الموضوع: الغياب الامنى الى اين واين وزير الداخليه

انا رأيى ان حتى لو جابو واحد من الجيش يمسك الداخليه البلد دى مش اقل من 3 او 4 سنين عشان الامن يرجع زى الاول لان الناس دى واخداها عناد مع الشرطه و تحدى خلاص بقى عينى عينك لما بيدخلو فى اى حته ( الشرطه ) بيترفع فى وشهم الالى عادى جدا و كمان موضوع ال 500 الف بلطجى دول اللى شغالين خراب فى البلد دول مستحيل يتلمو فى وقت اقل من اللى انا متوقعه يعنى دول لوحدهم جيش تانى و كمان الظابط من دول واقف مكانه خايف من اى حركه او كلمه غلط ممكن ما يروحش بيتهم و حتى لو هو كويس خلاص ما فيش ضهر ليه مش نازلين بقوتهم كلها فطبيعى انه يبقى خايف و لا يهش و لا ينش و طبعا الشعب بتاعنا الجاهل الغبى مبسوط جدا ان مافيش شرطه عشان يعلو الادوار براحتهم و يبنوا و ياخدو اراضى وضع يد و اللى عنده خلافات مع ناس تانيه يروح يصفيه بضرب النار دلوقتى بقينا نسمع واحد قتل واحد فى خناقه او ضرب عليه نار بدل ما كنا الاول بنسمع واحد عور واحد فى خناقه و كان نادر لما يبقى عوره بسلاح ابيض الناس دى عشان تتلم هاتبقى معارك بمعنى كلمه معارك حتى لو جابولهم واحد قوى عشان الكلاب دى طلعت من جحورها و قلبهم جمدو حسو انهم مسيطرين لان ماكانوش بيخافو غير من الشرطه و اللى كانو بيخافو منه خلاص وقع يبقى مالهمش حد يلمهم

المشاركة الأصلية كتبت بواسطة gemy1

انا رأيى ان حتى لو جابو واحد من الجيش يمسك الداخليه البلد دى مش اقل من 3 او 4 سنين عشان الامن يرجع زى الاول لان الناس دى واخداها عناد مع الشرطه و تحدى خلاص بقى عينى عينك لما بيدخلو فى اى حته ( الشرطه ) بيترفع فى وشهم الالى عادى جدا و كمان موضوع ال 500 الف بلطجى دول اللى شغالين خراب فى البلد دول مستحيل يتلمو فى وقت اقل من اللى انا متوقعه يعنى دول لوحدهم جيش تانى و كمان الظابط من دول واقف مكانه خايف من اى حركه او كلمه غلط ممكن ما يروحش بيتهم و حتى لو هو كويس خلاص ما فيش ضهر ليه مش نازلين بقوتهم كلها فطبيعى انه يبقى خايف و لا يهش و لا ينش و طبعا الشعب بتاعنا الجاهل الغبى مبسوط جدا ان مافيش شرطه عشان يعلو الادوار براحتهم و يبنوا و ياخدو اراضى وضع يد و اللى عنده خلافات مع ناس تانيه يروح يصفيه بضرب النار دلوقتى بقينا نسمع واحد قتل واحد فى خناقه او ضرب عليه نار بدل ما كنا الاول بنسمع واحد عور واحد فى خناقه و كان نادر لما يبقى عوره بسلاح ابيض الناس دى عشان تتلم هاتبقى معارك بمعنى كلمه معارك حتى لو جابولهم واحد قوى عشان الكلاب دى طلعت من جحورها و قلبهم جمدو حسو انهم مسيطرين لان ماكانوش بيخافو غير من الشرطه و اللى كانو بيخافو منه خلاص وقع يبقى مالهمش حد يلمهم

+1111111

استاذ ورئيس قسم

على فكره موضوع سجاير الحشيش والبانجو فى العربيات ده عادى من زمان جدا فى العربيات وساعات فى الشوارع كمان
مش حاجه جديده يعنى

