الموضوع: ايه الفرق بين العربيه الروسي الاصلي والعربيه التقفيل المصري

الفرق بين الاتنين كبير جدا جدا ,الروسي انضف بكتير

وشكراااااااااااااااا يابشمهندس

</B>mohamed2002

بس ياريت لو عندك معلومات عن الفوروقات بين السيارتين ياريت متبخلش علينا بيهم لاني عاووز اجيب عربيه تمشي معايا في شوارع المحروسه وخاصه المطبات والحفر اللي مفيش شارع لايخلو منها واعتقد السيارات الكوري ميستحملش زي دي الدبابه الروسي دي


وشكراااااااااااااااا يابشمهندس
</B>TheDieSeL
علي المعلومات القيمه دي
بس كان عندي سؤال هي النيفا بتنزل روسي اربع باب ولا لا لاني حاسس انها دبابه فعلا مش عربيه

المشاركة الأصلية كتبت بواسطة a7madramadan

العربية موجوده عند الأمل كموزع رئيسي وموجودة طبعا عند موزعين فرعيين كثيييير قوي عادي يعني

بالنسبة للفروق ..بين المصري والروسي في موديل 2107 المشهور المنتشر وده موجود زيرو لحد اليوم
المصري بتنزل بكاسيت وسماعتين في الطابلوه الأمامي
المصري بتنزل بسنتر لوك
المصري بتنزل بإكصدام ألومينتال في وسطه خط كاوتش اسود .. الروسي إكصدام فايبر اسود وفيه شريط كروم لامع مميز
المصري بتنزل بكراسي أمامي من فوق مدورة ... الروسي الكراسي من فوق مستطيلة (هتفهم قصدي بعينك)
المصري بتنزل بألوان ميتاليك وعادية ... الروسي بتنزل بألوان عادية بس حلوة علشان ما تفهمش غلط .. :)
الدريكسيون مختلف بين الإثنين والروسي أفضل بكثير
الموتور من 2007 لحد 2009 الروسي بينزل إينجيكشن والمصري كاربيراتير مش متأكد الي بعديهم ايه بس أعتقد نفس النظام وما اعرفش الي قبلهم ايه النظام الكاربيراتير تحط بنزين 80 عادي الاينجيكشن 90-92 والفرق يستحق على فكرة والاستهلاك في الاينجيكشن أقل بس أغلى شوية من الــ80 :)
المصري الفوم الموجود داخل الكابوت لعزل الصوت غير موجود
المصري بتيجي بمرايات جانبية كبيرة وأجمل نسبيا... الروسي مرايات صغيرة و أفضل بمراحل في الرؤية

كل ده مــــــاشي ويعدي ... بس اهم حاجة التقفيل سيء جدا جدا فالمصري الروسي أفضل بمراحل
الروسي أغلى من المصري ..
المصري ترخيصها أرخص بنسبة بسيطة جدا فالمرور لإنها تجميع محلي لتشجيع الصناعة المصرية

أما الموديلات الأخرى ما أعتقد هأقدر أفيدك .. وعموما الموجود زيرو هوه الــ نيفا وهيه عربية 4*4 مشهورة ودي تجميع مصري ولايوجد روسي على حد علمي ... وفي عربية ثانية وهيه لادا سمارا الجديدة ودي مش متأكد من تفاصيل صناعتها بس هيه بموتور 1600 دفع أمامي على حد علمي وربما أكون مخطئ

أتمنى اكون افدتك ولو في استفسارات أخرى وخصوصا في موديل 2107 احنا فالخدمة

السلام عليكم ورحمة الله وبركاته,
أستاذ أحمد , بعد التحية ,
أحب أن أستفتسر عن لادا 2107 الروسي , أنا شفت مشاركتك في منتدي وشفتك كاتب أنك هترد علي اي استفسار عن اللادا عشان كدة قلت أسألك شوية أسألة
أولاً أيه أخر موديل روسي في مصر , أقصد سنة كلم سمعت أنه 2007 وبعد كدة مصري وتركي
ثانيا هل الروسي كله باور ولا لأ وأيهما أفضل الباور ولا بدون ولا هاف باور خصوصا اني سمعت ان الباور مش بيفصل علي السرعات العالية والعربية بتعوم .
ثالثا هل يمكن اجراء بعض التعديلات للروسي لادخال الكماليات يعني تركيب الكاسيت والسنتر والسماعات والتكييف
رابعا , هل يمكن أنه يركبلها جنوط و أيه افضل جنط ليها مقاس ونوع ؟؟
خامسا , بالنسبة لمشكلة التبريد و العفشة (ملص البيض) هل محلولة بجد ولا فتي صنيعية ؟ وايه أفضل الحلول ؟؟


