 19,002

    النوع : ذكر

    الاقامة : مدينة نصر

    السيارة: هيونداي فيرنا

    السيارة[2]: هيونداي فيرنا

    دراجة بخارية: -

    الحالة : Nader غير متواجد حالياً

    افتراضي -

    همشي على القواعد دية على مسئوليتك ولو حد كلمني هقولهم على مصدر قانون المرور الجديد -- ابو عبد الرحمن -- :twisted:

    لأي استفسار أو شكوى بخصوص الإدارة والإشراف والدعم الفني، يرجى المراسلة على:



  7. #7

    الصورة الرمزية baher

    رقم العضوية : 185

    تاريخ التسجيل : 25Apr2007

    المشاركات : 448

    الحالة : baher غير متواجد حالياً

    افتراضي -

    دي باين كانت مكتوبه في مقاله ل صلاح منتصر في ملحق السيارات


  8. #8

    الصورة الرمزية Sharky

    رقم العضوية : 143

    تاريخ التسجيل : 24Apr2007

    المشاركات : 17,378

    النوع : ذكر

    الاقامة : Nasr City

    السيارة: Toyota Yaris 2007

    السيارة[2]: Nissan Juke 2013

    الحالة : Sharky غير متواجد حالياً

    افتراضي -

    للأسف هو دا فعلا اللى بيحصل فى شوارع مصر :(


  9. #9

    الصورة الرمزية Dr Ahmed

    رقم العضوية : 79

    تاريخ التسجيل : 22Apr2007

    المشاركات : 9,737

    النوع : ذكر

    الاقامة : بنــهــا

    السيارة: Perodua Kancil 1998

    السيارة[2]: NIssan Qashqai 2014

    الحالة : Dr Ahmed غير متواجد حالياً

    افتراضي -


    أنا كنت كتبت موضوع شبه دا فى متدى كونتاكت حبيت برضه تشوفوه ، وهو مش منقول من أى حتة ، وفيه تشابه طبعا مع الرسالة ....


    القوانين الفعلية مختلفة تماما عن القوانين الرسمية...
    يعنى مثلا عندنا القوانين التالية سارية ومفعلة ولا يمكن تخطيها:

    - السير على اليمين للعربيات المسرعة واليسار للبطيئة
    - التخطى من اليسار عيب وجرسة أما من اليمين فلا حرج
    - عربات النقل الثقيل تأخذ عندنا الجانب الأيسر وتسير الهوينى بسرعة 40 كم واللى مش عاجبه يعدى من تحتها
    - مرور المشاه فى كل مكان سواء بالمدن أو بين المحافظات، طبعا دا غير الكارو والجرارات والبهائم اللى تلاقيها فى عرض الطريق فى أى لحظة
    - اشارات المرور لتجميل الشارع زى أى شجرة، وغالبا اللون الأحمر معناه اجرى بسرعة
    - عسكرى المرور يقوم بعمل خيال المآته: طول الوقت باصص فى الدفتر الوهمى بتاعه يكتب أرقام، وهو طبعا لا يمكن يكون عنده القدره انه يحفظ 6 أرقام بمجرد النظر فبيجتهد يفتكر منهم رقمين وللا تلاتة ويكمل بمزاجه
    - الركن صف تانى وتالت والوقوف الفجائى لعربات الأجرة قدر ولا يجوز الاعتراض على القدر
    - الهباب المتصاعد من شكمانات 90% من السيارات يحتوى على غازات تقتل الحشرات الضارة لصالح البيئة
    - الكلاكس آلة موسيقية وليس للتنبيه
    - نظرية "البوز بيز" ننفرد بها (طبعا عارفينها)
    - سيارات الشعب فى خدمة الشرطة زى الشعب ما هو فى خدمة الشرطة (زمان كانت الشرطة فى خدمة الشعب)
    - كفااااااااية حراااااااااااااااااام

    [aldl]http://www.jewelsf.com/up/uploads/542f6eee3a.gif[/aldl]
    وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين
    Dr Ahmed Abdelghany
    ENT,H&N consultant - Benha University
    my website: www.drahmedclinic.com


  10. #10

    الصورة الرمزية mohamed yousry

    رقم العضوية : 154

    تاريخ التسجيل : 24Apr2007

    المشاركات : 283

    الاقامة : New Maadi

    الحالة : mohamed yousry غير متواجد حالياً

    افتراضي -

    hasad">

    انا موت على نفسى من الضحك رغم ان الحاجات دى بتحصل معايا كل يوم بس اتفسرت فى هذا المقال!!!



 
صفحة 1 من 2 1 2 الأخيرةالأخيرة

المواضيع المتشابهه

  1. قواعد شراء سيارة جديدة
    بواسطة السيد أحمد في المنتدى بيـــع و شــــراء
    مشاركات: 5
    آخر مشاركة: 26-05-2007, 02:00 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2