لكن اظن ان حجج الشرطه بقت ماسخه اوى اوى اوى خلاص بقا شبعنا حجج من الشرطه ووزير الداخليه

مش عارف هما الناس دى مغيبه ولا مش واخده بالها من اللى بيحصل فى البلد

المشاركة الأصلية كتبت بواسطة elfashn

اول امبارح على ناصيه شارع عز الدين عمر المقابل لشارع العريش كان فى 3 ظباط رتب كبيره كانو قعدين على كراسى على ناصيه الشارع ال ايه يعنى اهو موجودين.بعديهم ب2 متر بالظبط التكاتك واقفه سد ناصيه الشارع وعامله زحمه وكان فى سواقين تكتك بيتخانقو والبهوات قعدين يتسامرو ويضحكو ولا كأن فى اى حاجه فى الشارع والدنيا ميت فل وعشره. انا كنت عايز اصورهم واجيبلكو الفيديو بس كان معايا مراتى ومحبيتش اعمل كده ومعايا حد. بس ان شاء الله هجيبهوم منورين فى فيديو علشان وزيرهم يتفرج على رجالته وابقى سلملى على الرجاله.

يعنى تفتكر انه مش عارف اللى بيحصل ؟؟؟؟؟؟؟؟؟

يا باشا اللى انت شوفته ده موقف عادى بيتكرر فى كل اماكن الجمهوريه

اكبر راس للثوره المضاده هو وزير الداخليه يا فندم بس احنا اللى عيننا على الحزب الوطنى فقط

أولا يا جماعة نفسي ربنا يهدينا وما حدش يردد إننا شعب مش كويس ومش عارف إيه

حرام والله لما نتهم بهذه التهم اللي في نظري سخيفة

أي شعب في العالم هيترك بدون حكومة فاعلة لازم هيطلع الهلافيت فيه ويحاولوا يكسروا القانون
وزمان قالوا إن الله يزع بالسلطان ما لا يزع بالقرآن - ومن أمن العقوبة أساء الأدب

احنا خمسة وتمانين مليون
لو نسبة اتنين بالمائة مننا مش كويسين يعني اتنين مليون واحد تقريبا ما بين بلطجي وهمجي وحرامي وقاتل وغيره وده رقم رهييييييييييييييب جدا وبدون شرطة قوية وملتزمة وبدون جيش حازم فالعدد ده كافي إنه يخلي البلد في جحيم

لكن ده معناه بردو إن فيه تمانية وتسعين بالمائة من الشعب عندهم استعداد يحترموا القانون ومازال أغلبهم يتحامل على نفسه ويحترم القانون رغم عدم توفره

وبيقولوا في الحكمة إن العملة الرديئة تطرد العملة الصالحة

الحل في رأيي إننا نمشي في إتجاهين

إتجاه رسمي من الدولة بإلحاق دفعات متتالية من خريجي كلية الحقوق بكلية الشرطة وخروجهم بعد دورة تدريبية ثلاثة أشهر وبعدين يمارسوا عملهم كضباط أول وأثناء العمل يتم استكمال تدريباتهم

وفي نفس الوقت يتم ترقية كل الضباط الصغيرين الحاليين ممن يثبت ولاؤهم للوطن وحسن اداؤهم في هذه المرحلة
ويتم الإستغناء وفورا عن أي قائد تثبت تخليه عن مهامه او تقصيره فيها ويبقى يخلي أمه تعمله رضعة قبل النوم

والإتجاه الموازي الآخر هو غن في كل حي وكل منطقة ومدينة في مصر يتم تجميع شباب محترم وملتزم ويتعمل منهم لجان لحفظ الأمن وفض المنازعات تحت رعاية القوات المسلحة ويبقى ليهم ملفات وزي خاص وأكيد دول هيبقوا عارفين منطقتهم كويس وهيقدروا يدافعوا عنها ويطلعوا منها أي واحد مش كويس ويسلموه للجيش