ارجو المساعدة تريوس 2008 اتوماتيك او النترا اتوماتيك 2008

**ehabalbert** · 22-04-2008 05:14 PM

انا ناوي اشتري عربية جديدة و محتار جدا جدا بين التريوس اوتوماتيك 2x4 او النترا اتوماتيك 2008 مع الأخذ في الأعتبار ان التريوس علي ما اسمع فيها كام مشكلة ذي ان العربية غير مريحة في السفر و الهزة في الدركسيون بعد ال100 و ان السيارة بعد ال120 مش مستقرة برغم اني معجب جدا بشكلها ارجو النصيحة من هذا الموقع الرائع مع الشكر:)

**mamado90** · 22-04-2008 05:43 PM

أيهاب ألبرت

سلاااااااااام مربع يا ملك

أولا احب عرفك بأنى أمتلكت التريوس 2008 Glx 4*4

منذ اسبوع ..كونك أنك تقارن ما بين التريوس والألنترا فرق شاسع

حقيقة ناس كتير رشحولى الألنترا من قبل لكن فهى مازلت من فئة السيارات القريبة من الارض أقصد "واطيه" يعنى
لكن التريوس يا ايهاب لما تركبها بتحس أنك ... سيد الناس ... فهى من فئة السيارات الجيب وكدة وهو ده مربط الفرس اللى خلانى اختارها فهى رخيصة مقارنة بالسيارت الجيب.,.. وبعدين ما تنساش انها يبااااااااااااانى ... موش كورى كالألنترا
شوارعنا فى مصر محتاجة لسيارة عالية عشان المطبات .. وانت عارف شورعنا بصراحة بتفاحئ كل يوم بمطب ومطب غير البلاعات المفتوحة فى الطبارى اللى بتخلى الواحد يخاف
لكن مع التريوس ما تقلق ... فهى مجهزة للكلام ده

موش هطول عليك ... انا عامل موضوع عن "تقييمى للتريوس " تابعنى فيه
وقبل كل شئ أستخير الله فى اللى تحبه

أخوك محمد ابو بكر

**ehabalbert** · 22-04-2008 07:02 PM

شكرا ليك اخ محمد على النصيحة الغالية و على الرد السريع لكن ارجو ان تفيدني في العيوب الي في العربية مثل الثبات في السرعات العالية و سرعة تجميع العربية مع الأوتوماتيك مع الشكر

**mamado90** · 23-04-2008 12:03 AM

المشاركة الأصلية كتبت بواسطة ehabalbert

شكرا ليك اخ محمد على النصيحة الغالية و على الرد السريع لكن ارجو ان تفيدني في العيوب الي في العربية مثل الثبات في السرعات العالية و سرعة تجميع العربية مع الأوتوماتيك مع الشكر

تسلم يا بوب... حقيقة حتى الان اكثر سرعة مشيت بيها هى 80 كيلو متر\الساعة....على RPM1200 عشان انت عارف التليين وكده ... لكن هى ثابتة فى تلك السرعات .... ربما الناس بيشتكون فى السرعات الاعلى من كده لكن خلينى بس أليين وبخبركم بالجديد فى الموضوع اللى عاملة عن تقييمى للتريوس فى البوست نفسه