( انت مفيكش عيب بس مش حساك ) :)

**dr.amr** · 22-05-2011 12:44 PM

مش عارف ايه النظام الجديد ده

اولا القصه انا كنت خاطب 5 شهور

بنت عمتي في الاول قعدت معاها كام مره قالتلي مش حساك

بعد ماسيبتها بعد ال 5 شهور كانت هتموت نفسها

قعدت مع واحده تانيه تقولي انت مفيكش عيب مش عارفه ارفضك

بس مش حساك وشويه تقولي عايزه علامه من ربنا انك نصيبي

دلوقتي واحده دكتوره زميلتي بصراحه متتعايبش

تقولي انت طيب جدا وتلقائي جدا

بس انا مش حساك حاسه اني بتكلم مع واحد صاحبي

نفسي اعرف جالها الاحساس ده امتي

وانا كل اللي قعدته معاها ربع ساعه بس

تقولي انا مش عايزه اخسرك لو ماتجوزناش

قولتلها تييييييييييييييييييت

البنات بتخاف م الجواز ليه كده

ولا هو اللي بيدخل علطول زي ماربنا عايز مبقاش ينفع

متفهمونا يا اخوانا

يعني ايه مش حساك

انا اتخيلت نفسي ادوارد لما كان في الفيلم مع مصطفي قمر وكان اسمه حكيم

بنات تيييييييييييييييييييت

المشكله انهم بيبقوا مفرملين مشاعرهم ورافضين للي يدخل علطول

لازم الواحد يجيبهم علي بوزهم الاول وبعد كده يخليهم يجروا وراه

**Donzi** · 22-05-2011 12:47 PM

ايا كان سبب الرفض فا خليك متاكد ان ربنا ان شاء الله شايلك الاحسن و ان نصيبك لسة مجاش

و ربنا يقدملك اللي فيه الخير ان شاء الله و تلاقي اللي تحس بيها و تحس بيك

**dr.amr** · 22-05-2011 12:58 PM

المشاركة الأصلية كتبت بواسطة donzi

ايا كان سبب الرفض فا خليك متاكد ان ربنا ان شاء الله شايلك الاحسن و ان نصيبك لسة مجاش

و ربنا يقدملك اللي فيه الخير ان شاء الله و تلاقي اللي تحس بيها و تحس بيك

المشكله اني عايز اترفض

انا مابترفضش

نفسي واحده تقولي انا مش عايزاك

لكن المشكله ان اللي بيتقالي واحد

خايفه ميجيليش حد احسن منك

نفسي اترفض صريح

**dr.amr** · 22-05-2011 01:00 PM

المشاركة الأصلية كتبت بواسطة elbeheri

ولا يهمك وما تفقدش ثقتك فى نفسك ان شاء الله ربنا شايلك الخير وماحدش بيتجوز الا مراته ( اللى ربنا كتبها له)

والله الموضوع مش ثقه

الموضوع في البنات ومش مشكلتي لوحدي

كذا واحد قالي قبل كده

عايز اعرف يعني ايه واحده تقول لواحد مش حساك وهي مقعدتش معاه اكتر من ربع ساعه

**human** · 22-05-2011 01:04 PM

يا فندم هيه رفضاك و مش عايزاك بس بتقولك باسلوب مهذب
يعنى حضرتك عايزها تقولك لا مش انت اللى انا عايزاه خبط لزق

الناس فيما يحسون مذاهب

و ده مش عيب فيك

انا فيه بنت خرجت معاها بمعرفه اهلها عشان نشوف هنتكلم ازاى و كده - زمان
فضلنا نتكلم و نضحك بتاع 4 ساعات و كانوا منتهى الجمال
اختى سألتنى قولتلها كنت حاسس انى بكلم اختى - هيه برضه كلمت اختى و قالت حاسه انها مع اخوها

الموضوع بسيط جدا

اكيد نصيبك هييجى فى حد بيلعب فى الموجه بتاعتك

ده طبيعى جدا

و مش شرط عشان هيه مش حساك زى ما بتقول تبقى تييت

**dr.amr** · 22-05-2011 01:09 PM

المشاركة الأصلية كتبت بواسطة human12

يا فندم هيه رفضاك و مش عايزاك بس بتقولك باسلوب مهذب
يعنى حضرتك عايزها تقولك لا مش انت اللى انا عايزاه خبط لزق

الناس فيما يحسون مذاهب

و ده مش عيب فيك

انا فيه بنت خرجت معاها بمعرفه اهلها عشان نشوف هنتكلم ازاى و كده - زمان
فضلنا نتكلم و نضحك بتاع 4 ساعات و كانوا منتهى الجمال
اختى سألتنى قولتلها كنت حاسس انى بكلم اختى - هيه برضه كلمت اختى و قالت حاسه انها مع اخوها

الموضوع بسيط جدا

اكيد نصيبك هييجى فى حد بيلعب فى الموجه بتاعتك

ده طبيعى جدا

و مش شرط عشان هيه مش حساك زى ما بتقول تبقى تييت

لا يا استاذ طارق

انا عارف الرفض

بس عارف تقولي ايه اديني اسبوع اعمل استخاره

خلص الاسبوع تلاقيها تقولي انا خايفه اسيبك

دي وصلت ان اللي قبل الاخيره

كانت بتعمل شات مع صحبتها

وكانت بتعمل شات معايا

بدل ما تكتب عند صحبتها كتبت عندي

بالنص كده

انا خايفه اسيبه وارجع اندم عليه مش هيجيلي احسن منه

انا عارف الفرق بين الرفض والربط

اللي بيحصل انها بتبقي عايزاك جنبها مربوط لغاية لما تشوف هي ظروفها ايه

وعلي فكره تيت دي مش قصدي بيها شتيمه

هي تعبير عن غضب واستغراب بس :)

**human** · 22-05-2011 01:16 PM

الفكره ان الجواز و الراجل الكويس شحيح اليومين دول

هيه بتبقى نفسها فى عيشه تانيه ممكن مش شايفاها معاك
عشان كده بتبقى صعبان عليها تسيبك و بعدين ماتشفش حد عدل تانى

اعذرهم - الايام اللى احنا فيها صعبه على الكل

**dr.amr** · 22-05-2011 01:19 PM

المشاركة الأصلية كتبت بواسطة human12

الفكره ان الجواز و الراجل الكويس شحيح اليومين دول

هيه بتبقى نفسها فى عيشه تانيه ممكن مش شايفاها معاك
عشان كده بتبقى صعبان عليها تسيبك و بعدين ماتشفش حد عدل تانى

اعذرهم - الايام اللى احنا فيها صعبه على الكل

انا والله مش مضايق الا من حاجه واحده بس

انهم بيتسرعوا في الحكم علي اللي بيتقدم

والله لغاية دلوقتي امها نفسها اكلمها تاني

انا بس بيصعب عليا بنات كويسين دماغهم مش عارفه هم عايزين ايه

عشان كده بقولك بقي نفسي اترفض علطول

حد يقولي انت وحش اطلع بره

**dr.amr** · 22-05-2011 01:21 PM

عموما انا عارف موضوع الكيميا ده ومجربه

بس المشكله ان الموضوع بياخد وقت برضو مش خبط لزق

بحس ان الموضوع بقي استسهال

لا وخلاص ليه مش حساك

ربنا يسترها علي البنات كلها