أسف علي كثرة الأسألة وأتمني سرعة الإجابة وجزاك الله خيرا

هأقولك اللى حصل بالضبط
شركة الأمل - توكيل لادا - بدأوا يجمعوا لادا الروسية فى مصر, مش هأقولك إن الصنايعى المصرى معندوش ضمير لإن دى حاجه معروفه. بس الخامات كمان أى كلام.
لما توزن عربية لادا 2107 مصرى و روسى و تلاقى الفرق 400 كيلو يبقى فيه حاجه مش مضبوطه... الصااااااج بقى سمكه أقل, غير معالج ضد الصدأ زى الروسى و بالتالى البارومة بتسرح و ربنا يستر.
الشركة المحترمه عارفه إن الشعب بتاعنا بيهتم بالأوبشنز حتى لو راكب عربية كلها بلاستيك, قالت نتفق مع ورش خارجية تركب لنا باور و تكييف و سنتر و .... كماليات يعنى.
الباور فيه مشاكل لإنه ببساطة (((( فتى)))) من الشركة و تعديل غير مدروس, و ده اللى بيخليه ميفصبش على سرعة عالية.
التكييف أى كهربائى يركبهولك مش إشكال, الأهم هو عزل كابينة القيادة, يعنى صوف حرارى و لباد و ملئ كل فراغات العربية فوم فى السقف و الأرضية و الأبواب و تحت التابلوة, غير كده هيحصل اللى إحنا بنشوفه ده... التكيف يبوظ بسرعه و أداؤه مش حلو.
طبعاً السنتر و الإنذار و الزجاج الكهرباء مبقاش حوار دلوقتى.

آدى زتونة الموضوع يا باشا.

بالنسبة للجنوط, ممكن يركب عادى بس النصيحة دايماً بجنوط الفابريكا الحديد الأصلى و علية طقم طاسات , لإن أى لعب فى وزن أو أرقام الجنوط هيزعل العفشة , و عفشة اللادا على قد ما هى بتستحمل, إلا إنها بتزعل بسرعة أوى, و زعلها وحش, ربنا يكفينا شر زعلتها.

التبريد فيه ليه حلول كتير, أبتداءاً من تغيير الريداتير لنحاس, و تكبير المروحة و صباع الحرارة, لحد إلغاء ترموستات الكوعة و تركيب مروحة دايركت على طنبورة سير الدينامو..... حلول جايبة نتايج مذهله فى التاكسى اللادا شغل متواصل.

موضوع البيض اللى بيملص ده يعتبر منتهى من العصر الحجرى, بس تراعى: بيض نوعه محترم بشفه,لو بمشاحم تتابع تشحيمة من فترة للتانية, و تربط عفشتك أول بأول.... تراعى العربية مش هتشتكى منها, اللادا زى الست الغيورة اللى متحبش جوزها يهملها, بس ست أصيلة و بترضى بقليلها.... حد هنا عاوز يتجوز :)

و على قد لحافك مد رجليك.

المشاركة الأصلية كتبت بواسطة Zing0

هأقولك اللى حصل بالضبط
شركة الأمل - توكيل لادا - بدأوا يجمعوا لادا الروسية فى مصر, مش هأقولك إن الصنايعى المصرى معندوش ضمير لإن دى حاجه معروفه. بس الخامات كمان أى كلام.
لما توزن عربية لادا 2107 مصرى و روسى و تلاقى الفرق 400 كيلو يبقى فيه حاجه مش مضبوطه... الصااااااج بقى سمكه أقل, غير معالج ضد الصدأ زى الروسى و بالتالى البارومة بتسرح و ربنا يستر.
الشركة المحترمه عارفه إن الشعب بتاعنا بيهتم بالأوبشنز حتى لو راكب عربية كلها بلاستيك, قالت نتفق مع ورش خارجية تركب لنا باور و تكييف و سنتر و .... كماليات يعنى.
الباور فيه مشاكل لإنه ببساطة (((( فتى)))) من الشركة و تعديل غير مدروس, و ده اللى بيخليه ميفصبش على سرعة عالية.
التكييف أى كهربائى يركبهولك مش إشكال, الأهم هو عزل كابينة القيادة, يعنى صوف حرارى و لباد و ملئ كل فراغات العربية فوم فى السقف و الأرضية و الأبواب و تحت التابلوة, غير كده هيحصل اللى إحنا بنشوفه ده... التكيف يبوظ بسرعه و أداؤه مش حلو.
طبعاً السنتر و الإنذار و الزجاج الكهرباء مبقاش حوار دلوقتى.

آدى زتونة الموضوع يا باشا.

بالنسبة للجنوط, ممكن يركب عادى بس النصيحة دايماً بجنوط الفابريكا الحديد الأصلى و علية طقم طاسات , لإن أى لعب فى وزن أو أرقام الجنوط هيزعل العفشة , و عفشة اللادا على قد ما هى بتستحمل, إلا إنها بتزعل بسرعة أوى, و زعلها وحش, ربنا يكفينا شر زعلتها.

التبريد فيه ليه حلول كتير, أبتداءاً من تغيير الريداتير لنحاس, و تكبير المروحة و صباع الحرارة, لحد إلغاء ترموستات الكوعة و تركيب مروحة دايركت على طنبورة سير الدينامو..... حلول جايبة نتايج مذهله فى التاكسى اللادا شغل متواصل.

موضوع البيض اللى بيملص ده يعتبر منتهى من العصر الحجرى, بس تراعى: بيض نوعه محترم بشفه,لو بمشاحم تتابع تشحيمة من فترة للتانية, و تربط عفشتك أول بأول.... تراعى العربية مش هتشتكى منها, اللادا زى الست الغيورة اللى متحبش جوزها يهملها, بس ست أصيلة و بترضى بقليلها.... حد هنا عاوز يتجوز :)

و على قد لحافك مد رجليك.

بترقص
https://www.youtube.com/watch?v=tF_fs3uXZEQ