أنهي عربية فيها أحسن تكييف
بصو يا جماعة سيبكو من كل الأوبشنز بتاعت العربية بلا حساسات بلا تعتيم بلا طارة ملتي بلا ضم بلا بطيخ. كللو إشتغالات. أهم أوبشن بجد التكييف (وطبعا الباور والسنتر وقزاز كهربا) أنا عاوز أعرف آراءكم في أنهي عربية فيها أحسن تكييف. وطبعا باتكلم عن عربيات جديدة وفي الرينج من 120الف - 180الف يعني من التيدا كده للجيتا ومرورا بالمازدا والهوندا والرينو وما إلى ذلك.
يا ريت اللي يشارك يشارك بمعلومة مش برأي. يعني بمعنى آخر يكون جرب عربية في عز الحر والظهر وشاف تكيفها عامل إزاي. مش عاوز آراء سماعية. ويريت برضو اللي جرب عربية وعارف إن تكيفها مش قد كده يقول برضو. يعني أنا عن تجربة عارف إن الفورد فوكس تكيفها وحش. وشكرا