كيا كارينز .... توكيل جديد ... كسر زيرو خليجي ؟؟؟؟
السلام عليكم ...
انا محمد من قسم النيسان ... يا ريت اكون ضيف خفيف على قلوب رجالة الكيا ...
الموضوع باختصار ... ليا واحد صاحبي قدامه واحد عنده كارينز خليجي كسر زيرو عامله 5000 كم .. شاريها شهر 12 اللي فات ... و عاوز يبيعها لصاحبي على 125000 ... و كان مركب جنوط 17 ... قال هيفكهم ... ويركب ال16 اللي كانو فيها .. و ينزل 3000 جنيه ..يعني 122000 .... و هوا مأمن عليها ... و دافع 4000 علشان يدخل في الضمان ... و مرخص سنة
السؤال بقا .... يشتريها و لا يجيب زيرو توكيل أحسن علشان ضمان الصناعة ؟؟؟ .... و هل ال4000 جنيه اللي دفعهم صاحب العربية دي بتخلي العربية في ضمان عيوب الصناعة و لا مجرد التأثير في المصنعية بس .... و هل سعر كسر الزيرو ب 125000 حلو و لا سعرها لازم يبقى كام علشان تبقى لقطة ؟؟؟؟؟؟
و لو رسي على الزيرو .. يجيب التوكيل و لا الخليجي ؟؟؟؟
معلش اسئلة متشعبة . و كتييييييييييرة ... لكن الاعتماد على الله ثم على كرم ضيافتكم