الموضوع: انا بقيت ميكانيكى يا رجاله (فكيت طرمبة البنزين ونظفت فبلتر البنزين وظبط عداد البزين)

العربيه نيسان صنى 1600 اتوماتيك2008 وعامله 85000 كيلو
العربيه كان فيها مشاكل فى السحب وكانت بتبطل مني كتيييير اكنها مشحره بنزين والعيب ده كن من فترة المهم كل المؤشرات كانت بتقول ان العيب من فلتر البنزين الملحق مع الطرمبه . انا فتحت موضوع بيها هنا فى المنتدى من فتره
http://www.nilemotors.net/Nile/19581...post3873216270

وكنت خلاص هروح بالعربيه للتوكيل عشان اركب طرمبه جديده عشان العربيه مش بينزل لها فلتر بنزين يعنى لازم تشتري طلمبه جديده وكان ثمنها 1500 تقريبا.

بس جاتلى فكرة انى احاول انظف الفلتر ده وقد كان روحت فاكك الطرمبه .
"للاسف لم اتمكن من اخذ صور للموضوع "
أول حاجه . بتشيل الكنبه الى ورا ودي سهله جدا فيه اثنين كليبس بتسحبهم وترفعها عادى .
ثانيا :بعد لما تشيل الكنبه وتفصل الفيشه بتاعت الطلمبه هتلف الكليبس بتاع الغطاء بتاع التنك بسن البنسه وتفك الغطاء ده هتلاقى الطلمبه متثبته فى التانك وفيه 2 خرطوم واحد خارج عليه سهم وواحد بيرجع البنزين الزياده للتنك تانى .
المهم هتفكهم طبعا وحاول تقفل الخرم بتاعهم بقى حاجة عشان ميفضوش البنزين الى فيهم.
هتفك المسامير بتاعتالطلمبه وترفع الطلمبه من التانك وحده وحده عشان بتبقى مليانه بنزين وبسرعه تاخدها بره العربيه "وحاول تقفل الغطاء بتاع التنك كنوع من الامان" .


كده احنا فكينا الطلمبه

1- فك سلك الكهرباء بتاع الماتور والعواهمه الاول وبعدين فيه كليبسات فى الجنب حاول تفكها بسن مفك وتسحب هتلاقي القاعه فكت
2- فيه قاعده تانيه ماسكه الماتور بتاع الطرمبه هتفكاها هيا كمان وتشيل الماتور قبل عملية التنظيف

طريقة عمل الطرمبه
الماتور بتاع الطلمبه بيسحب البنزين من التانك ويدخله على الفلتر "هتلاقيه متبرشم فى جسم الطرمبه ومش بيتفك" يتفلتر وبعدين يدخل للماتور بتاع العربيه عن طريق الفتحه الى عليه سهم خارج .

طيب ازاي هنظف الفلتر وهوا متبرشم فى جسم الطلمبه

الفكره انك تعكس حركة البنزين بقوه شديه انا روحت بنزينه وبمسدس الهوا خليته حطلى فيه بنزين وروحت حاطط سن المسدس فى فتحة خروج البنزين من الطرمبه الى عليها سهم خارج و خلصت عليها 2 لتر بنزين لغايه لما الفلتر بقى يطلع بنزين نظيف . فى الاول هتلقيه بيطلع وساخه كتتتير وهينظف واحد واحده .

انا كان عندى مشكله فى العوامه كانت مخرفه على طول فقمت بتنظيف اللإبره بتاعتها وضغط عليها بسن المفط شويه



وبعدين ترجع كل حاجة تانى بالظبط شكل ماكانت فحاول تحفظ انت فكيت كل حاجه ازاى عشان تركبها مكنها بالظبط ووصل الخراطيم فى مكانها تانى ووصل الفيشه بتاع ماتور
وقفل مساميرك كويس قوي واقفل الغطاء تانى وركب الكنبه تانى

وشغل العربيه على الكونتاك شويه وبعدين دور ممكن تقطع شويه وتدور بس معاى دارت على طول على ماتحضر البنزين فى الخراطيم


النتيجه :

• العربيه بقت تما م فى السحب ومعدتش تقطع تانى وانا ماشى

• ومشكله الفصل انتهت تماما وعمليه الهرتله الى اول ما بتدور انتهت بردو
• عداد البنزين اتظبط
• وفرت علي نفسى 1500 جنيه

الوقت المستغرق : كان حوالى ساعتين مع العلم انى اول مره افك حاجه فى العربيه بتاعتى بايدي

والعمليه دي من اسبوعين تقريبا والحمد لله العربيه كويسه

متاسف لعدم الشرح بالصور . بس ممكن اي حد من محترف فى المنتدى يساعد فى الموضوع لو عنده صور للطلمبه .

انا احب المجازفة انت استاذ