حاولت رفع الكرسى لاعلى ولم اوفق ....... ارجو المساعدة

**waleedfadeel** · 22-05-2011 01:29 AM

حاولت رفع الكرسى لاعلى ولم اوفق ....... بالرغم من رفع الذراع الاسود الموجود اسفل الكرسى الى اعلى ولكن الكرسى لا يتحرك نهائيا لا الى اسفل او الى اعلى ..... هل هذه هى الطريقة مضبوطه.

**frhateg** · 22-05-2011 01:44 AM

و انت بترفع الكرسي متكنشي جالس عليه . يعني تكون بره العربيه . اما و انت بتنزله لازم تكون جالس عليه .

**wassim_nasser** · 22-05-2011 01:58 AM

ممكن يكون هوة اصلا مرفوع .. عشان تتأكد اعمل تجربه بسيطه .. اقعد ع الكرسى و شد الدراع هاتلاقيه نزل (لو مانزلش يبقى هو اصلا نازل من الاول) قوم من ع الكرسى وشد الدراع وانت برة العربية هاتلاقيه نط لفوق .. لاحظ كمان وضع عجلة القيادة .. يعنى لو الدركسيون عالي جدا هاتحس ان الكرسى واطي ولو الدركسيون واطي هايخبط ف ركبك و يخنقك .. جرب وربنا معاك بس ماتنساش تطمنا

**mazenzyad** · 23-05-2011 10:21 PM

المشاركة الأصلية كتبت بواسطة waleedfadeel

شكرا جزيلا للأخوة frhateg و wassim_nasser على الاهتمام والرد وجزاكم الله خيرا
انا كده اتأكدت ان فيه مشكلة لانى عملت كل ما يعمل من جلوس وتنطيط لدرجة انى حسيت ان الكرسى ممكن يتكسر

اطلع على انس فى المدينة و هيقوم معاك بالواجب

**harizy** · 23-05-2011 11:38 PM

باشا هى العربية فول أوبشن ولا هاف أوبش، لو كانت الأخيرة يبقى الكرسى لا بيعلى ولا بيوطى، إنما لو كانت فول فأعتقد أن الكرسى بيعلى ويوطى من بكرة فى الجانب، إنما الدراع اللى حضرته شديته ممكن عشان طلوع الكرسى للأمام وللخلف

**wassim_nasser** · 24-05-2011 01:52 AM

المشاركة الأصلية كتبت بواسطة harizy

باشا هى العربية فول أوبشن ولا هاف أوبش، لو كانت الأخيرة يبقى الكرسى لا بيعلى ولا بيوطى، إنما لو كانت فول فأعتقد أن الكرسى بيعلى ويوطى من بكرة فى الجانب، إنما الدراع اللى حضرته شديته ممكن عشان طلوع الكرسى للأمام وللخلف

يا باشا الراجل كاتب في بياناته ان العربية فول أوبشن

**ayman1204** · 24-05-2011 04:23 AM

ألكرسي فى دارعين
واحد على اليمين تحت ايدك اليمين دا بيودى الكرسي لقدام ولوراء
والتانى على الشمال تحت ايدك الشمال دا بيطلعوا فوق وبينزلوا تحت
بيطلع وينزل بالمقعدة بتاعتك وانت ماسك فى الطارة بتاعت الدركسيون

**waleedfadeel** · 24-05-2011 08:19 PM

انا شاكر جدا لكل الناس المحترمين اللى شرفونى بالرد والاهتمام frhateg و wassim_nasser و mazenzyad و harizy و ayman1204
والحمد لله المشكله اتحلت، و فعلا الكرسى كان مرفوع والظاهر ان وزنى كان خفيف ولما ضغت عليه لاسفل بوزنى كله ولكن بزاويه للخلف قليلا نزل وكررت الموضوع اكثر من مرة وكله تمام وتحيا لوجان وملاك لوجان المحترمين.

-

الموضوع: حاولت رفع الكرسى لاعلى ولم اوفق ....... ارجو المساعدة

LinkBack

أدوات الموضوع

عرض

حاولت رفع الكرسى لاعلى ولم اوفق ....... ارجو المساعدة - انشر الموضوع فى :

-

-

-

-

المواضيع المتشابهه

ايه الى تحت الكرسى ده ؟؟؟ وازاى افك الكرسى

ارجو ارجو ارجو المساعدة فى هذا الاختيار وذالك على سبيل الحصر بين هذين السيارتين

ارجو المساعدة عندى كل ده مفيش bass خالص ارجو الحل

ارجو المساعدة عندى كل ده مفيش bass خالص ارجو الحل

مشروع الكرسى الريكاردو ارجو الدخول

الكلمات الدلالية لهذا الموضوع

المفضلات

المفضلات

ضوابط المشاركة