سلام عليكم ..

فى الموضوع ده هوضح الفرق بين الفانتازيا الوكيل و الخليجى ...لكن نظرا لتعدد فئات الخليجى ..واختلافها حسب بلد الاستيراد ...سعودى ..كويتى ...سورى ...فمش هقدر اعمل مقارنه بين كل فئه فى الوكيل و الخليجى ...
فالمقارنه هتكون بين اعلى فئه وكيل ..واعلى فئه خليجى ...
وفى فروق بينهم ..ملهاش علاقه بفئه العربيه ..زى مثلا ارتفاع العربيه ...
توكلنا على الله

مميزات سياره الوكيل
1-ارتفاع السياره على الارض ..اعلى من الخليجى ...اختلفت الاراء ..ناس قالو 1 سم ..ناس قالو 2سم و نص ..ناس قالو 3 ...لكن ايا كان الرقم ..سياره الوكيل مستحيل تحك فى مطب ...وفرق الارتفاع ده ..عامل فرق ثبات ...بيظهر فقط فى حاله وجود هواء شديد ...مش هنقول العربيه بتعوم لا ...نقدر نقول الخليجى لازقه فى الارض اكتر منها شويه
طيب ازاى الشركه عملت فرق الارتفاع ؟؟
بمعنى اصح ايه الاختلاف الى خلى الوكيل اعلى من الخليجى...
اليايات بتاع العربيه او السوست ..بتاع الوكيل..اكثر طولا من الخليجى ..وده السبب فى انها اعلى ...يعنى عاوز تعلى عربيتك ...او توطيها ...هتغير السوست و تجيب سوست استيراد (لو عاوز توطيها) و التجار بيقولو عليه السوسته الرفيعه ...والعكس لو عاوز تزود الارتفاع بطريقه صحيحه ..هتجيب السوسته التخينه ..بس غالبا مش موجوده استيراد لانها نازله لمصر فقط ...

2-سياره الوكيل الاليجانس ..فيها ابنوس فى التابلوه و الابواب ..وطبعا شكله تحفه خصوصا مع الفرش البيج ...وده مش بينزل فى الخليجى ...

3-سياره الوكيل فيها مرايات ضم كهرباء ..ودى نادره جدا جدا جدا فى الخليجى ...

4-الفرش الجلد فى سياره الوكيل ..يغطى الكرسى بالكامل ..على عكس الخليجى الجلد بيكون على حواف الكرسى ..لكن الحوض بتاعه قماش ...وطبعا متعب جدا فى تنضيفه

5-ضمان سنتين بدون حد اقصى للكيلومترات

6-4 ايرباج و ده نادر جداااااااااااااا فى العربيات الخليجى


مميزات السياره الخليجى

1-جنوط سبور مقاس 17 ...


2-انا كتبتها كميزه فى الوكيل لكن لازم اكتبها هنا بردو ..وهى ..العربيه واطيه على الارض ..اه هتحك فى المطبات (لازم تاخدها بجنب لو معاك حد ورا ..وبرالراحه اوى لو لوحدك ..لكن فى المقابل ....شكل احلى ..وثبات افضل


3-حساسات ركن اماميه ...

4-يوجد منها اللون الابيض و غير متوفر فى التوكيل (ولا حتى سبيشيال اوردر)
5-يوجد فى بعض السيارات الخليجى حساس ضوء



دى كل الفروق الى انا فاكرها بين الوكيل و الخليجى ..
منقدرش نقول دى احسن من دى ..
فى واحد عنده الجنط ال 17 والعفشه الواطيه و فرق الثبات البسيط ده ...اهم من كل مميزات الوكيل
وفى واحد عاوزها عاليه عشان يرتاح من المطبات و معجب بالابنوس ..

ملحوظه مهمه : العربيات الخليجى بتدخل الوكيل عادى جدا مفيش مشكله ..لكن طبعا خارج الضمان