الموضوع: تقرير المقابله الثانيه لقسم ميتسوبيشي (دار المركبات) 20 - 5 - 2011

بسم الله الرحمن الرحيم
سلام عليكم علي كل الاعضاء الكرام
تمت مقابله ميتسوبيشي الثانيه بنجاح منقطع النظير والحمد الله
الناس كلها كانت اول مره تشوف بعض
والاعمار السنيه مختلفه وده ساعد علي تعدد المواضيع المفتوحه في المقابله

نبدأ بالتعرف علي الاعضاء

1- مهندس طارق زويل

2- د/ محمد

3- ابو حمزه

4- محمد الجرجاوي

5- مصطفي محمود (prisoner)

6-محمود (momo44)

7- محمود (devilishtigers)

8- احمد توفيق (fouaa)

9- سياده اللواء فريق اول تصوير عمرو (amrxxx)

10 - واخيرا صبحي محمد (funnymickey)

دول كانوا الحضور

وطبعا افتقدنا ناس كتير جدا فعلا كانت حتبقي مقابله عالميه لو كانوا حضروا

دول كانوا الحضور
وطبعا افتقدنا ناس كتير جدا فعلا كانت حتبقي مقابله عالميه لو كانوا حضروا

بعد التعارف نبتدي اليوم

بدأ اليوم كما اتفقنا في الساعه 11 صباحا بحضوري انا ومصطفي
رحت لقيت مصطفي في النادي اصلا
:)

شويه وحضر احمد توفيق وصاحبه عمرو
ما شاء الله نازل من بيته جي المقابله ومش معاه نمرتي
وبالتالي من الساعه 11 ولمده نصف ساعه بيدور عليا وفي الاخر جاب النمره من الموقع :)

مع اذان صلاه الجمعه حضر محمود (momo 44)
صلينا الجمعه مع شيخ عجيب بيقرأ من ورقه وما علينا نعديها دي

خرجنا من صلاه الجمعه وشويه وحضر محمد الجرجاوي

كان المفروض اننا ننزل الميه وبصراحه الجو كان حر
بس فيه ناس مكنتش عامله حسابها تنزل ومكنش فيه غيري انا ومحمود اللي عاوزين ننزل فقعدنا
وبصراحه القعده مكنتش تتساب

توالي حضور الاعضاء
كل من ابو حمزه واللي ملحقش يقعد معانا والله مع ان القعده معاه ميتشبعش منها
وبعدها حضر مفاجأه المقابله واللي اتبسط منها ناس كتير
مهندس طارق زويل
وبعده د/ محمد

اتجهنا لباركنج النادي واللي كان فاضي مما اتاح لينا الرغي واللت والعجن في العربيات والمواتير وكل واحد فتح كبوته واتقلبت ورشه ميكانيكا

وطبعا كمان معانا المهندس طارق وكان شويه شويه حيتعمل كشف مجاني :)

بس الحمد لله الجوع نال نصيبه من الاعضاء واتجهنا الي المطعم لتناول الغذاء
وبعد تناول الغداء قمنا قعدنا مع بعض شويه في الفندق وقعدنا نرغي وانتهت المقابله باذان العشاء

انا شخصيا محسيتش بالوقت ومعرفش اصلا قعدنا ازاي كل ده من غير ما نحس
يعني من الساعه 11 صباحا للساعه 8 مساءا
ده day use والله :)

فعلا كل واحد فيهم عاوز سنين عشان يتشبع منه ومن قعدته
واللمه الحلوه ربنا يديمها علينا نعمه

وطبعا عتاب شديد موجه لكل من لم يحضر المقابله ولكن لهم العذر في انشغال كل واحد منهم بظروفه الخاصه
بس كان فعلا حيبقي يوم رائع لو كانوا حضروا

وفي النهايه احب اشكر الاعضاء اللي اهتموا وحضروا المقابله وساهموا في نجاحها بشكل كبير
ونلتقي في مقابلات تانيه ان شاء الله علي خير