أنهي عربية فيها أحسن تكييف

**Ahmedhussein007** · 07-07-2011 02:06 AM

طالما عايز تكييف خليك فاليابانى وابعد عن الاوروبى انا مجرب تكييف الاوكتافيا a5 عادى مش بيتلج زى اليابانى

**Ahmod** · 07-07-2011 02:46 AM

بص يا باشا وبدون اي مبالغة انا لحد دلوقتي مركبتش اي عربية التكييف فيها احسن من تكييف عربيتي الياريس يمكن الاستثناء الوحيد كانت التويوتا الاند كروزر - يمكن دي العربية الوحيدة اللى ركبتها وحسيت ان تكييفها افضل من الياريس

ومش بقول كدة عشان هي عربيتي او حاجة لكن دي حقيقة واكيد ملاك العربية عارفيين كلامي

فعلا وفي عز الظهر وفي اليومين دول وبشغل التكييف بسقع ! ! بسقع بمعنى الكلمة وبقلله وسعات بطفيه كمان !

ركبت مع زمايلي فانتزيا واسبيرانزا وحتى ال Bmw محستش ان التكييف بقوة التكييف عندي

لكن في نفس الوقت طالما عندك مقدرة تدفع لحد 180 الف اكيد مش هقولك اشتري الياريس لان فيه عربيات احسن منها بمراحل

ومش معقول حضرتك هتدفع 180 الف جنيه في عربية عشان بس التكييف بتاعها كويس معلش يا باشا حتى لو دي اولوية عند حضرتك ففي حجات تانية كتير لازم تاخد بالك منها عشان ماترجعش تندم بعد كدة

اصل برضوا في الاول وفي الاخر التكييف ده كله على بعضه شهرين الصيف وخلاص ! بعد كدة طول السنة الجو بيبقى معقول فاي تكييف هيديلك الاداء اللى هيرضيك

الفرق بين تكييف والتاني هو لما تشغله في عز الحر !

العربيات عموما كلها التكييف فيها كويس خاصا في الفئة السعرية اللى حضرتك بتتكلم فيها

فلازم تشوف اولويات تانية لحضرتك غير التكييف وبناء على كدة تقدر تقرر هتشتري ايه

لكن انا ارجح لحضرتك جيتا او هوندا سيفيك

انما لو حضرتك اهم حاجة التكييف بدون النظر لاي حاجة تانية يبقى متخرجش عن عائلة التويوتا ! !

**Mahmode** · 07-07-2011 11:57 AM

بص يا باشا وبدون اي مبالغة انا لحد دلوقتي مركبتش اي عربية التكييف فيها احسن من تكييف عربيتي الياريس يمكن الاستثناء الوحيد كانت التويوتا الاند كروزر - يمكن دي العربية الوحيدة اللى ركبتها وحسيت ان تكييفها افضل من الياريس

ومش بقول كدة عشان هي عربيتي او حاجة لكن دي حقيقة واكيد ملاك العربية عارفيين كلامي

فعلا وفي عز الظهر وفي اليومين دول وبشغل التكييف بسقع ! ! بسقع بمعنى الكلمة وبقلله وسعات بطفيه كمان !

ركبت مع زمايلي فانتزيا واسبيرانزا وحتى ال bmw محستش ان التكييف بقوة التكييف عندي

لكن في نفس الوقت طالما عندك مقدرة تدفع لحد 180 الف اكيد مش هقولك اشتري الياريس لان فيه عربيات احسن منها بمراحل

ومش معقول حضرتك هتدفع 180 الف جنيه في عربية عشان بس التكييف بتاعها كويس معلش يا باشا حتى لو دي اولوية عند حضرتك ففي حجات تانية كتير لازم تاخد بالك منها عشان ماترجعش تندم بعد كدة

اصل برضوا في الاول وفي الاخر التكييف ده كله على بعضه شهرين الصيف وخلاص ! بعد كدة طول السنة الجو بيبقى معقول فاي تكييف هيديلك الاداء اللى هيرضيك

الفرق بين تكييف والتاني هو لما تشغله في عز الحر !

العربيات عموما كلها التكييف فيها كويس خاصا في الفئة السعرية اللى حضرتك بتتكلم فيها

فلازم تشوف اولويات تانية لحضرتك غير التكييف وبناء على كدة تقدر تقرر هتشتري ايه

لكن انا ارجح لحضرتك جيتا او هوندا سيفيك

انما لو حضرتك اهم حاجة التكييف بدون النظر لاي حاجة تانية يبقى متخرجش عن عائلة التويوتا ! !

كلام جميل مقدرش أقول حاجة عنه. أنا طبعا بصيت على كل مواصفات العربيات مش بس التكييف بس الصراحة كنت عامل في حسابي إن التكييف يكون كويس برضه بجانب إن العربية تكون مواصفاتها حلوة وفعلا رسيت على هوندا سيفيك مستعملة 2009.