الغياب الامنى الى اين واين وزير الداخليه

**gemy1** · 23-05-2011 12:45 AM

المشاركة الأصلية كتبت بواسطة elfashn

اول امبارح على ناصيه شارع عز الدين عمر المقابل لشارع العريش كان فى 3 ظباط رتب كبيره كانو قعدين على كراسى على ناصيه الشارع ال ايه يعنى اهو موجودين.بعديهم ب2 متر بالظبط التكاتك واقفه سد ناصيه الشارع وعامله زحمه وكان فى سواقين تكتك بيتخانقو والبهوات قعدين يتسامرو ويضحكو ولا كأن فى اى حاجه فى الشارع والدنيا ميت فل وعشره. انا كنت عايز اصورهم واجيبلكو الفيديو بس كان معايا مراتى ومحبيتش اعمل كده ومعايا حد. بس ان شاء الله هجيبهوم منورين فى فيديو علشان وزيرهم يتفرج على رجالته وابقى سلملى على الرجاله.

يا باشا نفس الوضع فى رمسيس حاصل برضه و شفته بعينى بس هاقلك على حاجه دلوقتى دى ناس كبيره فى السن و فى الرتبه يعنى من الاخر كده مش هايهزق نفسه مع عيل زباله هو ده المبدا اللى ماشيين بيه لانه لو ده حصل الظابط هايقوم مفرغ خزنته فى دماغه ماهو مش بعد العمر ده كله و يتهزأ من حد ما يسواش هى دى وجهة نظرهم و قلى انت هايعمل ايه هايخدم فى البوكس و يطلع بيهم على القسم السيناريو المعتاد هايحصل اهله يطلعو على القسم يكسروه فالراجل بيريح دماغه و بيقضوها كلام معاهم ده اخرهم زى ما حصل فى رمسيس مع البياعين اللى استولو على ميدان رمسيس من كل شبر فيه مشوهم بالعافيه خصلت مسخره و ضرب و قله ادب فبقو يكبرو دماغهم و حتى مع سواقين الميكروباص اللى هناك بقو يمشوها كلام فاللاسف الناس دى خدت وضع مش وضعها خالص و كبرو و برضه الشرطه بتقع فى غلط تانى انهم بيعملو قيمه للناس دى و بتديلهم حجم اكبر من حجمهم هم بيفهمو كده و الله ان قال ايه الشرطه بتقلق منهم و ده للاسف الحقيقه اللى بتحصل

**cheetos_892005** · 23-05-2011 01:17 AM

الخلاصه يعني .....عشان الواحد قرف ....

اللي بيحصل ده نتيجة ان 80 % على الاقل من اللي دخلوا شرطه داخلين .....

ياما مجبوش مجموع .....او صيع و عايزين يبلطجوا ..او شاب نفسه يفيم عربيته و يتقاله يا باشا ....

و كل ده بالفلوس .....

و بصرحه يعني و لا تفسير من الناس بتقوله داخل ذمتي ببصله .....

يقولك خايفين يطلعوه هو اللي غلطان و البلطجي برىء ......اقوله يا فالح مهو اكيد البلطجي ده كان بيعمل حاجه زي وشه ساعتها او اكيد معروف .....يعني ناس شايفه و قرفانه .....كمان اللي يتكلم يتكلم و لا يطلع اي حد كبير يقول حصل كذا كذا ....
لازم حزم شويه

يقولك اصله عنده بيت و عيال ........اقوله لهو انت فاكر انك داخل شرطه كده يعني ......هتطلع تشتغل في حضانه يعني ؟؟؟؟
مجرد دخولك كلية شرطه مسؤوليه يا بيه .......مش اي حاجه

وانا كا مهندس مدني اتدربت في تركيبات ابراج استيل ......ولا بلاش اشتغل لحسن اقع ...

و ابقوا فكرونا لما اسرائيل تخش علينا كده ....ان الجيش عنده عيال برده

يقلك اصله لو استخدم نار حي الناس هتتلم عليه ......اولا :القانون بيديله ضرب في الهوا ثم في الرجل ....

مش لازم في النافوخ يعني عشان يضرب .......

يقلك اصل عددهم اقل و مش عارف ايه ......اولا الجيش معاهم دلوقتي ......

ثانيا : فين عساكر الامن المركزي مش فاهم يعني ......اللي كان مظاهره من 100 شخص عند اي نقابه تلاقي 60 عربيه محملين ......يقلك هربوا هما كمان .......اقوله دول عساكر جيش .....واول مره اعرف ان الهروب من الجيش سهل كده و الله هههههههههههه

الخلاصه ::شعار الشرطه يا ننزل و الناس تخاف مننا كا سيط و جزمتنا فوق الرقاب ......يا محناش نازلين .....

**احمد المصرى** · 23-05-2011 11:39 AM

الخلاصه ::شعار الشرطه يا ننزل و الناس تخاف مننا كا سيط و جزمتنا فوق الرقاب ......يا محناش نازلين .....

الشعار دا لازم يتغير لو مكنش بالذوق يبق بالعافيه وكل الشرطه تقعد فى البيت ونجيب ظباط شرطه من جديد من كليات حقوق مثلا ويكونوا رجاله بجد والبلد مليانه شباب متعلم ومش لاقى شغل واكيد هيكون افضل مليون مره من الظابط السابق بتاع النظام القديم بس احنا عايزين راجل بجد يمسك وزاره الداخليه