المشاركة الأصلية كتبت بواسطة خالد
الماروتى
مميزات الماروتى:
موديل حديث 2008 يعنى يدوبك 3 سنين (قطع غيارها الأصلية لسه فيها)
موتور يابانى ، ونظام تعليق (عفشة) زى الفل مش موجود فى عربيات حديثة
توفير جامد فى البنزين
تعدى من خرم أبرة فى شوارعنا الزحمة
ممكن تركن فى أصغر حتة
مش محتاجة مصاريف
قطع غيار رخيصة جداً ومتوفرة
لاتحتاج لميكانيكى متخصص ، سهلة جداً فى الصيانة وأى حد بيفهم فيها
عيوب الماروتى :
الشكل الصغير فقط لاغير يعنى المنظر بس ، وفى ناس كتير بتستهيفها
موتورها الصغير 800 سي سي ، ولو أن مفيش مشكلة فيها خالص فى السرعة والسفر مرة كل شهر
البونتو :
مميزاتها:
شكلها أحلى من الماروتى وأكبر وأوسع ، موتورها أقوى من الماروتى
قطع غيارها برضه متوفرة
صيانتها سهلة وأى حد بيفهم فيها
عيوبها :
موديل قديم بقالها 17 سنة بتجرى فى الشوارع ( يعنى مش مضمونة)
محتاجة مصاريف وهتقرفك كل شوية عند الميكانيكية
أنا رأيي خليك فى الماروتى الموديل الحديث 2008 علشان وجع القلب مع الصنايعية
وربنا يوفقك