الموضوع: كيا كارينز .... توكيل جديد ... كسر زيرو خليجي ؟؟؟؟

المشاركة الأصلية كتبت بواسطة mohamednagib

السلام عليكم ...

انا محمد من قسم النيسان ... يا ريت اكون ضيف خفيف على قلوب رجالة الكيا ...
ازيك يا محمد واهلا بكل رجالة نسيان ......حاجه صاقعه بسرعه ......احكى يا سيدى ايه الموضوع
الموضوع باختصار ... ليا واحد صاحبي قدامه واحد عنده كارينز خليجي كسر زيرو عامله 5000 كم .. شاريها شهر 12 اللي فات ... و عاوز يبيعها لصاحبي على 125000 ...
مواصفات العربية فى الخليجى بالذات مختلفة من عربية للتانية محتاج اعرف المواصفات كاملة ( الكماليات ) لانه هتفرق فى التقييم
و كان مركب جنوط 17 ... قال هيفكهم ... ويركب ال16 اللي كانو فيها .. و ينزل 3000 جنيه ..يعني 122000 ....

اللى عمله كان لنفسه هو اللى غير مش احنا انا باخد العربية على وضعها وقت البيع وبالتالى ده ميعتبرش تنزيل فى سعر العربية
و هوا مأمن عليها ... و دافع 4000 علشان يدخل في الضمان ... و مرخص سنة

الفلوس اللى هو دفعها دى متعتبرش تأمين ضد عيوب الصناعة دى كانت اتاوة من التوكيل علشان بس يدخل جو التوكيل يعمل صيانتها الدورية وكمان هيدفع حق الصيانات دى
السؤال بقا .... يشتريها و لا يجيب زيرو توكيل أحسن علشان ضمان الصناعة ؟؟؟ ....

الضمان مهم جدا طبعا ولكن الاغلبية بتروح تجيب الخليجى علشان سعر ارخص كماليات اكتر وله حرية الاختيار
و هل ال4000 جنيه اللي دفعهم صاحب العربية دي بتخلي العربية في ضمان عيوب الصناعة و لا مجرد التأثير في المصنعية بس ....

ال 4000ج اللى دفعهم صاحب العربية ملهومش لاازمة دلقوتى لانهم سمحو فى التوكيل بدخول صيانات الخليجى مع زيادة فى المصنعية 30% وفى الحالة زى بتعتنا دى مش هيكون عليه الزيادة ال 30% لانه دفع قبل كده ال 4000 ج اتاوة وهيتعامل كانها عربية وكيل فى الاسعار والمصنعايات
و هل سعر كسر الزيرو ب 125000 حلو و لا سعرها لازم يبقى كام علشان تبقى لقطة ؟؟؟؟؟؟

ايه مواصفات العربية بالكامل علشان نقدر نحكم ( خليجى ايه + الكماليات ايه )

و لو رسي على الزيرو .. يجيب التوكيل و لا الخليجي ؟؟؟؟

كل منهما له مميزاته وعيوبه وفى مواضيع كتير هنا بتتكلم عن نفس السؤال ده

معلش اسئلة متشعبة . و كتييييييييييرة ... لكن الاعتماد على الله ثم على كرم ضيافتكم

ولايهمك وتحت امرك وانا معاك فى اى استفسار بس المرة اللى جاية الحاجه الساقعه .......علينا برده