حاسس ان اتضحك عليا

**Car's Sniper** · 22-05-2011 02:12 AM

السلام عليكم
لسة من كام يوم مغير جلب مقصات النوبيرا بجلب فيرنا وفى نفس الوقت قاعدة من قواعد الفتيس باظت(اللى تحت قربة المية)
وحاليا العربية بقت بتعوم وهى ماشية بطريقة فظيعة من سرعة 90 تقريبا من غير اى هزة فى الدركيسون
فمش عارف هل ده ممكن يكون من القاعدة البايظة بتاعت الفتيس ولا الجلب تكون ما اتركبتش كويس
ولا اروح اعمل ضبط زوايا زى ما العفشجى قاللى مع ان العربية مش بتميل ناحية زاوية لكن بتعوم يمين وشمال
وساعات لما تبدأ تعوم وانا مديها الغيار الرابع وبعدين اديها الخامس بلاقى العوم هدى شوية
وغير كدة بدأت اسمع اصوات غريبة من الكاوتش الامامى يمين ده بعد ما حطيت الاستبن مكانه عشان اتأكد ان العيب مش من الكاوتش وبعدين رجعت الكاوتش تانى زى ماكان وبدأ صوت عجيب يطلع
اول مرة احس انى بوظت العربية وداخل على متاهات كتيييير ومش عارف ابدأ بايه...زوايا ولا تغيير قاعدة الماتور ولا الجلب هى اللى بايظة والعفشجى بيشتغلنى
افيدونى افادكم الله

**mahmoudysf** · 22-05-2011 02:55 AM

مفيش متاهة ولا حاجة
لو العربية ما كنتش بتعوم قبل تغيير الجلب يبقى الجلب الجديدة هي السبب
وقبل ما ترجع للعفشجي ظبط زوايا وشوف الوضع ايه

**ramyraby** · 22-05-2011 12:32 PM

ضبط زوايا

**haimaN** · 22-05-2011 01:14 PM

الجلب الفيرنا خفيفة اوى على النوبيرا انا مركب جلب صب بتاعت فورد ممتازة جدا بس مش عارف انهى موديل لانها كانت عند المركز اللى بعمل فيه صيانة اتكلفت كلها 190 جنية وبصراحة مسكت العربية اوى وحسيت بفرق كبير جدا بعدها مع انى كنت مركب مقسات اسبانى

**Hany A Fattah** · 22-05-2011 01:17 PM

المشاركة الأصلية كتبت بواسطة haiman

الجلب الفيرنا خفيفة اوى على النوبيرا انا مركب جلب صب بتاعت فورد ممتازة جدا بس مش عارف انهى موديل لانها كانت عند المركز اللى بعمل فيه صيانة اتكلفت كلها 190 جنية وبصراحة مسكت العربية اوى وحسيت بفرق كبير جدا بعدها مع انى كنت مركب مقسات اسبانى

يعنى ايه جلب صب ؟
ممكن توضيح

**Car's Sniper** · 22-05-2011 09:20 PM

شكرا لمروركم الكريم ياجماعة
للاسف رحت اظبط زوايا قالى زوايا عربيتك مظبوطة ومافيهاش حاجة رجعت عالعفشجى راح مجرب العربية (اللى بقت بتعوم بداية من سرعة 70) وبعدين بدلنا الكاوتشات اللى ورا قدام وبردو التعويمة زى ماهى + كأنى باخد نقر مرة شمال ومرة يمين ..العفشجى مصمم انه مركب الجلب صح وبيقولى روح لبتاع الزوايا وخليه يجربها معاك ويشوفلك العيب منين...ولغاية دلوقتى محدش عارف العيب منين..انا حاسس انى بقيت راكب توك توك لما عربية تعوم على سرعة 70 ...دى حتى التوك توك ممكن يكون ثابت اكتر منها...الجلب القديمة لما كانت بايظة كانت العربية بتبدأ تعوم من سرعة 140...شكلى هاستعوض ربنا فى المقصات كلها واشترى مقصات جديدة...بس للاسف مش هيبقى قبل 3 شهور

**ahmedsrs** · 22-05-2011 09:27 PM

بدال العربية بتعوم بعد تركيب المقص يبقى المقص هو السبب قدامك حل من اتنين
1- تروح للعفشجى وتتخانق معاه لانه تييت
2- ياما تكبر دماغك وتركب مقصات اسبانى جديدة بدل متعدل مقصات

**samiazab** · 23-05-2011 11:19 AM

المشاركة الأصلية كتبت بواسطة haiman

الجلب الفيرنا خفيفة اوى على النوبيرا انا مركب جلب صب بتاعت فورد ممتازة جدا بس مش عارف انهى موديل لانها كانت عند المركز اللى بعمل فيه صيانة اتكلفت كلها 190 جنية وبصراحة مسكت العربية اوى وحسيت بفرق كبير جدا بعدها مع انى كنت مركب مقسات اسبانى

ياريت يا باشا تقولنا عملتها فين وجبت قطع غيار ايه واتكلفت كام

**MMamdouh** · 23-05-2011 01:34 PM

المشاركة الأصلية كتبت بواسطة ahmedsrs

بدال العربية بتعوم بعد تركيب المقص يبقى المقص هو السبب قدامك حل من اتنين
1- تروح للعفشجى وتتخانق معاه لانه تييت
2- ياما تكبر دماغك وتركب مقصات اسبانى جديدة بدل متعدل مقصات

انا شايف انة يعمل الاتنين

MMamdouh

الموضوع: حاسس ان اتضحك عليا

LinkBack

أدوات الموضوع

عرض

حاسس ان اتضحك عليا - انشر الموضوع فى :

-

-

-

-

-

-

المواضيع المتشابهه

أنا حاسس ان اتضحك عليا

هو ده عيب فيميه ولا عيب تركيب ولا اتضحك عليا؟

هو انا كده اتضحك عليا ولا لا؟

هو كدا اتضحك عليا و لا لأ

انا اتضحك عليا النهاردة يا جدعان

الكلمات الدلالية لهذا الموضوع

المفضلات

المفضلات

ضوابط المشاركة